ಒಲಾ, ಉಬರ್‌ನಂತಹ ಆ್ಯಪ್‌ ಆಧಾರಿತ ಕ್ಯಾಬ್‌ ನಿಯಂತ್ರಣಕ್ಕೆ ಮಾರ್ಗದರ್ಶಿ: ದರ ನಿಗದಿಗೂ ಮಿತಿ!

ಹೊಸದಿಲ್ಲಿ: ಕೇಂದ್ರ ರಸ್ತೆ ಸಾರಿಗೆ ಮತ್ತು ಹೆದ್ದಾರಿ ಸಚಿವಾಲಯವು ಒಲಾ, ಉಬರ್‌ ಇತ್ಯಾದಿ ಆ್ಯಪ್‌ ಆಧಾರಿತ ಕ್ಯಾಬ್‌ಗಳನ್ನು ನಿಯಂತ್ರಿಸುವ ಸಂಬಂಧ ಹೊಸ ಮಾರ್ಗದರ್ಶಿಯನ್ನು ಬಿಡುಗಡೆಗೊಳಿಸಿದೆ.

ಒಲಾ, ಉಬರ್‌ ಮೊದಲಾದ ಆ್ಯಪ್‌ ಆಧಾರಿತ ಕ್ಯಾಬ್‌ ಸೇವೆಯನ್ನು ನಿಯಂತ್ರಿಸುವ ಮಾರ್ಗದರ್ಶಿಯ ಪ್ರಕಾರ, ಇಂಥ ಕಂಪನಿಗಳು ಮೂಲ ದರಕ್ಕಿಂತ 1.5 ಪಟ್ಟಿಗಿಂತಲೂ ಹೆಚ್ಚಿನ ದರವನ್ನು ಪ್ರಯಾಣಿಕರಿಗೆ ವಿಧಿಸಬಾರದು. ಹಾಗೂ 50 ಪರ್ಸೆಂಟಿಗಿಂತ ಕಡಿಮೆ ಡಿಸ್ಕೌಂಟ್‌ ಅನ್ನೂ ನೀಡಬಾರದು. ಮೂಲ ದರಕ್ಕಿಂತ 20 ಪರ್ಸೆಂಟಿಗೂ ಅಧಿಕ ಶುಲ್ಕವನ್ನೂ ವಿಧಿಸಬಾರದು.

ಚಾಲಕರು ಸೂಕ್ತವಾದ ಕಾರಣ ನೀಡದೆ ರೈಡ್‌ ಅನ್ನು ರದ್ದುಪಡಿಸಿದರೆ, ಶೇ.10ರಷ್ಟು ಅಥವಾ ಗರಿಷ್ಠ 100 ರೂ. ಪಾವತಿಸಬೇಕಾಗುತ್ತದೆ. ಇದೇ ರೀತಿ ಪ್ರಯಾಣಿಕರೂ ಸೂಕ್ತ ಕಾರಣ ನೀಡದೆ ರದ್ದುಪಡಿಸಿದರೆ, ಇಷ್ಟೇ ಮೊತ್ತ ಪಾವತಿಸಬೇಕಾಗುತ್ತದೆ.

ಬೆಂಗಳೂರಿನಲ್ಲಿ ಆಟೋ, ಕ್ಯಾಬ್‌ಗಳಿಗೆ ಪ್ರಯಾಣಿಕರ ಬರ: ಶೇ. 30ರಷ್ಟು ಮಾತ್ರ ಆದಾಯ

ಆ್ಯಪ್‌ ಆಧಾರಿತ ಕಂಪನಿಗಳ ಆದಾಯ ಇಳಿಕೆಯಾಗಿರುವ ಸಂದರ್ಭ ಹೊಸ ಮಾರ್ಗದರ್ಶಿ ಪ್ರಕಟವಾಗಿದೆ. ಒಟ್ಟಾರೆಯಾಗಿ ಮಾರ್ಗದರ್ಶಿ ಹಲವು ಪ್ರಯೋಜನಕರ ಅಂಶಗಳನ್ನು ಒಳಗೊಂಡಿದ್ದು, ಆ್ಯಪ್‌ ಆಧಾರಿತ ಕ್ಯಾಬ್‌ ಮಾರುಕಟ್ಟೆಯ ಸುಧಾರಣೆಗೆ ಸಹಕರಿಸಲಿದೆ ಎಂದು ರಾಜ್ಯ ಟ್ರಾವೆಲ್‌ ಆಪರೇಟರ್‌ ಸಂಘದ ಅಧ್ಯಕ್ಷ ಕೆ. ರಾಧಾಕೃಷ್ಣ ಹೊಳ್ಳ ತಿಳಿಸಿದ್ದಾರೆ.

ಕ್ಯಾಬ್‌ ಡ್ರೈವರ್‌ಗಳೇ ಎಚ್ಚರ..! ಅಜ್ಞಾತ ಸ್ಥಳಕ್ಕೆ ಕರೆದು ದರೋಡೆ ಮಾಡೋ ಗ್ಯಾಂಗ್‌ ಬೆಂಗಳೂರಲ್ಲಿ ಸಕ್ರಿಯವಾಗಿದೆ‌..!