ಬಿಪಿಸಿಎಲ್‌ ಸೇರಿ 4 ಬ್ಯಾಂಕುಗಳ ಖಾಸಗೀಕರಣಕ್ಕೆ ಚುರುಕಿನ ಸಿದ್ಧತೆ!

ಹೊಸದಿಲ್ಲಿ: ಮುಂದಿನ ಹಂತದ ಖಾಸಗೀಕರಣಕ್ಕೆ ಕೇಂದ್ರ ಸರಕಾರ ಸಿದ್ಧತೆ ನಡೆಸುತ್ತಿದೆ. ಭಾರತ್‌ ಪೆಟ್ರೋಲಿಯಂ ಕಾರ್ಪೊರೇಷನ್‌ ಲಿಮಿಟೆಡ್‌ (ಬಿಪಿಸಿಎಲ್‌) ಹಾಗೂ 4 ಬ್ಯಾಂಕ್‌ಗಳು ಖಾಸಗೀಕರಣವಾಗುವ ಸಾಧ್ಯತೆ ಇದೆ ಎಂದು ವರದಿಯಾಗಿದೆ.

ಸಾರ್ವಜನಿಕ ವಲಯದ ಪಂಜಾಬ್‌ ಆ್ಯಂಡ್‌ ಸಿಂಧ್‌ ಬ್ಯಾಂಕ್‌, ಐಒಬಿ, ಬ್ಯಾಂಕ್‌ ಆಫ್‌ ಮಹಾರಾಷ್ಟ್ರ ಖಾಸಗೀಕರಣ ಸಾಧ್ಯತೆ ಇದೆ. ಐಡಿಬಿಐ ಷೇರು ಮಾರಾಟ ಪ್ರಕ್ರಿಯೆ ಆರಂಭವಾಗಿದೆ. 2020-21ರಲ್ಲಿ2.1 ಲಕ್ಷ ಕೋಟಿ ರೂ. ಬಂಡವಾಳ ಹಿಂತೆಗೆತದ ಗುರಿಯನ್ನು ಸರಕಾರ ಹೊಂದಿದೆ.

ದೊಡ್ಡ ಮಟ್ಟಿನ ಖಾಸಗೀಕರಣಕ್ಕೆ ಸಂಬಂಧಿಸಿ ಕೇಂದ್ರ ಸಚಿವ ಸಂಪುಟ ಶೀಘ್ರ ನೀತಿ ಅಂತಿಮಪಡಿಸುವ ಸಾಧ್ಯತೆ ಇದೆ. ವ್ಯೂಹಾತ್ಮಕವಲ್ಲದ ವಲಯಗಳಿಂದ ಸಂಪೂರ್ಣ ಹಿಂದೆ ಸರಿಯಲು ಸರಕಾರ ಚಿಂತನೆ ನಡೆಸಿದೆ.

ಬರಾಕ್‌ ಒಬಾಮ ಸೇರಿ ಹಲವು ಗಣ್ಯವ್ಯಕ್ತಿಗಳ ಟ್ವಿಟ್ಟರ್‌ ಅಕೌಂಟ್‌ ಹ್ಯಾಕ್‌!

ಬಾಹ್ಯಾಕಾಶವೂ ಖಾಸಗಿಯಾಯ್ತು:
ಇದುವರೆಗೆ ಸರಕಾರಿ ಅಧೀನದಲ್ಲಿದ್ದ ಬ್ಯಾಹ್ಯಾಕಾಶ ವಲಯವನ್ನು ಎಲ್ಲರಿಗೂ ಮುಕ್ತಗೊಳಿಸುವ ನಿಟ್ಟಿನಲ್ಲಿ ಸರಕಾರ ಇತ್ತೀಚೆಗೆ ನಿರ್ಧಾರ ಕೈಗೊಂಡಿದೆ. ಬಾಹ್ಯಾಕಾಶ ಸಂಶೋಧನೆಯಲ್ಲಿ ಖಾಸಗಿ ಕ್ಷೇತ್ರದ ಪಾಲ್ಗೊಳ್ಳುವಿಕೆಗೆ ಉತ್ತೇಜನ ನೀಡುವ ಮೂಲ ಉದ್ದೇಶದೊಂದಿಗೆ ಈ ಕ್ರಮ ಕೈಗೊಳ್ಳಲಾಗಿದೆ. ಇದಲ್ಲದೆ ಹೊಸದೊಂದ ಬಾಹ್ಯಾಕಾಶ ಮಂಡಳಿ ರಚನೆಗೂ ಕೇಂದ್ರ ಸಂಪುಟ ಅಸ್ತು ಎಂದಿದೆ. ಹೊಸ ಬಾಹ್ಯಾಕಾಶ ಮಂಡಳಿಗೆ 'ರಾಷ್ಟ್ರೀಯ ಬಾಹ್ಯಾಕಾಶ ಪ್ರಚಾರ ಮತ್ತು ಅನುಮೋದನಾ ಕೇಂದ್ರ (National Space Promotion and Authorisation Centre (IN-SPACe) ಎಂದು ಹೆಸರಿಡಲಾಗಿದೆ.

ರೈಲ್ವೆಯನ್ನು ಕೂಡ ಖಾಸಗೀಕರಣ ಮಾಡುವ ಪ್ರಯತ್ನ ನಡೆಯುತ್ತಿದೆ. ಆದರೆ, ಇದಕ್ಕೆ ವ್ಯಾಪಕ ವಿರೋಧ ವ್ಯಕ್ತವಾಗುತ್ತಿದೆ.