ಟ್ರಾಯ್‌ ನೂತನ ಅಧ್ಯಕ್ಷರಾಗಿ ಪಿ.ಡಿ.ವಘೇಲಾ ನೇಮಕ

ಹೊಸದಿಲ್ಲಿ: ಭಾರತೀಯ ದೂರಸಂಪರ್ಕ ನಿಯಂತ್ರಣ ಪ್ರಾಧಿಕಾರದ (ಟ್ರಾಯ್) ನೂತನ ಅಧ್ಯಕ್ಷರನ್ನಾಗಿ ಹಿರಿಯ ಐಎಎಸ್‌ ಅಧಿಕಾರಿ ಪಿ.ಡಿ. ವಘೇಲಾ ಅವರನ್ನು ನೇಮಿಸಿ ಕೇಂದ್ರ ಸರಕಾರ ಸೆ.28ರಂದು ಸೋಮವಾರ ಆದೇಶ ಹೊರಡಿಸಿದೆ.

ವಘೇಲಾ ಅವರು 1986ನೇ ಬ್ಯಾಚಿನ, ಗುಜರಾತ್ ಕೇಡರ್‌ನ ಐಎಎಸ್‌ ಅಧಿಕಾರಿ ಸೇವೆಗೆ ಸೇರ್ಪಡೆಯಾಗಿದ್ದರು. ಇದೀಗ ಇವರನ್ನು ಮೂರು ವರ್ಷಗಳ ಅವಧಿಗೆ ಅಥವಾ 65 ವರ್ಷ ವಯಸ್ಸಾಗುವವರೆಗೆ ಟ್ರಾಯ್ ಅಧ್ಯಕ್ಷರನ್ನಾಗಿ ನೇಮಿಸಲಾಗಿದೆ.

ಆರ್‌.ಎಸ್. ಶರ್ಮ ಅವರು ಬುಧವಾರ ನಿವೃತ್ತಿಯಾಗಲಿದ್ದು, ಅವರ ಜಾಗಕ್ಕೆ ಈ ನೇಮಕ ನಡೆದಿದೆ. ಸೆ. 30ರಂದು ಪಿ.ಡಿ. ವಘೇಲಾ ಅವರು ಟ್ರಾಯ್‌ನ ನೂತನ ಅಧ್ಯಕ್ಷರಾಗಿ ಅಧಿಕಾರ ವಹಿಸಿಕೊಳ್ಳಲಿದ್ದಾರೆ.

'ಕನಿಷ್ಠ ಬೆಂಬಲ ಬೆಲೆ' ಲಾಭ ರೈತರಿಗೋ? ಖಾಸಗಿ ಕಂಪನಿಗೋ? ಸರಕಾರಿ ಬೆಲೆ ಮೇಲೆ ರೈತರ ಮುನಿಸೇಕೆ?

ಪಿ.ಡಿ. ವಘೇಲಾ ಅವರು ಪ್ರಸ್ತುತ ರಾಸಾಯನಿಕಗಳು ಮತ್ತು ರಸಗೊಬ್ಬರ ಇಲಾಖೆಯಡಿ ಬರುವ ಫಾರ್ಮಾಸುಟಿಕಲ್‌ ವಿಭಾಗದ ಕಾರ್ಯದರ್ಶಿಯಾಗಿ ಸೇವೆಯಲ್ಲಿದ್ದರು. ಮೂಲಗಳ ಪ್ರಕಾರ ವಘೇಲಾ ಅವರು ಸರಕು ಮತ್ತು ಸೇವಾ ತೆರಿಗೆ (ಜಿಎಸ್‌ಟಿ) ಜಾರಿಯಲ್ಲಿ ಪ್ರಮುಖ ಪಾತ್ರ ವಹಿಸಿದ್ದರು.