ಜಿಡಿಪಿ ಮೂಲ ವರ್ಷದಲ್ಲಿ ಬದಲಾವಣೆ: ಸದಾನಂದಗೌಡ

ಹೊಸದಿಲ್ಲಿ : ಸರಕಾರ ಜಿಡಿಪಿ ಮತ್ತು ರಿಟೇಲ್‌ ಹಣದುಬ್ಬರದ ಲೆಕ್ಕಾಚಾರಕ್ಕೆ ಸಂಬಂಧಿಸಿ ಮೂಲ ವರ್ಷವನ್ನು ಅನುಕ್ರಮವಾಗಿ 2017-18 ಮತ್ತು 2018ಕ್ಕೆ ಬದಲಾಯಿಸಲಿದೆ. ಇದು 2019-20ರಿಂದ ಅನ್ವಯವಾಗಲಿದೆ ಎಂದು ಅಂಕಿ ಅಂಶಗಳು ಮತ್ತು ಕಾರ್ಯಕ್ರಮ ಅನುಷ್ಠಾನ ಇಲಾಖೆಯ ಕೇಂದ್ರ ಸಚಿವ ಸದಾನಂದ ಗೌಡ ತಿಳಿಸಿದ್ದಾರೆ.

ಇದರಿಂದ ದೇಶದ ಆರ್ಥಿಕ ಬೆಳವಣಿಗೆ ಮತ್ತು ಹಣದುಬ್ಬರದ ಬಗ್ಗೆ ಕರಾರುವಾಕ್‌ ಚಿತ್ರಣ ಲಭಿಸಲಿದೆ. ಸರಕಾರಕ್ಕೆ ನಾನಾ ಕಾರ್ಯಕ್ರಮಗಳ ಅವಲೋಕನಕ್ಕೂ ಇದು ಸಹಕಾರಿಯಾಗಲಿದೆ ಎಂದು ಸಚಿವರು ಹೇಳಿದ್ದಾರೆ. ಸದ್ಯಕ್ಕೆ ಜಿಡಿಪಿ, ಐಐಪಿ ಮತ್ತು ರಿಟೇಲ್‌ ಹಣದುಬ್ಬರದ ಮೂಲ ವರ್ಷ 2011-12 ಆಗಿದೆ.