ಮೋದಿ 2.0 ಬಜೆಟ್‌ ಹೀಗಿರಬಹುದೇ?

ಮಹಾರಾಷ್ಟ್ರ ಮತ್ತು ಜಾರ್ಖಂಡ್‌ನಲ್ಲಿ ವಿಧಾನಸಭೆ ಚುನಾವಣೆಗೆ ಮುನ್ನ ಕೇಂದ್ರ ಬಜೆಟ್‌ ಮಂಡನೆಯಾಗುತ್ತಿದೆ. ದೇಶದ ನಾನಾ ಕಡೆಗಳಲ್ಲಿ ಬರದ ಸನ್ನಿವೇಶ ಇದೆ. ಈ ಸಂದರ್ಭ 2019ರ ಸಾರ್ವತ್ರಿಕ ಚುನಾವಣೆಯಲ್ಲಿ ಬಿಜೆಪಿಯ ಪ್ರಣಾಳಿಕೆಯನ್ನು ಪರಿಗಣಿಸುವುದಿದ್ದರೆ, ಬಜೆಟ್‌ನಲ್ಲಿ 6 ಮುಖ್ಯ ಅಂಶಗಳಿಗೆ ಆದ್ಯತೆ ಸಿಗಬಹುದು. ವಿವರ ಇಂತಿದೆ.

1. ರೈತರಿಗೆ ಬಡ್ಡಿ ರಹಿತ ಸಾಲ:

ಬಿಜೆಪಿಯ ಪ್ರಣಾಳಿಕೆಯಲ್ಲಿ ಕಿಸಾನ್‌ ಕ್ರೆಡಿಟ್‌ ಕಾರ್ಡ್‌ ಮೂಲಕ 1ರಿಂದ 5 ವರ್ಷಗಳ ಅವಧಿಗೆ ನೀಡುವ 1 ಲಕ್ಷ ರೂ. ತನಕದ ಸಾಲದ ಭರವಸೆ ಇದೆ. ಸದ್ಯಕ್ಕೆ ಈ ಸಾಲಕ್ಕೆ ಶೇ.7ರ ಬಡ್ಡಿ ದರ ಇದೆ. ದೇಶದಲ್ಲಿ 7 ಕೋಟಿಗೂ ಹೆಚ್ಚು ಕಿಸಾನ್‌ ಕ್ರೆಡಿಟ್‌ ಕಾರ್ಡ್‌ಗಳನ್ನು ವಿತರಿಸಲಾಗಿದೆ.

2. ಉದ್ಯಮಶೀಲರಿಗೆ 50 ಲಕ್ಷ ರೂ. ತನಕ ಅಡಮಾನ ರಹಿತ ಸಾಲ:

ಮುದ್ರಾ ಯೋಜನೆಗೆ ಬಜೆಟ್‌ನಲ್ಲಿ ಆದ್ಯತೆ ಸಿಗುವ ಸಾಧ್ಯತೆ ಇದೆ. ಸರಕಾರ ಉದ್ಯಮಶೀಲ ಮಹಿಳಾ ಉದ್ಯಮಿಗಳಿಗೆ ಶೇ.50ರಷ್ಟು ಸಾಲಕ್ಕೆ ಹಾಗೂ ಪುರುಷರಿಗೆ ಶೇ.25ರಷ್ಟು ಸಾಲಕ್ಕೆ ತಾನೇ ಖಾತರಿ ನೀಡುವ ಸಾಧ್ಯತೆ ಇದೆ. ಇದು ಉದ್ಯಮಶೀಲತೆಯನ್ನು ಉತ್ತೇಜಿಸಲಿದೆ.

3. 10,000 ರೈತರ ಸಹಕಾರ ಸೊಸೈಟಿ:

ಪ್ರಣಾಳಿಕೆಯಲ್ಲಿ 2022ರ ವೇಳೆಗೆ 10,000 ನೂತನ ರೈತ ಉತ್ಪಾದಕರ ಸಂಸ್ಥೆಗಳನ್ನು (ಎಫ್‌ಪಿಒ) ಸೃಷ್ಟಿಸುವ ಭರವಸೆ ನೀಡಲಾಗಿದೆ. ಕೃಷಿ ಉತ್ಪನ್ನಗಳನ್ನು ನೇರವಾಗಿ ನಗರಗಳ ಮಾರುಕಟ್ಟೆಯಲ್ಲಿ ಮಾರಾಟ ಮಾಡಿಕೊಡಲು ಇದು ಸಹಾಯಕ.

4. ಸಾರ್ವಜನಿಕ ಪಡಿತರ ವಿತರಣೆ ವ್ಯವಸ್ಥೆಯಲ್ಲಿ (ಪಿಡಿಎಸ್‌) ಬಡ ಕುಟುಂಬಗಳಿಗೆ ವಿತರಿಸುವ ಸಬ್ಸಿಡಿ ದರದ ಸಕ್ಕರೆಯ ಪ್ರಮಾಣವನ್ನು ಪ್ರತಿ ಕುಟುಂಬಕ್ಕೆ ಮಾಸಿಕ 13 ಕೆ.ಜಿಗೆ ಏರಿಸುವ ಭರವಸೆಯನ್ನು ಪ್ರಣಾಳಿಕೆ ನೀಡಿದ್ದು, ಬಜೆಟ್‌ನಲ್ಲಿ ಘೋಷಣೆ ನಿರೀಕ್ಷಿಸಲಾಗಿದೆ.

5. ಆಯುಷ್ಮಾನ್‌ ಭಾರತ್‌ ವ್ಯಾಪಕ ವಿಸ್ತರಣೆ ಸಂಭವ.

6. ಜಿಎಸ್‌ಟಿ ಅಡಿಯಲ್ಲಿ ನೋಂದಾಯಿತ ವರ್ತಕರಿಗೆ ತೆರಿಗೆ ರಿಯಾಯಿತಿ ನಿರೀಕ್ಷೆ.