ಆ್ಯಪ್ನಗರ

6 ಕೋಟಿ ಇಪಿಎಫ್ ಚಂದಾದಾರರ ಆದಾಯ ಹೆಚ್ಚಾದ್ದು ಹೇಗೆ? ಇಲ್ಲಿದೆ ವಿವರ!

ಕೇಂದ್ರ ಸರಕಾರ 2017-18ರಲ್ಲಿ ನೌಕರರ ಭವಿಷ್ಯ ನಿಧಿ (ಇಪಿಎಫ್‌) ಬಡ್ಡಿದರವನ್ನು 5 ವರ್ಷಗಳ ಕನಿಷ್ಠ ಮಟ್ಟಕ್ಕೆ (ಶೇ.8.55) ಇಳಿಸಿತ್ತು. ಇದೀಗ ಬಡ್ಡಿದರದಲ್ಲಿ ಅಲ್ಪ ಏರಿಕೆ ಮಾಡಿದ್ದು, 2018-19ರ ಸಾಲಿಗೆ ಶೇ.8.65ಕ್ಕೆ ಏರಿಸಿದೆ. ಇಪಿಎಫ್‌ಒ ತನ್ನ 6.3 ಕೋಟಿ ಚಂದಾದಾರರ ಖಾತೆಗಳಿಗೆ ಶೀಘ್ರದಲ್ಲೇ ಬಡ್ಡಿಯನ್ನು ಪಾವತಿ ಮಾಡಲಿದೆ.

Vijaya Karnataka Web 23 Sep 2019, 11:38 am
ಹೊಸದಿಲ್ಲಿ: ನೌಕರರ ಭವಿಷ್ಯ ನಿಧಿ (ಇಪಿಎಫ್‌) ಬಡ್ಡಿದರವನ್ನು ಶೇ.8.65ಕ್ಕೆ ಏರಿಸುವ ಪ್ರಸ್ತಾವನೆಗೆ ಕೇಂದ್ರ ಸರ್ಕಾರ ಅನುಮೋದನೆ ನೀಡಿದೆ. ಈ ಮೂಲಕ ಕಾರ್ಮಿಕರ ಇಪಿಎಫ್ ಹಣಕ್ಕೆ ಬಡ್ಡಿದರ ಕಡಿಮೆಯಾಯಿತು ಎಂಬ ಕಳವಳಕ್ಕೆ ಕೊಂಚ ಪರಿಹಾರ ದೊರೆತಂತಾಗಿದೆ. ನೌಕರರ ಭವಿಷ್ಯ ನಿಧಿ ಸಂಸ್ಥೆ (ಇಪಿಎಫ್‌ಒ) ತನ್ನ 6.3 ಕೋಟಿ ಚಂದಾದಾರರ ಖಾತೆಗಳಿಗೆ ಶೀಘ್ರದಲ್ಲೇ 2018-19ನೇ ಸಾಲಿನ ಬಡ್ಡಿಯನ್ನು ಪಾವತಿ ಮಾಡಲಿದೆ.
Vijaya Karnataka Web epfo intrest rate


2018-19ನೇ ಹಣಕಾಸು ವರ್ಷಕ್ಕೆ ಸಂಬಂಧಿಸಿದಂತೆ ಈ ವರ್ಷದ ಫೆಬ್ರವರಿಯಲ್ಲಿ ಬಡ್ಡಿದರ ಪರಿಷ್ಕರಿಸಲಾಗಿತ್ತು. ಇಪಿಎಫ್‌ಒ 2015-16ರಲ್ಲಿ ಶೇ.8.8ರಷ್ಟು ಇದ್ದ ಬಡ್ಡಿದರವನ್ನು 2016-17ರಲ್ಲಿ ಶೇ.8.65ಕ್ಕೆ ಇಳಿಕೆ ಮಾಡಿತ್ತು. ನಂತರ 2017-18ರಲ್ಲಿ ಇದನ್ನು ಶೇ.8.55ಕ್ಕೆ ಕನಿಷ್ಠ ಮಟ್ಟಕ್ಕೆ ಇಳಿಸಿತ್ತು.
ಇ-ನಾಮಿನೇಷನ್‌ಗೆ ಅವಕಾಶ ನೀಡಿದ ಇಪಿಎಫ್‌ಒ : ಆನ್‌ಲೈನ್‌ನಲ್ಲಿ ನಾಮನಿರ್ದೇಶನ ಹೇಗೆ?

2017-18ರ ಆರ್ಥಿಕ ವರ್ಷದಲ್ಲಿ ಶೇ. 8.55ರಷ್ಟಿದ್ದ ಇಪಿಎಫ್‌ ಬಡ್ಡಿದರವನ್ನು ಶೇ.0.10ರಷ್ಟು ಏರಿಕೆ ಮಾಡಲಾಗಿದೆ. 2018-19ರ ಸಾಲಿನಿಂದಲೇ ಹೊಸ ಬಡ್ಡಿ ದರ ಅನ್ವಯವಾಗಲಿದೆ. ಫೆಬ್ರವರಿಯಲ್ಲಿ, ಕಾರ್ಮಿಕ ಸಚಿವರ ನೇತೃತ್ವದಲ್ಲಿ ಇಪಿಎಫ್‌ಒ 2018-19ನೇ ಸಾಲಿನಲ್ಲಿ ಇಪಿಎಫ್ ಮೇಲಿನ ಬಡ್ಡಿದರವನ್ನು 8.65% ಕ್ಕೆ ಏರಿಸಲು ನಿರ್ಧರಿಸಿತ್ತು. ಇದು ಕಳೆದ ಮೂರು ವರ್ಷಗಳಲ್ಲಿ ಮೊದಲ ಹೆಚ್ಚಳವಾಗಿದೆ.

ಈ ವರ್ಷದ ಆರಂಭದಲ್ಲಿ ಕಾರ್ಮಿಕ ಸಚಿವರ ನೇತೃತ್ವದ ನಡೆದ ಸಭೆಯಲ್ಲಿ ಇಪಿಎಫ್ ಮೇಲಿನ ಬಡ್ಡಿದರವನ್ನು ಶೇ.8.65ಕ್ಕೆ ಹೆಚ್ಚಿಸಲು ನಿರ್ಧರಿಸಲಾಗಿತ್ತು. ಕಳೆದ ಮೂರು ವರ್ಷಗಳಲ್ಲಿ ಇದೇ ಮೊದಲ ಬಾರಿ ಪಿಎಫ್‌ ಮೇಲಿನ ಬಡ್ಡಿ ದರ ಹೆಚ್ಚಳವಾಗಿದೆ.

ಪಿಎಫ್ ಖಾತೆದಾರರಿಗೆ ಶುಭ ಸುದ್ದಿ: 6 ಕೋಟಿ ಜನರ ಅಕೌಂಟ್‌ಗೆ ಬೀಳಲಿದೆ ಶೇ. 8.65ರಷ್ಟು ಬಡ್ಡಿ
6 ಕೋಟಿ ಪಿಎಫ್ ಚಂದಾದಾರರ ಖಾತೆಗೆ ಬಡ್ಡಿ ಹಣವನ್ನು ಜಮಾ ಮಾಡಲು ಕಾರ್ಮಿಕ ಸಚಿವಾಲಯದ ಅಧಿಸೂಚನೆ ಹೊರಡಿಸಿದೆ. ಹಣಕಾಸು ಸಚಿವಾಲಯದ ಒಪ್ಪಿಗೆಯ ನಂತರ, ಕಾರ್ಮಿಕ ಸಚಿವಾಲಯವು 2018-19ರ ಬಡ್ಡಿದರ ನಿಗದಿಮಾಡಿದ್ದು, ಇಪಿಎಫ್‌ಒ ತನ್ನ 136 ಕ್ಕೂ ಹೆಚ್ಚು ಕ್ಷೇತ್ರ ಕಚೇರಿಗಳಿಗೆ ಬಡ್ಡಿದರವನ್ನು ಚಂದಾದಾರರ ಖಾತೆಗೆ ಜಮಾ ಮಾಡಲು ನಿರ್ದೇಶಿಸಲಿದೆ. ಎಂಪ್ಲಾಯೀಸ್ ಪ್ರಾವಿಡೆಂಟ್ ಫಂಡ್ ಆರ್ಗನೈಸೇಷನ್(ಇಪಿಎಫ್‍ಒ) ಇದೀಗ ತನ್ನ ಖಾತೆದಾರರಿಗೆ ಆನ್‍ಲೈನ್‍ನಲ್ಲೇ ನಾಮಿನೇಷನ್ ವಿವರ ಸಲ್ಲಿಸುವ ಅವಕಾಶ ಕಲ್ಪಿಸಿದೆ.

ಗರಿಷ್ಠ ರಿಟರ್ನ್ಸ್‌ಗಾಗಿ ಹೊಸ ನೀತಿ:
ಸರಕಾರದ ಬಾಂಡ್‌ಗಳು, ಇಟಿಎಫ್‌ಗಳಲ್ಲಿ ಹೂಡಿಕೆ ಮತ್ತು ರಾಜ್ಯಗಳಿಗೆ ಸಾಲ ನೀಡಿಕೆ ಸೇರಿದಂತೆ ಭವಿಷ್ಯ ನಿಧಿ ಮೊತ್ತಕ್ಕೆ ಗರಿಷ್ಠ ರಿಟರ್ನ್ಸ್‌ ಗಳಿಸುವ ನಿಟ್ಟಿನಲ್ಲಿ ಹೊಸ ನೀತಿಯನ್ನು ಅನುಸರಿಸಲು ಇಪಿಎಫ್‌ಒ ನಿರ್ಧರಿಸಿದೆ. ಆ ಮೂಲಕ ತನ್ನ ಸದಸ್ಯರ ಹಣವನ್ನು ಬೆಳೆಸುವುದಾಗಿ ಹೇಳಿದೆ. ಬದಲಾಗುವ ಮಾರುಕಟ್ಟೆಗೆ ಅನುಸಾರ ಹೂಡಿಕೆ ಕುರಿತಾಗಿ ಒಂದು ನಿರ್ದಿಷ್ಟ ನೀತಿಯನ್ನು ಈ ತನಕ ಇಪಿಎಫ್‌ಒ ಹೊಂದಿರಲಿಲ್ಲ.

ಹೂಡಿಕೆ ಮತ್ತು ರಿಟರ್ನ್ಸ್‌ ಕುರಿತಾದ ಹೊಸ ನೀತಿ ರೂಪಿಸುವ ಬಗ್ಗೆ ಏ.12ರಂದು ನಡೆದಿದ್ದ ಕೇಂದ್ರೀಯ ಮಂಡಳಿ ಟ್ರಸ್ಟಿಗಳ ಸಭೆ ಚರ್ಚೆ ನಡೆಸಿತ್ತು. ಅಂಥ ನೀತಿಯನ್ನು ಜಾರಿಗೆ ತರುವುದಾಗಿ ಕಾರ್ಮಿಕ ಸಚಿವ ಬಂಡಾರು ದತ್ತಾತ್ರೇಯ ಹೇಳಿದ್ದರು.

ಮುಂದಿನ ಲೇಖನ

Vijay Karnataka News App: ನಿಮ್ಮ ಸುತ್ತಮುತ್ತಲು ನಡೆಯುವ ವಿದ್ಯಮಾನಗಳನ್ನುಹಂಚಿಕೊಳ್ಳಲು ಬಯಸುತ್ತೀರಾ? ಹಾಗಿದ್ದಲ್ಲಿ ವಿಜಯ ಕರ್ನಾಟಕ ಆ್ಯಪ್‌ಡೌನ್‌ಲೋಡ್‌ ಮಾಡಿಕೊಳ್ಳಿ ಹಾಗೂ ರಿಪೋರ್ಟ್‌ ಕಳಿಸಿ
ಲೇಟೆಸ್ಟ್‌ ನ್ಯೂಸ್‌ ಅಪ್‌ಡೇಟ್‌ಗಳನ್ನು ಪಡೆಯಿರಿ, Vijay Karnataka ಫೇಸ್‌ಬುಕ್‌ಪೇಜ್‌ ಲೈಕ್‌ ಮಾಡಿರಿ