ಷೇರುಪೇಟೆಯಲ್ಲಿ ದಾಖಲೆಯ ವಹಿವಾಟು: ಇದೇ ಮೊದಲಿಗೆ 45000 ಅಂಕ ದಾಟಿದ ಸೆನ್ಸೆಕ್ಸ್!

ಮುಂಬಯಿ: ಭಾರತದ ಷೇರುಪೇಟೆಗೆ ಶುಭ ಶುಕ್ರವಾರವಾಗಿದ್ದು, ದಾಖಲೆಯ ವಹಿವಾಟು ಕಂಡಿದೆ. ಇದೇ ಮೊದಲ ಬಾರಿಗೆ ಬಿಎಸ್‌ಇ ಸೆನ್ಸೆಕ್ಸ್‌ 45 ಸಾವಿರ ಅಂಕಗಳ ಗಡಿದಾಟಿದೆ. ಭಾರತೀಯ ಷೇರುಪೇಟಿಯಲ್ಲಿ ಇದುವರೆಗಿನ ಗರಿಷ್ಠ ವಹಿವಾಟು ಇದಾಗಿದೆ.

ರಿಸರ್ವ್ ಬ್ಯಾಂಕ್ ಇಂದು ಪ್ರಸಕ್ತ ಹಣಕಾಸು ವರ್ಷದ ಜಿಡಿಪಿ ಗುರಿಯನ್ನು ನವೀಕರಿದೆ. ಜತೆಗೆ ಹಣದುಬ್ಬರದ ಹಿನ್ನೆಲೆಯಲ್ಲಿ ಬಡ್ಡಿದರಗಳನ್ನು ಸ್ಥಿರವಾಗಿರಿಸಿದೆ. ಇದು ಷೇರುಪೇಟೆಯಲ್ಲಿ ಸಮಚಲನ ಮೂಡಲು ಕಾರಣವಾಗಿದೆ.

ಮುಂಬೈ ಷೇರುಪೇಟೆ ಸಂವೇದಿ ಸೂಚ್ಯಂಕ (ಸೆನ್ಸೆಕ್ಸ್‌) ವಹಿವಾಟು, ಶುಕ್ರವಾರದ ಅಂತ್ಯಕ್ಕೆ 447 ಪಾಯಿಂಟ್ ಏರಿಕೆ ಕಂಡಿತು. ಶೇ. 1ರ ಏರಿಕೆಯೊಂದಿಗೆ ದಾಖಲೆಯ 45,080 ಪಾಯಿಂಟ್ಸ್‌ಗೆ ಕೊನೆಗೊಂಡಿತು.

ಅಂಚೆ ಕಚೇರಿ ಇಂಟರ್ನೆಟ್‌ ಬ್ಯಾಂಕಿಂಗ್ ಆಕ್ಟಿವೇಶನ್ ಹೇಗೆ? ಇಲ್ಲಿದೆ ಮಾಹಿತಿ!

ರಾಷ್ಟ್ರೀಯ ಸಂವೇದಿ ಸೂಚ್ಯಂಕ (ನಿಫ್ಟಿ) ಕೂಡ 124 ಅಂಕ ಏರಿಕೆಯಾಗಿದ್ದು, ಶೇ. 0.95ರಷ್ಟು ಏರಿಕೆಯೊಂದಿಗೆ ದಾಖಲೆಯ 13,258 ಅಂಕಗಳಿಗೆ ಸ್ಥಿರವಾಯಿತು. ನಿಫ್ಟಿಯಲ್ಲಿ ಐಸಿಐಸಿ ಬ್ಯಾಂಕ್‌, ಎಸ್‌ಬಿಐ, ಆಕ್ಸಿಸ್‌ ಬ್ಯಾಂಕ್ ಅತ್ಯಧಿಕ ಲಾಭ ಗಳಿಸಿದವು.

ಸತತ ಮೂರನೇ ಬಾರಿಗೆ ರೆಪೋ ದರ ಶೇ.4ರಲ್ಲೇ ಕಾಯ್ದುಕೊಂಡ ಆರ್‌ಬಿಐ

ಮಾರುಕಟ್ಟೆ ತಜ್ಞರ ಪ್ರಕಾರ ಇನ್ನು ಕೆಲ ಸಮಯ ನಿಫ್ಟಿ ಬೆಳವಣಿಗೆ ಧನಾತ್ಮಕವಾಗಿಯೇ ಇರಲಿದೆ. ರಿಸರ್ವ್‌ ಬ್ಯಾಂಕ್‌ ಶಕ್ತಿಕಾಂತ ದಾಸ್‌ ಅವರು ಆರ್ಥಿಕತೆಗೆ ಪುಷ್ಠಿ ನೀಡಲು ಮತ್ತಷ್ಟು ಕ್ರಮ ಕೈಗೊಳ್ಳಲಾಗುವುದು. ಹಣದ ಲಿಕ್ವಿಡಿಟಿ ಹೆಚ್ಚಿಸಲಾಗುವುದು ಎಂದು ಶುಕ್ರವಾರ ಘೋಷಿಸಿದ್ದು, ಷೇರುಪೇಟೆಯ ವಹಿವಾಟು ಹೆಚ್ಚಳಕ್ಕೆ ಕಾರಣವಾಗಿದೆ.