ಟೆಕ್‌ ಉದ್ಯೋಗ: ಬೆಂಗಳೂರು ನಂ.1

ಹೊಸದಿಲ್ಲಿ : ತಂತ್ರಜ್ಞಾನ ವಲಯದ ಉದ್ಯೋಗಗಳ ಸೃಷ್ಟಿಯಲ್ಲಿ ಬೆಂಗಳೂರು ದೇಶದಲ್ಲಿಯೇ ಅಗ್ರ ಸ್ಥಾನದಲ್ಲಿದೆ ಎಂದು ಸಮೀಕ್ಷೆಯೊಂದು ತಿಳಿಸಿದೆ.

ದಿಲ್ಲಿ, ಪುಣೆ ಅನುಕ್ರಮವಾಗಿ ಎರಡು ಮತ್ತು ಮೂರನೇ ಸ್ಥಾನದಲ್ಲಿದೆ ಎಂದು ವರದಿ ತಿಳಿಸಿದೆ. ತಂತ್ರಜ್ಞಾನ ಕ್ಷೇತ್ರದಲ್ಲಿ ಸೃಷ್ಟಿಯಾಗುವ ಶೇ.22ರಷ್ಟು ಉದ್ಯೋಗಗಳಿ ಬೆಂಗಳೂರಿನ ಪಾಲಾಗುತ್ತಿದೆ. ದಿಲ್ಲಿ ಶೇ.11 ಮತ್ತು ಪುಣೆ ಶೇ.10 ಪಾಲನ್ನು ಹೊಂದಿದೆ ಎಂದು ಇಂಡೀಡ್‌ ಜಾಬ್‌ಸೈಟ್‌ನ ಸಮೀಕ್ಷೆ ತಿಳಿಸಿದೆ. ತಂತ್ರಜ್ಞಾನ ವಲಯದ ಉದ್ಯೋಗ ನೀಡುವ ಇತರ ನಗರಗಳಲ್ಲಿ ಹೈದರಾಬಾದ್‌ ಶೇ.9, ಮುಂಬಯಿ ಶೇ.8, ಚೆನ್ನೈ ಶೇ.7, ಮೊಹಾಲಿ ಶೇ.4, ಅಹಮದಾಬಾದ್‌ ಶೇ.3ರಷ್ಟು ಪಾಲನ್ನು ಹೊಂದಿವೆ.