ಷೇರುಪೇಟೆಯಲ್ಲಿ ಕುಸಿತ: 690 ಅಂಕ ಇಳಿಕೆ

ಮುಂಬಯಿ: ಕಳೆದ ಕೆಲವು ದಿನಗಳಿಂದ ಚೇತರಿಕೆ ಕಂಡಿದ್ದ ಮುಂಬೈ ಷೇರುಪೇಟೆಯಲ್ಲಿ ಶುಕ್ರವಾರ ಭಾರಿ ಕುಸಿತ ಕಂಡಿದೆ.

ಮುಂಬೈ ಷೇರು ವಿನಿಮಯ ಪೇಟೆಯಲ್ಲಿ ಸಂವೇದಿ ಸೂಚ್ಯಂಕ 690 ಅಂಕ ಕುಸಿತ ಕಂಡಿದೆ. ದಿನದಂತ್ಯಕ್ಎಕ 35,742 ಅಂಕ ತಲುಪಿದೆ.

ಇನ್ನು ರಾಷ್ಟ್ರೀಯ ವಿನಿಮಯ ಪೇಟೆಯಲ್ಲಿಯೂ ಷೇರು ಕುಸಿತ ಕಂಡಿದೆ.

ನಿಫ್ಟಿ 197 ಅಂಕ ಇಳಿಕೆಯಾಗಿದೆ. ಒಟ್ಟಾರೆಯಾಗಿ ಶೇ.1.81ರಷ್ಟು ಕುಸಿತ ಕಂಡು, ದಿನದಂತ್ಯದ ವಹಿವಾಟು 10,754 ಅಂಕದಲ್ಲಿ ಕೊನೆಗೊಂಡಿದೆ.

ರಿಯಲ್‌ ಎಸ್ಟೇಟ್‌, ಬ್ಯಾಂಕಿಂಗ್‌, ಮಾಹಿತಿ ತಂತ್ರಜ್ಞಾನ, ಆಟೋ ಬ್ಲೂಚಿಪ್‌ ಕ್ಷೇತ್ರದಲ್ಲಿ ಜಾಗತಿಕ ಮಾರುಕಟ್ಟೆಯಲ್ಲಿನ ವಹಿವಾಟು ನಿರುತ್ಸಾಹ ಕಂಡ ಹಿನ್ನೆಲೆಯಲ್ಲಿ ಮುಂಬೈ ಷೇರು ಪೇಟೆಯ ಮೇಲೂ ಪರಿಣಾಮ ಬೀರಿದೆ ಎನ್ನುತ್ತಾರೆ ಆರ್ಥಿಕ ತಜ್ಞರು.