ಜಿಯೊ ವಿರುದ್ಧ ಮಾನಹಾನಿ ಟೀಕೆ: ಹೈಕೋರ್ಟ್‌ ಆಕ್ಷೇಪ

ಹೊಸದಿಲ್ಲಿ : ದೂರಸಂಪರ್ಕ ಕ್ಷೇತ್ರದಲ್ಲಿರುವ ರಿಲಯನ್ಸ್‌ ಜಿಯೊ ಕಂಪನಿ ವಿರುದ್ಧ ಸೆಲ್ಯುಲರ್‌ಆಪರೇಟರ್ಸ್‌ಅಸೋಸಿಯೇಷನ್‌ಆಫ್‌ಇಂಡಿಯಾ(ಸಿಒಎಐ)ದ ಸದಸ್ಯರು ಯಾವುದೇ ಮಾನಹಾನಿಕರ ಮತ್ತು ನಿಂದನಾತ್ಮಕ ಟೀಕೆಗಳನ್ನು ಮಾಡದಂತೆ ದಿಲ್ಲಿ ಹೈಕೋರ್ಟ್‌ ಆದೇಶಿಸಿದೆ.

ಸೆಲ್ಯುಲರ್‌ ಆಪರೇಟರ್ಸ್‌ ಅಸೋಸಿಯೇಷನ್‌ ಆಫ್‌ ಇಂಡಿಯಾ ಸಂಘಟನೆಯು 2016ರ ಸೆ.25ರಂದು ಮತ್ತು ಈ ವರ್ಷದ ಫೆಬ್ರವರಿಯಲ್ಲಿ ನೀಡಿದ್ದ ಪತ್ರಿಕಾ ಪ್ರಕಟಣೆಯಲ್ಲಿ ತನ್ನ ವಿರುದ್ಧ ಮಾನಹಾನಿಕರವಾದ ಮತ್ತು ನಿಂದನೆಯ ಕೀಳುಮಾತುಗಳನ್ನು ಬಳಸಿದೆ ಎಂದು ರಿಲಯನ್ಸ್‌ ಜಿಯೊ ಇನ್ಫೋಕಾಂ ಲಿಮಿಟೆಡ್‌ ಕೋರ್ಟ್‌ನ ಮೆಟ್ಟಿಲೇರಿತ್ತು. ಅರ್ಜಿಯ ವಿಚಾರಣೆ ನಡೆಸಿದ ನ್ಯಾಯಮೂರ್ತಿ, ಸಿಒಎಐ ಮತ್ತು ಅದರ ಪ್ರಧಾನ ನಿರ್ದೇಶಕರಿಗೆ ನೋಟಿಸ್‌ ನೀಡಿದ್ದಾರೆ.

ಸಿಒಎಐ ಪರ ವಾದಿಸಿದ ನ್ಯಾಯವಾದಿ ಮತ್ತು ಸಂಘಟನೆಯ ಪ್ರಧಾನ ನಿರ್ದೇಶಕ ರಾಜನ್‌ ಎಸ್‌ ಮ್ಯಾಥ್ಯೂಸ್‌, ''ಒಕ್ಕೂಟವಾಗಲಿ/ಪ್ರಧಾನ ನಿರ್ದೇಶಕರಾಗಲಿ ಬಳಸಿರುವ ಪದಗಳು ಸರಿಯಾಗಿಯೇ ಇವೆ,'' ಎಂದು ವಾದಿಸಿದರು. ಆದರೆ, ನ್ಯಾಯಮೂರ್ತಿಗಳು ಇದನ್ನು ಒಪ್ಪಲಿಲ್ಲ.