ಶೀಘ್ರದಲ್ಲೇ 100 ರೂಪಾಯಿ ನಾಣ್ಯ ಬಿಡುಗಡೆ: ಕೇಂದ್ರ

ಹೊಸದಿಲ್ಲಿ: ಶೀಘ್ರದಲ್ಲೇ ನೂರು ರೂಪಾಯಿ ನಾಣ್ಯವನ್ನು ಬಿಡುಗಡೆ ಮಾಡುತ್ತಿರುವುದಾಗಿ ಕೇಂದ್ರ ಹಣಕಾಸು ಸಚಿವಾಲಯದ ಅಧಿಸೂಚನೆಯಲ್ಲಿ ತಿಳಿಸಿದೆ. ಕರ್ನಾಟಕ ಸಂಗೀತ ಪದ್ಧತಿಯ ಪ್ರಸಿದ್ಧ ಗಾಯಕಿ ಎಂ.ಎಸ್. ಸುಬ್ಬುಲಕ್ಷ್ಮಿ ಹಾಗೂ ಎಐಎಡಿಎಂಕೆ ಸ್ಥಾಪಕ ಎಂ.ಜಿ.ರಾಮಚಂದ್ರನ್ ಜನ್ಮಶತಮಾನೋತ್ಸವ ಸ್ಮರಣಾರ್ಥ ರೂ.100, ರೂ.10 ಹಾಗೂ ರೂ.5 ನಾಣ್ಯಗಳನ್ನು ಠಂಕಿಸುತ್ತಿರುವುದಾಗಿ ಹೇಳಿದೆ.

ರೂ.100 ನಾಣ್ಯದ ವ್ಯಾಸ 44 ಮಿ.ಮೀಟರ್‌ನಷ್ಟಿದ್ದು ಅದರ ಮೇಲೆ ನಾಲ್ಕು ಸಿಂಹಗಳ ಅಶೋಕ ಸ್ತಂಭ ಇರುತ್ತದೆ. ಎರಡು ವಿಶೇಷ ವಿನ್ಯಾಸದ ನಾಣ್ಯಗಳ ಹಿಂಬದಿಯಲ್ಲಿ ಒಂದರಲ್ಲಿ ಎಂ.ಜಿ.ರಾಮಚಂದ್ರನ್, ಇನ್ನೊಂದರಲ್ಲಿ ಎಂ.ಎಸ್. ಸುಬ್ಬುಲಕ್ಷ್ಮಿ ಚಿತ್ರಗಳಿರುತ್ತದೆ ಎಂದು ಕೇಂದ್ರ ತಿಳಿಸಿದೆ. ನಾಣ್ಯದ ತೂಕ 35 ಗ್ರಾಂಗಳು. ಇದನ್ನು ಬೆಳ್ಳಿ, ರಾಗಿ, ನಿಕೆಲ್, ಜಿಂಕ್‌ಗಳ ಮಿಶ್ರಣವನ್ನು ಉಪಯೋಗಿಸಿ ತಯಾರಿಸಲಾಗಿದೆ.

ಇನ್ನು ರೂ.5 ನಾಣ್ಯ 23 ಮಿ.ಮೀಟರ್ ವ್ಯಾಸ ಇದ್ದು ತೂಕ 6 ಗ್ರಾಂಗಳಷ್ಟಿರುತ್ತದೆ. ಎಂ.ಜಿ ರಾಮಚಂದ್ರನ್ ಜನ್ಮಶತಮಾನೋತ್ಸವ ಸ್ಮರಣಾರ್ಥ ನಾಣ್ಯಗಳು, ಪೋಸ್ಟರ್ ಸ್ಟ್ಯಾಂಪ್‍ಗಳನ್ನು ಬಿಡುಗಡೆ ಮಾಡಬೇಕೆಂದು ತಮಿಳುನಾಡು ಸರಕಾರ ಕೇಂದ್ರ ಸರಕಾರಕ್ಕೆ ಬೇಡಿಕೆ ಸಲ್ಲಿಸಿತ್ತು. ರೂ.5ರ ನಾಣ್ಯದಲ್ಲಿ ಎಂಜಿಆರ್ ಚಿತ್ರ ಹಾಗೂ ರೂ.10ರಲ್ಲಿ ಸುಬ್ಬುಲಕ್ಷ್ಮಿ ಚಿತ್ರಗಳಿರುತ್ತವೆ.

Centre set to introduce Rs 100 coins soon

The Ministry of Finance on Monday issued a notification regarding the introduction of Rs 100 coins to commemorate the birth centenary of AIADMK founder Dr MG Ramachandaran and renowned Carnatic singer Dr MS Subbulakshmi.