ಬಜೆಟ್‌ 2020: ವಾರ್ಷಿಕ ಆದಾಯ 2.5 - 7 ಲಕ್ಷ ರೂ. ಮಿತಿಗೆ ಶೇ.5ರಷ್ಟು ತೆರಿಗೆ ಕಡಿತ?

ಹೊಸದಿಲ್ಲಿ: ಮಧ್ಯಮ ವರ್ಗದ ಜನತೆಗೆ ಫೆಬ್ರವರಿ 1ರ ಕೇಂದ್ರ ಬಜೆಟ್‌ ಸಿಹಿ ಸುದ್ದಿ ನೀಡುವ ನಿರೀಕ್ಷೆ ಇದೆ. ಆದಾಯ ತೆರಿಗೆ ದರದ ಶ್ರೇಣಿಯಲ್ಲಿಭಾರಿ ಇಳಿಕೆಯ ಸಾಧ್ಯತೆ ಇದೆ. ವಾರ್ಷಿಕ 2.5 ಲಕ್ಷ ರೂ.ಗಳಿಂದ 7 ಲಕ್ಷ ರೂ. ತನಕದ ಆದಾಯಕ್ಕೆ ತೆರಿಗೆ ದರವನ್ನು ಶೇ.5ಕ್ಕೆ ಕಡಿತಗೊಳಿಸುವ ನಿರೀಕ್ಷೆ ಇದೆ ಎಂದು ವರದಿಯಾಗಿದೆ.

7 ಲಕ್ಷ ರೂ.ಗಳಿಂದ 10 ಲಕ್ಷ ರೂ. ತನಕ ಆದಾಯಕ್ಕೆ ಶೇ.10 ಹಾಗೂ 10 ಲಕ್ಷ ರೂ.ಗಳಿಂದ 20 ಲಕ್ಷ ರೂ. ಆದಾಯಕ್ಕೆ ಶೇ.20ಕ್ಕೆ ತೆರಿಗೆ ದರ ಕಡಿತವಾಗುವ ನಿರೀಕ್ಷೆ ಇದೆ. 20 ಲಕ್ಷ ರೂ.ಗಳಿಂದ 10 ಕೋಟಿ ರೂ.ಗೆ ಶೇ.30 ಮತ್ತು 10 ಕೋಟಿ ರೂ.ಗೂ ಹೆಚ್ಚಿನ ಆದಾಯಕ್ಕೆ ಶೇ.35ರ ತೆರಿಗೆ ಅನ್ವಯವಾಗುವ ಸಾಧ್ಯತೆ ಇದೆ ಎಂದು ವರದಿಯಾಗಿದೆ.

ಒಂದು ವೇಳೆ ಈ ರೀತಿಯ ತೆರಿಗೆ ಕಡಿತವಾದರೆ ವೇತನದಾರ ತೆರಿಗೆದಾರರಿಗೆ ಗಣನೀಯ ಉಳಿತಾಯವಾಗಲಿದೆ. ಉದಾ ಹರಣೆಗೆ 10 ಲಕ್ಷ ರೂ, 15 ಲಕ್ಷ ರೂ. ಮತ್ತು 20 ಲಕ್ಷ ರೂ. ವಾರ್ಷಿಕ ಆದಾಯ ಇರುವವರಿಗೆ ಅನುಕ್ರಮವಾಗಿ 60,000 ರೂ, 1.1 ಲಕ್ಷ ರೂ, ಮತ್ತು 1.6 ಲಕ್ಷ ರೂ. ಉಳಿತಾಯವಾಗಲಿದೆ. ಕಳೆದ ವರ್ಷಾಂತ್ಯದ ವೇಳೆಗೆ ಸರಕಾರ ಕಾರ್ಪೊರೇಟ್‌ ತೆರಿಗೆ ಕಡಿತಗೊಳಿಸಿತ್ತು.

ಇಪಿಎಫ್‌ ಮೂಲಕ ಗರಿಷ್ಠ ರಿಟರ್ನ್ಸ್‌ ಗಳಿಸುವುದು ಹೇಗೆ?