ಮಾರ್ಚ್ 21ರಿಂದ ರೈಲ್ವೆ ಟಿಕೆಟ್‌ ರದ್ದತಿಗೆ 100% ರಿಫಂಡ್: ಪಡೆಯುವುದು ಹೇಗೆ?

ಹೊಸದಿಲ್ಲಿ: ದೇಶದಲ್ಲಿ ಜಾರಿಯಾಗಿರುವ ಲಾಕ್‌ ಡೌನ್‌ ಪರಿಣಾಮ ರೈಲ್ವೆ ಟಿಕೆಟ್‌ ರದ್ದುಪಡಿಸಿದವರಿಗೆ ಪೂರ್ಣ ಪ್ರಮಾಣದ ರಿಫಂಡ್‌ ಸಿಗಲಿದೆ. 2020ರ ಮಾರ್ಚ್ 21ರಿಂದ ಏಪ್ರಿಲ್‌ 14ರ ತನಕ ಬುಕ್‌ ಮಾಡಿರುವ ರೈಲ್ವೆ ಟಿಕೆಟ್‌ಗಳನ್ನು ರದ್ದುಪಡಿಸುವ ಗ್ರಾಹಕರಿಗೆ ಪೂರ್ಣ ಹಣ ಸಿಗಲಿದೆ. ಈಗಾಗಲೇ ಭಾಗಶಃ ರಿಫಂಡ್‌ ಪಡೆದ ಪ್ರಯಾಣಿಕರೂ ಉಳಿದ ಹಣವನ್ನು ಪಡೆಯಬಹುದು. ರೈಲ್ವೆ ಇಲಾಖೆಯು ರಿಫಂಡ್‌ ಕುರಿತ ನಿಯಮಗಳನ್ನು ತಾತ್ಕಾಲಿಕವಾಗಿ ಸಡಿಲಗೊಳಿಸಿದೆ.

ಐಆರ್‌ಸಿಟಿಸಿ ಇ-ಟಿಕೆಟ್‌:
ಐಆರ್‌ಸಿಟಿಸಿ ಇ-ಟಿಕೆಟ್‌ ಅನ್ನು ಮಾರ್ಚ್ 27ಕ್ಕೆ ಮುನ್ನ ರದ್ದುಪಡಿಸಿದವರಿಗೆ ರೈಲ್ವೆಯು ಉಳಿದ ಹಣವನ್ನು ನೀಡಲಿದೆ. ಮಾರ್ಚ್ 27ರ ನಂತರ ಟಿಕೆಟ್‌ಗಳನ್ನು ರದ್ದುಪಡಿಸಿದ್ದರೆ ಪೂರ್ಣ ಹಣ ಸಿಗಲಿದೆ. ಇ-ಟಿಕೆಟ್‌ನ ರಿಫಂಡ್‌ ತನ್ನಿಂತಾನೆ ಖರೀದಿದಾರರ ಖಾತೆಗೆ ಜಮೆಯಾಗಲಿದೆ.

ಕೌಂಟರ್‌ನಲ್ಲಿ ಪಡೆದ ಟಿಕೆಟ್‌:
2020 ಮಾರ್ಚ್ 27ಕ್ಕೆ ಮೊದಲು ಟಿಕೆಟ್‌ ರದ್ದುಪಡಿಸಿದ್ದರೆ, ಬ್ಯಾಲೆನ್ಸ್‌ ರಿಫಂಡ್‌ ಮೊತ್ತ ಪಡೆಯಲು ಪ್ರಯಾಣಿಕರು ಟಿಕೆಟ್‌ ಡಿಪಾಸಿಟ್‌ ರಿಸಿಪ್ಟ್‌ (ಟಿಡಿಆರ್‌) ನಲ್ಲಿ ಪ್ರಯಾಣದ ವಿವರ ನಮೂದಿಸಬೇಕು. ಹಾಗೂ ಯಾವುದೇ ರೈಲ್ವೆ ವಲಯದ ಪ್ರಧಾನ ಕಚೇರಿಯಲ್ಲಿ ಚೀಫ್‌ ಕ್ಲೇಮ್‌ ಆಫೀಸರ್‌ಗೆ ಸಲ್ಲಿಸಬೇಕು.

ಕೊರೊನಾ ನಿಯಂತ್ರಣಕ್ಕೆ ವಿಡಿಯೋ ಕಾನ್ಫರೆನ್ಸ್‌ ನಡೆಸಿದ ಮೋದಿ!