Chinese Banks Demand $2.1 Billion From Tycoon Anil Ambanis Rcom
ಅನಿಲ್‌ ಅಂಬಾನಿ ಮೇಲೆ ಚೀನಾ ಬ್ಯಾಂಕ್‌ಗಳ ಒತ್ತಡ
ಅನಿಲ್‌ ಅಂಬಾನಿ ನೇತೃತ್ವದ ರಿಲಯನ್ಸ್‌ ಕಮ್ಯುನಿಕೇಷನ್ಸ್‌ಗೆ ನೀಡಿದ್ದ 2.1 ಶತಕೋಟಿ ಡಾಲರ್‌ ಮೌಲ್ಯದ(ಸುಮಾರು 14 ಸಾವಿರ ಕೋಟಿ ರೂ.) ಸಾಲವನ್ನು ಮರು ಪಾವತಿ ಮಾಡುವಂತೆ ನಾನಾ ಚೀನಾ ಬ್ಯಾಂಕ್‌ಗಳು ಒತ್ತಡ ತಂದಿವೆ.
THE ECONOMIC TIMES19 Jun 2019, 5:00 am
ಹೊಸದಿಲ್ಲಿ : ಅನಿಲ್‌ ಅಂಬಾನಿ ನೇತೃತ್ವದ ರಿಲಯನ್ಸ್‌ ಕಮ್ಯುನಿಕೇಷನ್ಸ್‌ಗೆ ನೀಡಿದ್ದ 2.1 ಶತಕೋಟಿ ಡಾಲರ್‌ ಮೌಲ್ಯದ(ಸುಮಾರು 14 ಸಾವಿರ ಕೋಟಿ ರೂ.) ಸಾಲವನ್ನು ಮರು ಪಾವತಿ ಮಾಡುವಂತೆ ನಾನಾ ಚೀನಾ ಬ್ಯಾಂಕ್‌ಗಳು ಒತ್ತಡ ತಂದಿವೆ.
Vijaya Karnataka Webಅನಿಲ್‌ ಅಂಬಾನಿ ಮೇಲೆ ಚೀನಾ ಬ್ಯಾಂಕ್‌ಗಳ ಒತ್ತಡ
ಸರಕಾರಿ ಸ್ವಾಮ್ಯದ ಚೀನಾ ಡೆವಲಪ್‌ಮೆಂಟ್‌ ಬ್ಯಾಂಕ್‌ಗೆ 9,860 ಕೋಟಿ ರೂ.(1.4 ಶತಕೋಟಿ ಡಾಲರ್‌) ಸಾಲವನ್ನು ಆರ್‌ಕಾಮ್‌ ತೀರಿಸಬೇಕಾಗಿದೆ. ಇಂಡಸ್ಟ್ರಿಯಲ್‌ ಆ್ಯಂಡ್‌ ಕಮರ್ಷಿಯಲ್‌ ಬ್ಯಾಂಕ್‌ ಆಫ್‌ ಚೀನಾ 1,554 ಕೋಟಿ ರೂ., ಎಕ್ಸಿಮ್‌ ಬ್ಯಾಂಕ್‌ ಆಫ್‌ ಚೀನಾ 3,360 ಕೋಟಿ ರೂ. ಸಾಲವನ್ನು ಆರ್‌ಕಾಮ್‌ಗೆ ನೀಡಿದ್ದು, ಮರು ಪಾವತಿಗೆ ಒತ್ತಡ ತೀವ್ರವಾಗುತ್ತಿದೆ.
ಸ್ಟೇಟ್‌ ಬ್ಯಾಂಕ್‌ ಆಫ್‌ ಇಂಡಿಯಾ 4,910 ಕೋಟಿ ರೂ., ಲೈಫ್‌ ಇನ್ಷೂರೆನ್ಸ್‌ ಕಾರ್ಪೊರೇಷನ್‌ ಆಫ್‌ ಇಂಡಿಯಾ 4,760 ಕೋಟಿ ರೂ., ಬ್ಯಾಂಕ್‌ ಆಫ್‌ ಬರೋಡಾ 2,700 ಕೋಟಿ ರೂ., ಮ್ಯಾಡಿಸನ್‌ ಪೆಸಿಫಿಕ್‌ ಟ್ರಸ್ಟ್‌ 2,350 ಕೋಟಿ ರೂ., ಎಕ್ಸಿಸ್‌ ಬ್ಯಾಂಕ್‌ 2,090 ಕೋಟಿ ರೂ. ಸಾಲವನ್ನು ಆರ್‌ಕಾಮ್‌ಗೆ ನೀಡಿವೆ. ಆರ್‌ಕಾಮ್‌ಗೆ ಸಾಲ ನೀಡಿರುವ ಟಾಪ್‌ 7 ಸಾಲಧಾತ ಬ್ಯಾಂಕ್‌ಗಳಲ್ಲಿ ಚೀನಾ ಬ್ಯಾಂಕ್‌ಗಳ ಪಾಲು ನಾಲ್ಕನೇ ಒಂದು ಭಾಗದಷ್ಟಿದೆ.
ದಿವಾಳಿ ಪ್ರಕ್ರಿಯೆಗೂ ಆರ್‌ಕಾಮ್‌ ಸಜ್ಜಾಗಿದೆ. ಕಂಪನಿಯ ಆಸ್ತಿಯನ್ನು ಮಾರಾಟ ಮಾಡಿ, ಸಾಲದಿಂದ ವಿಮುಕ್ತರಾಗಲು ಅನಿಲ್‌ ಅಂಬಾನಿ ಮುಂದಾಗಿದ್ದಾರೆ. ಅನಿಲ್‌ ಅಂಬಾನಿಯ ಸೋದರ, ಏಷ್ಯಾದ ಸಿರಿವಂತ ಮುಕೇಶ್‌ ಅಂಬಾನಿಯ ರಿಲಯನ್ಸ್‌ ಜಿಯೊ ಇನ್ಫೋಕಾಮ್‌ ಲಿಮಿಟೆಡ್‌ ಈ ಮೊದಲು ಆರ್‌ಕಾಮ್‌ನ ಆಸ್ತಿಗಳನ್ನು 17,300 ಕೋಟಿ ರೂ.ಗೆ ಖರೀದಿಸಲು ಮುಂದಾಗಿತ್ತು. ಆದರೆ, ಆಡಳಿತಾತ್ಮಕ ಬಿಕ್ಕಟ್ಟುಗಳಿಂದಾಗಿ ಅದು ಸಾಧ್ಯವಾಗಲಿಲ್ಲ.
ಪ್ರಕರಣವೊಂದರಲ್ಲಿ, ''80 ದಶಲಕ್ಷ ಡಾಲರ್‌ ಸಾಲ ತೀರಿಸಿ, ಇಲ್ಲವೇ ಜೈಲು ಎದುರಿಸಿ'' ಎಂದು ಕೋರ್ಟ್‌ ಹೇಳಿದಾಗ ಅನಿಲ್‌ ಅಂಬಾನಿ ನೆರವಿಗೆ ಮುಕೇಶ್‌ ಧಾವಿಸಿದ್ದರು.
Vijay Karnataka News App: ನಿಮ್ಮ ಸುತ್ತಮುತ್ತಲು ನಡೆಯುವ ವಿದ್ಯಮಾನಗಳನ್ನುಹಂಚಿಕೊಳ್ಳಲು ಬಯಸುತ್ತೀರಾ? ಹಾಗಿದ್ದಲ್ಲಿ ವಿಜಯ ಕರ್ನಾಟಕ ಆ್ಯಪ್‌ಡೌನ್‌ಲೋಡ್‌ ಮಾಡಿಕೊಳ್ಳಿ ಹಾಗೂ ರಿಪೋರ್ಟ್‌ ಕಳಿಸಿ
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
