ಉದ್ಯೋಗಿಗಳ ಉಳಿತಾಯ ಹೆಚ್ಚಿಸಿದ ವರ್ಕ್‌ ಫ್ರಂ ಹೋಮ್‌!

ಬೆಂಗಳೂರು: ಕೊರೊನಾ ಲಾಕ್‌ಡೌನ್‌ ಕಾರಣದಿಂದಾಗಿ ಮನೆಯಿಂದಲೇ ಕೆಲಸ ಮಾಡುತ್ತಿರುವ ಉದ್ಯೋಗಿಗಳು ತಿಂಗಳಿಗೆ ಕಡಿಮೆ ಎಂದರೂ 3ರಿಂದ 5 ಸಾವಿರ ರೂಪಾಯಿ ಹೆಚ್ಚುವರಿ ಉಳಿಕೆ ಮಾಡುತ್ತಿದ್ದಾರೆ ಎಂಬ ಅಂಶ ಬೆಳಕಿಗೆ ಬಂದಿದೆ.

ಕೋವರ್ಕಿಂಗ್‌ ಸಂಸ್ಥೆಯೊಂದು ಇತ್ತೀಚಿಗೆ ನಡೆಸಿರುವ ಸಮೀಕ್ಷೆಯಲ್ಲಿ ಈ ವಿಚಾರ ತಿಳಿದುಬಂದಿದೆ. ಮನೆಯಿಂದಲೇ ಕೆಲಸ ಮಾಡುವುದರಿಂದ ಸಾರಿಗೆ ವೆಚ್ಚ, ಹೊಸ ಬಟ್ಟೆ ತೆಗೆದುಕೊಳ್ಳುವುದು, ಆಹಾರ ಮೊದಲಾದಂತೆ ಕೆಲವು ಖರ್ಚುಗಳು ಉಳಿತಾಯವಾಗುತ್ತಿವೆ. ಆಫೀಸಿಗೆ ತೆರಳಬೇಕಾದ ಅಗತ್ಯ ಇಲ್ಲದಿರುವುದರಿಂದ ದಿನದಲ್ಲಿ 1-1.5 ಗಂಟೆ ಸಮಯವೂ ಉಳಿತಾಯವಾಗುತ್ತಿದೆ.

ಸಮೀಕ್ಷೆಯಲ್ಲಿ ಪಾಲ್ಗೊಂಡ ಶೇ. 74 ಮಂದಿ ಕಚೇರಿಯಿಂದ ದೂರದಲ್ಲಿದ್ದಕೊಂಡೇ ಕೆಲಸ ಮಾಡಲು ಬಯಸಿದ್ದಾರೆ. ಜೂನ್‌ ಮತ್ತು ಜುಲೈ ತಿಂಗಳಲ್ಲಿ ಸಮೀಕ್ಷೆ ನಡೆಸಿದ್ದು, ದೇಶದ 7 ಮಹಾನಗರಗಳಿಂದ 1000 ಜನರು ಸಮೀಕ್ಷೆಯಲ್ಲಿ ಪಾಲ್ಗೊಂಡಿದ್ದಾರೆ.

ಆಭರಣ ಪ್ರಿಯರಲ್ಲಿ ಸಂತಸ ಮೂಡಿಸಿದ ಚಿನ್ನದ ಬೆಲೆ ಇಳಿಕೆ!

ವೆಚ್ಚದ ಬಗ್ಗೆ ಹೆಚ್ಚು ಕಾಳಜಿವಹಿಸುವ ಭಾರತೀಯರಿಗೆ ಮನೆಯಿಂದಲೇ ಕೆಲಸ ಮಾಡುವುದರಿಂದ ಹಣ ಉಳಿತಾಯವಾಗುತ್ತಿರುವುದು ಹೆಚ್ಚು ಅನುಕೂಲವಾಗಿದೆ. ಸರಾಸರಿ ಒಬ್ಬ ಉದ್ಯೋಗಿಯು ಈ ಹಿಂದೆ (ಆಫೀಸಿಗೆ ಹೋಗುವಾಗ) ಸಾರಿಗೆ, ಬಟ್ಟೆ, ಆಹಾರಕ್ಕೆ ಮಾಡುತ್ತಿದ್ದ ವೆಚ್ಚ ಉಳಿತಾಯವಾಗುತ್ತಿದ್ದು, ತಿಂಗಳಿಗೆ ಸರಾಸರಿ 5,520 ರೂಪಾಯಿ ಹಣ ಉಳಿತಾಯವಾಗುತ್ತಿದೆ. ಇದು ಭಾರತೀಯರ ಸರಾಸರಿ ವೇತನದ ಶೇ.17ರಷ್ಟಿದೆ.

ಎಲ್‌ಪಿಜಿ ಸಿಲಿಂಡರ್‌ ಸಬ್ಸಿಡಿ ಸಂಪೂರ್ಣ ಸ್ಥಗಿತ: ಇನ್ಮುಂದೆ ಅಡುಗೆ ಅನಿಲಕ್ಕೆ ಒಂದೇ ಬೆಲೆ!

ಮಹಾನಗರಗಳಲ್ಲಿ ಉದ್ಯೋಗಿಗಳು ಕಚೇರಿಗೆ ಹೋಗಿ ಬರಲೆಂದೇ ದಿನದಲ್ಲಿ ಸರಾಸರಿ ಒಂದೂವರೆ ಗಂಟೆ ಸಮಯ ವ್ಯಯ ಮಾಡುತ್ತಾರೆ. ಆದರೆ, ಮನೆಯಿಂದಲೇ ಕೆಲಸ ಮಾಡುವುದರಿಂದ ಪ್ರತಿದಿನವೂ ಒಂದೂವರೆ ಗಂಟೆಗಳ ಸಮಯಾಕಾಶ ಸಿಗುತ್ತದೆ. ಇದರಿಂದ ಉದ್ಯೋಗಿಗಳ ಕಾರ್ಯಕ್ಷಮತೆಯೂ ಹೆಚ್ಚಿದೆ ಎಂದು ಸಮೀಕ್ಷಾ ವರದಿಯಲ್ಲಿ ತಿಳಿಸಿದೆ.