ರಫೇಲ್‌ ಜೆಟ್‌ಗೆ ಹೊಸ ತಂತ್ರಜ್ಞಾನ ಪೂರೈಸದ ಫ್ರೆಂಚ್‌ ಕಂಪನಿಗಳು: ಸಿಎಜಿ ಗರಂ

ಹೊಸದಿಲ್ಲಿ: ಭಾರತಕ್ಕೆ ಅತ್ಯಾಧುನಿಕ ಯುದ್ಧವಿಮಾನಗಳು ಎನ್ನಲಾದ ರಫೇಲ್‌ ಜೆಟ್‌ಗಳನ್ನು ಪೂರೈಸಿರುವ ಎರಡು ಫ್ರೆಂಚ್‌ ಕಂಪನಿಗಳ ವಿರುದ್ಧ ರಾಷ್ಟ್ರೀಯ ಲೆಕ್ಕಪರಿಶೋಧಕರು (ಸಿಎಜಿ) ಹರಿಹಾಯ್ದಿದ್ದಾರೆ. ಒಪ್ಪಂದದಂತೆ ಯುದ್ಧವಿಮಾನಗಳಲ್ಲಿ ಫೂರ್ಣ ಪ್ರಮಾಣದ ಆತ್ಯಾಧುನಿಕ ಸೌಲಭ್ಯಗಳನ್ನು ಪೂರೈಸದಿರುವುದೇ ಇದಕ್ಕೆ ಕಾರಣ.

ರಫೇಲ್‌ ಯುದ್ಧವಿಮಾನಗ ಪೂರೈಕೆಗೆ ಸಮಬಂಧಿಸಿದಂತೆ, ಫ್ರೆಂಚ್ ಸಂಸ್ಥೆಗಳಾದ ಡಸಾಲ್ಟ್ ಏವಿಯೇಷನ್ ಮತ್ತು ಎಂಬಿಡಿಎ ಕಂಪನಿಗಳ ಜತೆ 2016ರ ಸೆಪ್ಟೆಂಬರ್‌ನಲ್ಲಿ ಒಪ್ಪಂದ ಮಾಡಿಕೊಳ್ಳಲಾಗಿತ್ತು. 59,000 ಕೋಟಿ ರೂ. ಮೌಲ್ಯದ ಈ ಒಪ್ಪಂದದ ಪ್ರಕಾರ ಫ್ರೆಂಚ್‌ ಕಂಪನಿಗಳು 36 ಅತ್ಯಾಧುನಿಕ ರಾಫೆಲ್ ಯುದ್ಧವಿಮಾನಗಳನ್ನು ಪೂರೈಸಬೇಕಿತ್ತು.

ಈಗಾಗಲೇ ರಫೇಲ್‌ ಯುದ್ಧವಿಮಾನಗಳನ್ನು ಭಾರತ್ಕಕೆ ಪೂರೈಸಲಾಗಿದ್ದರೂ, ಒಪ್ಪಂದದಂತೆ ಪೂರ್ಣ ಪ್ರಮಾಣದ ಸುಧಾರಿತ ತಂತ್ರಜ್ಞಾನವನ್ನು ನೀಡುವಲ್ಲಿ ಕಂಪನಿಗಳು ವಿಫಲವಾಗಿವೆ. ಇದು ಸಿಎಜಿ ಕೋಪಕ್ಕೆ ಕಾರಣವಾಗಿದೆ.

ವಾಯುಸೇನೆಯ ರಫೇಲ್‌ ಯುದ್ಧವಿಮಾನಕ್ಕೆ ಸಾರಥಿಯಾಗಲಿದ್ದಾರೆ ಮಹಿಳಾ ಪೈಲಟ್‌!

ಕಂಪನಿಗಳು ಪೂರ್ಣ ಸೌಲಭ್ಯಗಳನ್ನು ಪೂರೈಸದಿರುವ ಕಾರಣ, ಒಪ್ಪಂದ ಮೊಲ್ಯದಲ್ಲಿ (59,000 ಕೋಟಿ ರೂ.) ಶೇ. 50ರಷ್ಟು ಹಣವನ್ನು ಹಿಂತಿರುಗಿಸಬೇಕು ಇಲ್ಲವೇ ಮರು ಹೂಡಿಕೆ ಮಾಡಬೇಕು ಎಂದು ತಾಕೀತು ಮಾಡಿದೆ. ಈ ಕುರಿತು ಸಿಎಜಿ ಸಂಸತ್ತಿಗೆ ವರದಿ ನೀಡಿದೆ. ಒಪ್ಪಂದದ ಆರಂಭದಲ್ಲಿ ಕಂಪನಿಗಳು ನೀಡಿದ ಆಶ್ವಾಸನೆಗಳಲ್ಲಿ ಶೇ.30ರಷ್ಟು ಬಾಧ್ಯತೆಗಳನ್ನು ಮಾತ್ರವೇ ಪೂರೈಸಿವೆ ಎಂದು ಸಿಎಜಿ ವರದಿಯಲ್ಲಿ ತಿಳಿಸಿದೆ.

ಲಡಾಖ್ ಆಗಸ ಸೀಳಿದ ರಫೇಲ್: ಗಡಿ ತಯಾರಿಯ ಝಲಕ್ ನೀಡಿದ ವಾಯುಪಡೆ!

ಒಪ್ಪಂದವಾಗಿ 7 ರ್ಷಗಳೇ ಕಳೆಯುತ್ತಿವೆ. ಆದರೂ ತಂತ್ರಜ್ಞಾನ ವರ್ಗಾವಣೆಗೆ ಕಂಪನಿಗಳು ಮುಂದಾಗಿಲ್ಲ ಎಂದು ತರಾಟೆಗೆ ತೆಗೆದುಕೊಂಡಿದೆ.

ರಫೇಲ್‌ ಯುದ್ಧವಿಮಾನಗಳ ಒಪ್ಪಂದದ ಸಂದರ್ಭದಲ್ಲಿ ಡಿಆರ್‌ಡಿಒ 6 ಹೊಸ ತಂತ್ರಜ್ಞಾನಗಳನ್ನು ಗುರುತಿಸಿ, ಆ ತಂತ್ರಜ್ಞಾನಗಳನ್ನು ವರ್ಗಾಯಿಸುವಂತೆ ತಿಳಿಸಿತ್ತು. ಒಪ್ಪಪಂದದಲ್ಲಿ ಈ ಅಂಶವೂ ಸೇರಿತ್ತು. ಆದರೆ, ಫ್ರೆಂಚ್ ಕಂಪನಿಗಳು 6 ತಂತ್ರಜ್ಞಾನಗಳ ಪೈಕಿ ಒಂದನ್ನಷ್ಟೇ ವರ್ಗಾಯಿಸಿವೆ. ಉಳಿದ 5 ತಂತ್ರಜ್ಞಾನಗಳ ವರ್ಗಾವಣೆಗೆ ಒಪ್ಪುತ್ತಿಲ್ಲ.