ಹೊಸದಿಲ್ಲಿ: ಕೆನರಾ ಬ್ಯಾಂಕ್‌ ಕಳೆದ ಏಪ್ರಿಲ್‌-ಜೂನ್‌ ತ್ರೈಮಾಸಿಕದಲ್ಲಿ 251 ಕೋಟಿ ರೂ. ನಿವ್ವಳ ಲಾಭ ದಾಖಲಿಸಿದೆ. ಬ್ಯಾಂಕ್‌ 310 ಕೋಟಿ ರೂ. ಲಾಭ ಗಳಿಸಬಹುದು ಎಂಬುದು ಮಾರುಕಟ್ಟೆಯ ನಿರೀಕ್ಷೆಯಾಗಿತ್ತು ಎನ್ನಲಾಗಿದೆ. ಕಳೆದ ವರ್ಷ ಇದೇ ಅವಧಿಯಲ್ಲಿ ಕೆನರಾ ಬ್ಯಾಂಕ್‌ 214 ಕೋಟಿ ರೂ. ಲಾಭ ಗಳಿಸಿತ್ತು.
ಬ್ಯಾಂಕಿನ ಅನುತ್ಪಾದಕ ಸಾಲ ಜೂನ್‌ ತ್ರೈಮಾಸಿಕದಲ್ಲಿ ಶೇ.10.56ಕ್ಕೆ ವೃದ್ಧಿಸಿದೆ. ಕಳೆದ ವರ್ಷ ಇದೇ ಅವಧಿಯಲ್ಲಿ ಶೇ.9.63ರಷ್ಟು ಇತ್ತು.
ನಿವ್ವಳ ಬಡ್ಡಿ ದಾಯ 2,714 ಕೋಟಿ ರೂ.ನಷ್ಟಿತ್ತು. ಏಪ್ರಿಲ್‌-ಜೂನ್‌ ಅವಧಿಯಲ್ಲಿ ಕೆನರಾ ಬ್ಯಾಂಕ್‌ 2,204 ಕೋಟಿ ರೂ.ಗಳನ್ನು ವಸೂಲಾಗದ ಸಾಲದ ಬಾಬ್ತು ತೆಗೆದಿಟ್ಟಿತ್ತು. ಒಟ್ಟಾರೆಯಾಗಿ ಬ್ಯಾಂಕಿನ ವಸೂಲಾಗದಿರುವ ಸಾಲದ ಮೊತ್ತವು 37,658 ಕೋಟಿ ರೂ.ಗಳಿಗೆ ಏರಿದೆ.