ಹೊಸದಿಲ್ಲಿ: ಖಾಸಗಿ ವಲಯದ ಎಕ್ಸಿಸ್ ಬ್ಯಾಂಕ್ ಉಳಿತಾಯ ಖಾತೆಗಳ ಬಡ್ಡಿ ದರವನ್ನು ಶೇ.0.50 ಕಡಿತಗೊಳಿಸಿದ್ದು, ಶೇ.4ರಿಂದ 3.50 ಇಳಿಕೆ ಮಾಡಿದೆ.
ಉಳಿತಾಯ ಖಾತೆಯಲ್ಲಿನ 50 ಲಕ್ಷ ರೂ. ಒಳಗಿನ ಹಣಕ್ಕೆ ಶೇ.3.50ರ ಬಡ್ಡಿ ಅನ್ವಯವಾಗಲಿದ್ದು, 50 ಲಕ್ಷ ರೂ. ಮೀರಿದ ಠೇವಣಿಗಳಿಗೆ ಹಳೆಯ ಶೇ.4ರ ಬಡ್ಡಿ ದರವೇ ಮುಂದುವರಿಯಲಿದೆ ಎಂದು ಪ್ರಕಟಣೆಯಲ್ಲಿ ಬ್ಯಾಂಕ್ ತಿಳಿಸಿದೆ.
ಇದೇ ರೀತಿಯ ತೀರ್ಮಾನವನ್ನು ಸಾರ್ವಜನಿಕ ವಲಯದ ಬೃಹತ್ ಬ್ಯಾಂಕ್ ಎಸ್ಬಿಐ ಜು.31ರಂದು ಪ್ರಕಟಿಸಿತ್ತು. 1 ಕೋಟಿ ರೂ. ಒಳಗಿನ ಠೇವಣಿಯ ಬಡ್ಡಿ ದರವನ್ನು ಶೇ.3.50ಕ್ಕೆ ಎಸ್ಬಿಐ ಇಳಿಸಿತ್ತು. ಬ್ಯಾಂಕ್ ಆಫ್ ಬರೋಡಾ ಸಹ ಬಡ್ಡಿ ದರವನ್ನು ಶೇ.0.50ರಷ್ಟು ಕಡಿತ ಮಾಡಿದೆ. ಎಸ್ಬಿಐ, ಎಕ್ಸಿಸ್, ಬ್ಯಾಂಕ್ ಆಫ್ ಬರೋಡಾದಂತೆಯೇ ಇತರೇ ಬ್ಯಾಂಕ್ಗಳೂ ಮುಂದಿನ ದಿನಗಳಲ್ಲಿ ಬಡ್ಡಿ ದರ ಇಳಿಕೆ ಮಾಡುವ ಸಾಧ್ಯತೆಗಳಿವೆ.
ಗೃಹ ಸಾಲದ ಬಡ್ಡಿ ದರಗಳು ಇಳಿಯುತ್ತಿರುವ ಹೊತ್ತಿನಲ್ಲಿ ಉಳಿತಾಯ ಖಾತೆ ಮತ್ತು ಪಿಪಿಎಫ್, ಆರ್ಡಿ, ಎಫ್ಡಿ ಸೇರಿದಂತೆ ಇತರೆ ಉಳಿತಾಯ ಯೋಜನೆಗಳ ಬಡ್ಡಿ ದರ ಕುಸಿಯುತ್ತಿದೆ.