ಮಿನಿಮಮ್‌ ಬ್ಯಾಲೆಸ್ಸ್‌ ಕಾಯ್ದುಕೊಳ್ಳದ ದಂಡದಿಂದ ಬ್ಯಾಂಕ್‌ ಸಂಗ್ರಹಿಸಿದ್ದು 10,000 ಕೋಟಿ ರೂ.

ಹೊಸದಿಲ್ಲಿ: ಸರಕಾರಿ ಸ್ವಾಮ್ಯದ ಬ್ಯಾಂಕ್‌ಗಳು ಕಳೆದ ಮೂರೂವರೆ ವರ್ಷಗಳಲ್ಲಿ 10,000 ಕೋಟಿ ರೂ.ಗೂ ಅಧಿಕ ಆದಾಯ ಪಡೆದಿವೆ! ಉಳಿತಾಯ ಖಾತೆಗಳಲ್ಲಿ ಕನಿಷ್ಠ ಮೊತ್ತ(ಮಿನಿಮಮ್‌ ಬ್ಯಾಲೆಸ್ಸ್‌) ಕಾಯ್ದುಕೊಳ್ಳದ ಗ್ರಾಹಕರಿಗೆ ಮತ್ತು ಎಟಿಎಂನಲ್ಲಿ ನಿಗದಿಗಿಂತಲೂ ಹೆಚ್ಚಿನ ಮೊತ್ತದಲ್ಲಿ ಹಣ ಹಿಂಪಡೆದ ಪ್ರಕರಣಗಳಲ್ಲಿ ಗ್ರಾಹಕರಿಗೆ ದಂಡಗಳ ವಿಧಿಸುವ ಮೂಲಕ ಇಷ್ಟು ಮೊತ್ತವನ್ನು ಬ್ಯಾಂಕ್‌ಗಳು ವಸೂಲಿ ಮಾಡಿವೆ.

ಸಂಸತ್ತಿನಲ್ಲಿ ಸದಸ್ಯರೊಬ್ಬರು ಕೇಳಿದ ಪ್ರಶ್ನೆಗೆ ಲಿಖಿತ ಉತ್ತರ ನೀಡಿರುವ ಸರಕಾರವು, ''2017ರ ಏಪ್ರಿಲ್‌ 1ರಿಂದ ಎಸ್‌ಬಿಐ ಮಿನಿಮಮ್‌ ಬ್ಯಾಲೆನ್ಸ್‌ ಶುಲ್ಕ ವಸೂಲಿಯ ನಿಯಮವನ್ನು ಮತ್ತೆ ಜಾರಿಗೊಳಿಸಿದೆ. ಈ ಸೆಪ್ಟೆಂಬರ್‌ ತನಕ ಎಸ್‌ಬಿಐ 2,894 ಕೋಟಿ ರೂ. ದಂಡವನ್ನು ವಸೂಲಿ ಮಾಡಿದೆ.

ದಂಡ ತಪ್ಪಿಸಿಕೊಳ್ಳುವುದು ಹೇಗೆ?

ಜನ್‌-ಧನ್‌ ಖಾತೆಗಳು ಮತ್ತು ಬೇಸಿಕ್‌ ಸೇವಿಂಗ್‌ ಖಾತೆಗಳಿಗೆ ಕನಿಷ್ಠ ಮೊತ್ತದ ನಿಯಮ ಅನ್ವಯವಾಗದು.

ಠೇವಣಿದಾರರ ಹಣ ದಂಡಕ್ಕೆ ಜಮೆ

6,246

ಉಳಿತಾಯ ಖಾತೆಯಲ್ಲಿ ಕನಿಷ್ಠ ಠೇವಣಿ ಕಾಯ್ದುಕೊಳ್ಳದ ಕಾರಣಕ್ಕೆ ಗ್ರಾಹಕರಿಂದ ಬ್ಯಾಂಕ್‌ಗಳು ವಸೂಲಿ ಮಾಡಿರುವ ಶುಲ್ಕ

4,145

ಎಟಿಎಂ ಶುಲ್ಕಗಳ ಮೂಲಕ ಬ್ಯಾಂಕ್‌ಗಳು ಸಂಗ್ರಹಿಸಿರುವ ಹಣ

10,391 ಕೋಟಿ ರೂ.

ಒಟ್ಟು ಮೊತ್ತ

(2015-16ರಿಂದ 2018-19ರ ಸೆಪ್ಟೆಂಬರ್‌ ತನಕ)

ಟಾಪ್‌ 5 ಸರಕಾರಿ ಸ್ವಾಮ್ಯ ಬ್ಯಾಂಕ್‌ಗಳು ಮಿನಿಮಮ್‌ ಬ್ಯಾಲೆನ್ಸ್‌ ನಿಯಮದ ಮೂಲಕ ಸಂಗ್ರಹಿಸಿದ ಹಣ

ಎಸ್‌ಬಿಐ 2,894

ಪಿಎನ್‌ಬಿ 493

ಕೆನರಾ ಬ್ಯಾಂಕ್‌ 352

ಸೆಂಟ್ರಲ್‌ ಬ್ಯಾಂಕ್‌ ಆಫ್‌ ಇಂಡಿಯಾ 348

ಬ್ಯಾಂಕ್‌ ಆಫ್‌ ಬರೋಡಾ 328

ಎಟಿಎಂ ಶುಲ್ಕಗಳ ಮೂಲಕ ಟಾಪ್‌ 5 ಬ್ಯಾಂಕ್‌ಗಳು ಸಂಗ್ರಹಿಸಿದ ಹಣ

ಎಸ್‌ಬಿಐ 1,554

ಬ್ಯಾಂಕ್‌ ಆಫ್‌ ಇಂಡಿಯಾ 464

ಪಿಎನ್‌ಬಿ 323

ಯೂನಿಯನ್‌ ಬ್ಯಾಂಕ್‌ ಆಫ್‌ ಇಂಡಿಯಾ 241

ಬ್ಯಾಂಕ್‌ ಆಫ್‌ ಬರೋಡಾ 328