ಐಆರ್‌ಸಿಟಿಸಿಯಲ್ಲಿ ಚಾರ್ಟ್‌ ಸೌಲಭ್ಯ

ಹೊಸದಿಲ್ಲಿ: ರೈಲ್ವೆ ಇಲಾಖೆಯು ತನ್ನ ಐಆರ್‌ಸಿಟಿಸಿ ವೆಬ್‌ಸೈಟ್‌ನಲ್ಲಿ ಪ್ರಯಾಣಿಕರಿಗೆ ಕಾಯ್ದಿರಿಸಿರುವ ಸೀಟುಗಳ ಸ್ಥಿತಿಗತಿಯನ್ನು ಟಿಕೆಟ್‌ ಬುಕ್‌ ಮಾಡುವ ಸಂದರ್ಭದಲ್ಲಿಯೇ ನೋಡಲು ಹೊಸ ಸೌಲಭ್ಯ ಕಲ್ಪಿಸಿದೆ.

ಪ್ರಯಾಣಿಕರು ಆನ್‌ಲೈನ್‌ನಲ್ಲಿ ಟಿಕೆಟ್‌ ಬುಕ್‌ ಮಾಡುವ ಸಂದರ್ಭ ಚಾರ್ಟ್‌ ನೋಡಲು ಸಿಗಲಿದ್ದು, ಎಷ್ಟು ಸೀಟುಗಳು ಖಾಲಿ ಇವೆ ಹಾಗೂ ಕಾಯ್ದಿರಿಸಲಾಗಿದೆ ಎಂಬ ಮಾಹಿತಿ ಲಭಿಸಲಿದೆ. ರಿಸರ್ವೇಶನ್‌ ಚಾರ್ಟ್‌ಗಳು ವೆಬ್‌ಸೈಟ್‌ನಲ್ಲಿ ಸಾರ್ವಜನಿಕರ ವೀಕ್ಷಣೆಗೆ ಲಭಿಸಲಿದೆ ಎಂದು ಸಚಿವ ಪಿಯೂಷ್‌ ಗೋಯಲ್‌ ತಿಳಿಸಿದ್ದಾರೆ.

ವಿಮಾನ ಟಿಕೆಟ್‌ಗಳನ್ನು ಆನ್‌ಲೈನ್‌ ಮೂಲಕ ಬುಕ್‌ ಮಾಡುವಾಗ ಸಿಗುವಂತೆ, ರೈಲ್ವೆ ಟಿಕೆಟ್‌ ಖರೀದಿಸುವಾಗಲೂ ಎಷ್ಟು ಸೀಟು ಖಾಲಿ ಇದೆ ಎಂಬುದನ್ನು ಚಾರ್ಟ್‌ನಲ್ಲಿ ನೋಡಬಹುದು.