Bank Holidays October 2022 | ದಸರಾ, ದೀಪಾವಳಿ ಸೇರಿ ಅಕ್ಟೋಬರ್‌ನಲ್ಲಿ ಸಾಲು ಸಾಲು ಹಬ್ಬ, ಯಾವೆಲ್ಲಾ ದಿನ ಬ್ಯಾಂಕ್‌ಗಳಿಗೆ ರಜೆ?

ಅಕ್ಟೋಬರ್‌ ತಿಂಗಳಲ್ಲಿ ಸಾಲು ಸಾಲು ಹಬ್ಬಗಳು ಬರಲಿದ್ದು, ಒಟ್ಟು ಮೂವತ್ತೊಂದು ದಿನಗಳಲ್ಲಿ, ಇಪ್ಪತ್ತು ದಿನಗಳವರೆಗೆ ಬ್ಯಾಂಕುಗಳಿಗೆ ರಜೆ ಇರಲಿದೆ ಎಂದು ರಿಸರ್ವ್ ಬ್ಯಾಂಕ್ ಆಫ್ ಇಂಡಿಯಾದ (ಆರ್‌ಬಿಐ) ಅಕ್ಟೋಬರ್ 2022ರ ‘ಬ್ಯಾಂಕ್ ರಜೆ ಪಟ್ಟಿ’ ತೋರಿಸುತ್ತಿದೆ.

ಆದರೆ ಈ ರಜೆಗಳು ರಾಜ್ಯದಿಂದ ರಾಜ್ಯಕ್ಕೆ ಬದಲಾಗುತ್ತವೆ. ಹೀಗಾಗಿ ಕರ್ನಾಟಕದಲ್ಲಿ ಎಲ್ಲಾ 21 ದಿನಗಳೂ ರಜೆಗಳು ಇರುವುದಿಲ್ಲ.

ಎಂದಿನಂತೆ ಭಾನುವಾರ ಮತ್ತು ಎರಡನೇ ಮತ್ತು ನಾಲ್ಕನೇ ಶನಿವಾರದಂದು ದೇಶಾದ್ಯಂತ ಎಲ್ಲಾ ಬ್ಯಾಂಕ್‌ಗಳಿಗೆ ರಜೆ ಇರುತ್ತವೆ. ಇದರ ಜತೆಗೆ ಪ್ರಾದೇಶಿಕ ಹಬ್ಬಗಳ ಸಂದರ್ಭದಲ್ಲಿ ಆಯಾ ರಾಜ್ಯಗಳಲ್ಲಿನ ಬ್ಯಾಂಕ್‌ ಶಾಖೆಗಳಿಗೆ ರಜೆಗಳಿರುತ್ತವೆ.

ಕರ್ನಾಟಕದಲ್ಲಿ ಬ್ಯಾಂಕ್‌ಗಳಿಗೆ ಅಕ್ಟೋಬರ್‌ ತಿಂಗಳಿನಲ್ಲಿ ಇರುವ ರಜೆಗಳ ಪಟ್ಟಿ ಇಲ್ಲಿದೆ.

ಅಕ್ಟೋಬರ್‌ 2: ಭಾನುವಾರ - ವಾರದ ರಜೆ (ಗಾಂಧಿ ಜಯಂತಿ)

ಅಕ್ಟೋಬರ್‌ 4: ಮಂಗಳವಾರ - ಮಹಾನವಮಿ

ಅಕ್ಟೋಬರ್‌ 5: ಬುಧವಾರ - ವಿಜಯದಶಮಿ/ದಸರಾ ರಜೆ

ಅಕ್ಟೋಬರ್‌ 8: ಶನಿವಾರ - ಎರಡನೇ ಶನಿವಾರದ ರಜೆ

ಅಕ್ಟೋಬರ್‌ 9: ಭಾನುವಾರ - ವಾರದ ರಜೆ (ವಾಲ್ಮೀಕಿ ಜಯಂತಿ)

ಅಕ್ಟೋಬರ್‌ 16: ಭಾನುವಾರ - ವಾರದ ರಜೆ

ಅಕ್ಟೋಬರ್‌ 22: ಶನಿವಾರ - ನಾಲ್ಕನೇ ಶನಿವಾರದ ರಜೆ

ಅಕ್ಟೋಬರ್‌ 23: ಭಾನುವಾರ - ವಾರದ ರಜೆ

ಅಕ್ಟೋಬರ್‌ 24: ಸೋಮವಾರ - ನರಕ ಚತುರ್ದಶಿ ಪ್ರಯುಕ್ತ ರಜೆ

ಅಕ್ಟೋಬರ್‌ 26: ಬುಧವಾರ - ದೀಪಾವಳಿ

ಅಕ್ಟೋಬರ್‌ 30: ಭಾನುವಾರ - ವಾರದ ರಜೆ

ಅಕ್ಟೋಬರ್‌ನಲ್ಲಿ ಒಟ್ಟು 11 ದಿನಗಳ ಕಾಲ ಕರ್ನಾಟಕದಲ್ಲಿ ಬ್ಯಾಂಕುಗಳು ಮುಚ್ಚಿರಲಿವೆ. ಈ ರಜೆ ದಿನಗಳಂದು ಬ್ಯಾಂಕ್‌ ಶಾಖೆಗಳು ತೆರೆಯುವುದಿಲ್ಲ. ಆದಾಗ್ಯೂ ಈ ಎಲ್ಲಾ ರಜೆ ದಿನಗಳಂದು ಎಂದಿನಂತೆ ಆನ್‌ಲೈನ್ ಹಣಕಾಸು ಸೇವೆಗಳು ಗ್ರಾಹಕರಿಗೆ ಲಭ್ಯ ಇರಲಿವೆ. ಇದನ್ನು ಸದುಪಯೋಗಪಡಿಸಿಕೊಳ್ಳಬಹುದಾಗಿದೆ.

ತೀಕ್ಷ್ಣ ಒಳನೋಟ ಹಾಗೂ 20ಕ್ಕೂ ಹೆಚ್ಚು ವಲಯಗಳ ವಿಸ್ತೃತ ಮಾಹಿತಿ ಒಳಗೊಂಡ 'ಎಕನಾಮಿಕ್ ಟೈಮ್ಸ್' ವಿಶೇಷ ಲೇಖನಗಳಿಗಾಗಿ ಈಗಲೇ ಸಬ್‌ಸ್ಕ್ರೈಬ್ ಆಗಿ.