ಕನ್ನಡಕ್ಕೂ ಕಾಲಿಟ್ಟ ಅಮೆಜಾನ್, ಹಿಂದಿ ನಂತರ ದಕ್ಷಿಣ ಭಾರತದ ಭಾಷೆಗಳಿಗೆ ಮಣೆ
ವಾಲ್ಮಾರ್ಟ್ ಒಡೆತನದ ಫ್ಲಿಪ್ಕಾರ್ಟ್ ಈಗಾಗಲೇ ತಮಿಳು, ತೆಲುಗು ಮತ್ತು ಕನ್ನಡ ಸೇವೆಗಳನ್ನು ಒದಗಿಸುತ್ತಿದ್ದು, ಇದಕ್ಕೆ ಸ್ಪರ್ಧೆ ನೀಡುವಂತೆ ಅಮೆಜಾನ್ ಸಹ ದಕ್ಷಿಣ ಭಾಷೆಗಳಿಗೆ ತನ್ನ ಸೇವೆಯನ್ನು ವಿಸ್ತರಿಸಿದೆ.
Agencies 23 Sep 2020, 10:14 pm
ಬೆಂಗಳೂರು: ಕನ್ನಡ, ತೆಲುಗು, ತಮಿಳು ಮತ್ತು ಮಲಯಾಳಂ ಸೇರಿದಂತೆ ನಾಲ್ಕು ಪ್ರಾದೇಶಿಕ ಭಾಷೆಗಳಲ್ಲಿ ಅಮೆಜಾನ್ ತನ್ನ ಸೇವೆಯನ್ನು ನೀಡಲಿದೆ. ವಿಜಯದಶಮಿ, ದೀಪಾವಳಿ ಸೇರಿದಂತೆ ಹಬ್ಬದ ಅವಧಿಯಲ್ಲಿ ದಕ್ಷಿಣ ರಾಜ್ಯಗಳ ಹೊಸ ಇ-ಕಾಮರ್ಸ್ ಗ್ರಾಹಕರನ್ನು ಸೆಳೆಯಲು ಅಮೆಜಾನ್ ಹೊಸ ಸೇವೆಯನ್ನು ಆರಂಭಿಸಿದೆ.
20-30 ಕೋಟಿ ಹೊಸ ಗ್ರಾಹಕರನ್ನು ತನ್ನ ತೆಕ್ಕೆಗೆ ಸೆಳೆಯಲು ಅಮೆಜಾನ್ ಯೋಜನೆ ರೂಪಿಸಿದೆ. 7 ವರ್ಷಗಳ ಹಿಂದೆ ಭಾರತದಲ್ಲಿ ತನ್ನ ಇ-ಕಾಮರ್ಸ್ ಸೇವೆಯನ್ನು ಆರಂಭಿಸಿದ್ದ ಅಮೆಜಾನ್, ಎರಡು ವರ್ಷಗಳ ಹಿಂದಷ್ಟೇ ತನ್ನ ಹಿಂದಿ ಆವೃತ್ತಿಯನ್ನು ಆರಂಭಿಸಿತ್ತು. 2018ರಲ್ಲಿ ಹಿಂದಿ ಸೇವೆ ನೀಡಿದ ಕಾರಣ, ಕಂಪನಿಯ ಬೆಳವಣಿಗೆ ಮೂರು ಪಟ್ಟು ಏರಿದೆ. ಈಗ ನಾಲ್ಕು ಪ್ರದೇಶಿಕ ಭಾಷೆಗಳಲ್ಲಿ ಸೇವೆ ನೀಡಲು ಮುಂದಾಗಿದೆ.
ವಾಲ್ಮಾರ್ಟ್ ಒಡೆತನದ ಫ್ಲಿಪ್ಕಾರ್ಟ್ ತಮಿಳು, ತೆಲುಗು ಮತ್ತು ಕನ್ನಡ ಸೇವೆಗಳನ್ನು ಒದಗಿಸುತ್ತಿದ್ದು, ಇದಕ್ಕೆ ಸ್ಪರ್ಧೆ ನೀಡುವಂತೆ ಅಮೆಜಾನ್ ಸಹ ದಕ್ಷಿಣ ಭಾಷೆಗಳಿಗೆ ಮಣೆ ಹಾಕಿದೆ.
ಸ್ಥಳೀಯ ಭಾಷೆಗಳ ಮಹತ್ವ ಅರಿತ ಕಂಪನಿಗಳು
ಮಾತೃ ಭಾಷೆಯಲ್ಲಿಯೇ ಆನ್ಲೈನ್ ಸೇವೆ ಸಿಕ್ಕಿದರೆ, ಹೊಸ ಗ್ರಾಹಕರು ಸಹಜವಾಗಿಯೇ ಸೃಷ್ಟಿಯಾಗುತ್ತಾರೆ ಎನ್ನುವ ಮಾರುಕಟ್ಟೆ ತಂತ್ರವನ್ನು ಕಂಪನಿಗಳು ಅನುಸರಿಸುತ್ತಿವೆ. ನೆಟ್ಫ್ಲಿಕ್ಸ್ ಕಳೆದ ತಿಂಗಳಷ್ಟೇ ತನ್ನ ಸೇವೆಯಲ್ಲಿ ಹಿಂದಿಗೆ ಬೆಂಬಲ ನೀಡಿದೆ. ಅಮೆಜಾನ್ ಫ್ರೈಮ್ನಲ್ಲಿ ಹಿಂದಿ ಜೊತೆಗೆ ತೆಲುಗು, ತಮಿಳು, ಕನ್ನಡಕ್ಕೆ ಬೇಡಿಕೆ ಹೆಚ್ಚುತ್ತಿರುವುದನ್ನು ಇಲ್ಲಿ ಗಮನಿಸಬಹುದು.
20-30 ಕೋಟಿ ಹೊಸ ಗ್ರಾಹಕರನ್ನು ತನ್ನ ತೆಕ್ಕೆಗೆ ಸೆಳೆಯಲು ಅಮೆಜಾನ್ ಯೋಜನೆ ರೂಪಿಸಿದೆ. 7 ವರ್ಷಗಳ ಹಿಂದೆ ಭಾರತದಲ್ಲಿ ತನ್ನ ಇ-ಕಾಮರ್ಸ್ ಸೇವೆಯನ್ನು ಆರಂಭಿಸಿದ್ದ ಅಮೆಜಾನ್, ಎರಡು ವರ್ಷಗಳ ಹಿಂದಷ್ಟೇ ತನ್ನ ಹಿಂದಿ ಆವೃತ್ತಿಯನ್ನು ಆರಂಭಿಸಿತ್ತು. 2018ರಲ್ಲಿ ಹಿಂದಿ ಸೇವೆ ನೀಡಿದ ಕಾರಣ, ಕಂಪನಿಯ ಬೆಳವಣಿಗೆ ಮೂರು ಪಟ್ಟು ಏರಿದೆ. ಈಗ ನಾಲ್ಕು ಪ್ರದೇಶಿಕ ಭಾಷೆಗಳಲ್ಲಿ ಸೇವೆ ನೀಡಲು ಮುಂದಾಗಿದೆ.
ವಾಲ್ಮಾರ್ಟ್ ಒಡೆತನದ ಫ್ಲಿಪ್ಕಾರ್ಟ್ ತಮಿಳು, ತೆಲುಗು ಮತ್ತು ಕನ್ನಡ ಸೇವೆಗಳನ್ನು ಒದಗಿಸುತ್ತಿದ್ದು, ಇದಕ್ಕೆ ಸ್ಪರ್ಧೆ ನೀಡುವಂತೆ ಅಮೆಜಾನ್ ಸಹ ದಕ್ಷಿಣ ಭಾಷೆಗಳಿಗೆ ಮಣೆ ಹಾಕಿದೆ.
ಸ್ಥಳೀಯ ಭಾಷೆಗಳ ಮಹತ್ವ ಅರಿತ ಕಂಪನಿಗಳು
ಮಾತೃ ಭಾಷೆಯಲ್ಲಿಯೇ ಆನ್ಲೈನ್ ಸೇವೆ ಸಿಕ್ಕಿದರೆ, ಹೊಸ ಗ್ರಾಹಕರು ಸಹಜವಾಗಿಯೇ ಸೃಷ್ಟಿಯಾಗುತ್ತಾರೆ ಎನ್ನುವ ಮಾರುಕಟ್ಟೆ ತಂತ್ರವನ್ನು ಕಂಪನಿಗಳು ಅನುಸರಿಸುತ್ತಿವೆ. ನೆಟ್ಫ್ಲಿಕ್ಸ್ ಕಳೆದ ತಿಂಗಳಷ್ಟೇ ತನ್ನ ಸೇವೆಯಲ್ಲಿ ಹಿಂದಿಗೆ ಬೆಂಬಲ ನೀಡಿದೆ. ಅಮೆಜಾನ್ ಫ್ರೈಮ್ನಲ್ಲಿ ಹಿಂದಿ ಜೊತೆಗೆ ತೆಲುಗು, ತಮಿಳು, ಕನ್ನಡಕ್ಕೆ ಬೇಡಿಕೆ ಹೆಚ್ಚುತ್ತಿರುವುದನ್ನು ಇಲ್ಲಿ ಗಮನಿಸಬಹುದು.