ಮಾಂಸ ಪ್ರಿಯರಿಗೆ ಫುಲ್ ಶಾಕ್, ಏರಿಕೆ ಕಂಡ ಚಿಕನ್- ಮಟನ್ ರೇಟ್

ಬೆಂಗಳೂರು: ಕ್ರಿಸ್ ಮಸ್ ಮತ್ತು ಹೊಸ ವರ್ಷಕ್ಕೆ ತಿಂಗಳುಗಳು ಬಾಕಿ ಇರುವಾಗಲೇ ನಾನ್ ವೆಜ್ ಪ್ರಿಯರಿಗೆ ಶಾಕಿಂಗ್ ಸುದ್ದಿಯೊಂದು ಸಿಕ್ಕಿದೆ. ಕಳೆದ ಕೆಲವು ದಿನಗಳಿಂದ ಫಾರಂ ಮತ್ತು ಬ್ರಾಯ್ಲರ್ ಕೋಳಿ ಮಾಂಸದ ಜತೆಗೆ ಮಟನ್ ಮಾಂಸದ ಬೆಲೆಯಲ್ಲಿ ಕೂಡ ಏರಿಕೆ ಕಂಡಿದೆ.

ಕಳೆದ ತಿಂಗಳು ಬ್ರಾಯ್ಲರ್ ಕೋಳಿಗೆ ಕೆಜಿಗೆ 120 ರಿಂದ 140 ರೂ ಇದ್ದ ಚಿಕನ್ ದರ ಈ ತಿಂಗಳು 180 ರೂ ಬಂದು ತಲುಪಿದೆ. ವಿತ್‍ಔಟ್ ಸ್ಕಿನ್ ಚಿಕನ್ ಕೆಜಿಗೆ 250 ರೂ ಗಳಾಗಿದೆ. ಅದರಂತೆ ಮಟನ್ ದರ ಕೂಡ ಏರಿಕೆ ಕಂಡಿದೆ. ಕಳೆದ ತಿಂಗಳು 520 ರೂ ಇದ್ದ ಮಟನ್ ದರ ಈ ತಿಂಗಳಲ್ಲಿ 560 ರೂ ಆಗಿದೆ.

ಮಕ್ಕಳು ಮೊಟ್ಟೆ ತಿಂದರೆ ಮ್ಯಾನ್‌ ಈಟರ್ಸ್‌ ಆಗುತ್ತಾರೆ!! ಬಿಜೆಪಿ ನಾಯಕನ ಹೇಳಿಕೆ!

ಇನ್ನು ಮೊಟ್ಟೆ ಬೆಲೆ ಕೂಡ 5 ರಿಂದ 6 ರೂಗೆ ಏರಿಕೆ ಕಂಡಿದೆ. ಈ ವರ್ಷ ಸುರಿದ ಭಾರಿ ಮಳೆಯ ಪರಿಣಾಮ ಪ್ರವಾಹ ಉಂಟಾಗಿ ಕೋಳಿ ಫಾರಂಗಳು ಜಲಾವೃತವಾಗಿತ್ತು. ಅನೇಕ ಕೋಳಿ ಫಾರಂಗಳು ನಾಶವಾಗಿದ್ದವು. ಹೀಗಾಗಿ ಉತ್ಪಾದನೆ ಕಡಿಮೆಯಾಗಿ , ಬೇಡಿಕೆಗೆ ತಕ್ಕಂತೆ ಪೂರೈಕೆ ಆಗದ ಕಾರಣಕ್ಕೆ ದರ ಏರಿಕೆ ಕಂಡಿದೆ.

ದನದ ಮಾಂಸ ತಿನ್ನುವ ಬುದ್ಧಿ ಜೀವಿಗಳು ನಾಯಿ ಮಾಂಸವನ್ನೂ ತಿನ್ನಬೇಕು: ಬಿಜೆಪಿ ನಾಯಕ ದಿಲೀಪ್ ಘೋಷ್

ಇನ್ನೆನು ಹತ್ತಿರದಲ್ಲೇ ಕ್ರಿಸ್ ಮಸ್ ಹಬ್ಬ ಮತ್ತು ಹೊಸ ವರ್ಷ ಕೂಡ ಇದ್ದು, ಕೇಕ್ ಗಳಿಗೆ ಬೇಡಿಕೆ ಹೆಚ್ಚಾಗಿದೆ. ಸಹಜವಾಗಿಯೇ ಕೇಕ್ ತಯಾರಿಕೆಗೆ ಬಳಸುವ ಮೊಟ್ಟೆ ಬೆಲೆ ಕೂಡ ಏರಿಕೆ ಕಂಡಿದೆ. ಮುಂದಿನ ದಿನಗಳಲ್ಲಿ ಚಿಕನ್ , ಮಟನ್ ಮತ್ತು ಇತರೆ ಮಾಂಸಗಳ ಬೆಲೆ ಮತ್ತೂ ಹೆಚ್ಚಾಗಲಿದೆ ಎಂದು ವರದಿ ತಿಳಿಸಿದೆ.

ಕೋಳಿ ಫಾರಂನಿಂದ ಸಮಸ್ಯೆ: ಕ್ರಮ ಕೈಗೊಳ್ಳದ ಇಲಾಖೆ

ಒಟ್ಟಿನಲ್ಲಿ ನಾನ್ ವೆಜ್ ಪ್ರಿಯರು ಬೆಲೆ ಏರಿಕೆಯ ತಲೆ ಬಿಸಿಯನ್ನು ಲೆಕ್ಕಿಸದೇ ಕೋಳಿ, ಕುರಿ, ಮೀನು ಹಂದಿ ಮಾಂಸವನ್ನು ಖರೀದಿ ಮಾಡಿ ವಿವಿಧ ಬಗೆಯ ಖಾದ್ಯಗಳನ್ನು ಮಾಡಿಕೊಂಡು ತಿನ್ನುತ್ತಾ ವಿಶೇಷ ದಿನಗಳನ್ನು ಆಚರಣೆ ಮಾಡುವುದು ಮಾತ್ರ ಸುಳ್ಳಲ್ಲ.