ಇ-ಕಾಮರ್ಸ್‌, ರಿಟೇಲ್‌ ಹೊಸ ನೀತಿ ಶೀಘ್ರ: 6.5 ಕೋಟಿ ಸಣ್ಣ ಉದ್ದಿಮೆದಾರರಿಗೆ ಅನುಕೂಲ

ಹೊಸದಿಲ್ಲಿ: ಇ-ಕಾಮರ್ಸ್‌ ನೀತಿ, ರಾಷ್ಟ್ರೀಯ ಲಾಜಿಸ್ಟಿಕ್ಸ್‌ ನೀತಿ, ನೂತನ ಉದ್ಯಮ ನೀತಿ, ರಾಷ್ಟ್ರೀಯ ರಿಟೇಲ್‌ ವ್ಯಾಪಾರ ನೀತಿಯ ಕರಡು ರಚನೆಯು ಅಂತಿಮ ಹಂತದಲ್ಲಿದೆ ಎಂದು ವಾಣಿಜ್ಯ ಮತ್ತು ಕೈಗಾರಿಕಾ ಖಾತೆಯ ಸಹಾಯಕ ಸಚಿವ ಸೋಮ್‌ ಪ್ರಕಾಶ್‌ ಬುಧವಾರ ತಿಳಿಸಿದ್ದಾರೆ. ರಿಟೇಲ್‌ ವ್ಯಾಪಾರ ನೀತಿಯಿಂದ 6.5 ಕೋಟಿ ಸಣ್ಣ ಉದ್ದಿಮೆದಾರರಿಗೆ ಅನುಕೂಲವಾಗಲಿದೆ ಎಂದು ತಿಳಿಸಿದರು.

ಸರಕಾರ ನ್ಯಾಶನಲ್‌ ಟ್ರೇಡರ್ಸ್ ವೆಲ್‌ಫಾರ್‌ ಬೋರ್ಡ್‌ ಅನ್ನು ರಚಿಸುತ್ತಿದ್ದು, ವರ್ತಕರು ಮತ್ತು ಅವರ ಸಿಬ್ಬಂದಿ ಕುರಿತ ಕಾಯಿದೆಗಳನ್ನು ಸರಳಗೊಳಿಸಿ ಅನುಕೂಲ ಕಲ್ಪಿಸಲಾಗುವುದು ಎಂದರು. ಹೊಸ ಇ-ಕಾಮರ್ಸ್‌ ನೀತಿಯು ಕಂಪನಿಗಳಿಗೆ ಭಾರತೀಯ ಗ್ರಾಹಕರ ದತ್ತಾಂಶಗಳನ್ನು ನಿಯಮಿತವಾಗಿ ಲೆಕ್ಕಪರಿಶೋಧನೆಗೆ ಒಳಪಡಿಸುವ ಪ್ರಸ್ತಾಪವನ್ನು ಹೊಂದಿದೆ.

Great Indian Festival: ಆನ್‌ಲೈನ್ ಶಾಪಿಂಗ್‌ಗೆ ಮೊರೆಹೋದ ಜನ

ಭಾರತದಲ್ಲಿ ಇ-ಕಾಮರ್ಸ್‌ ವ್ಯವಹಾರದ ಗಾತ್ರ ದಿನೇದಿನೆ ಹೆಚ್ಚುತ್ತಲೇ ಇದೆ. ಇದೇ ದಸರಾ ಸಮಯದಲ್ಲಿ ಅಮೆಜಾನ್‌ ಮತ್ತು ಫ್ಲಿಪ್‌ಕಾರ್ಟ್‌ ಸೇರಿದಂತೆ, ಇತರೆ ಇ-ಕಾಮರ್ಸ್‌ ವೇದಿಕೆಯಲ್ಲಿ ಜನರು ಮುಗಿಬಿದ್ದು, ಖರೀದಿಯಲ್ಲಿ ತೊಡಗಿದ್ದಾರೆ. ಇದಲ್ಲದೆ ರಿಲಯನ್ಸ್‌ ರೀಟೇಲ್‌ ವೆಂಚರ್ಸ್‌ಗೆ ವಿದೇಶಿ ಬಂಡವಾಳದ ಪ್ರವಾಹವೇ ಹರಿದಿದ್ದು, ದೇಶದಲ್ಲಿ ಇ-ಕಾಮರ್ಸ್‌ಗಿರುವ ಉಜ್ವಲ ಭವಿಷ್ಯವನ್ನು ಸೂಚಿಸುತ್ತದೆ. ಇದಕ್ಕಾಗಿಯೇ ಕೇಂದ್ರ ಸರಕಾರ ನೂತನ ಇ- ಕಾಮರ್ಸ್‌ ನೀತಿ ರೂಪಿಸಲು ಮುಂದಾಗಿದೆ.