ಸಾಸಿವೆ, ಸೋಯಾಬೀನ್, ಶೇಂಗಾ ಬೀಜಗಳಿಗೆ ಬೇಡಿಕೆ ಕುಸಿತ! ಖಾದ್ಯ ತೈಲ ಬೆಲೆಯಲ್ಲೂ ಇಳಿಕೆ ಸಾಧ್ಯತೆ

ಹೊಸದಿಲ್ಲಿ: ವಿದೇಶಿ ಮಾರುಕಟ್ಟೆಯಲ್ಲಿ ಖಾದ್ಯ ತೈಲಗಳ ಬೆಲೆಯಲ್ಲಿ ಹೆಚ್ಚಳವಾಗಿದ್ದರೂ, ಆಮದುಗಳಿಗೆ ದುರ್ಬಲ ಬೇಡಿಕೆಯ ಹಿನ್ನೆಲೆಯಲ್ಲಿ ಕಳೆದ ವಾರ ದೇಶಾದ್ಯಂತ ಎಣ್ಣೆಕಾಳುಗಳ ಬೆಲೆಗಳಲ್ಲಿ ಹೆಚ್ಚೇನು ಬದಲಾವಣೆ ಕಂಡುಬಂದಿಲ್ಲ. ಬೇಡಿಕೆ ಕುಸಿತದ ಹೊರತಾಗಿಯೂ CPO ಮತ್ತು ತಾಳೆ ಎಣ್ಣೆ ಬೆಲೆಗಳು ಸುಧಾರಣೆ ಕಂಡಿವೆ. ಸಾಗರೋತ್ತರ ಬೆಲೆಯಲ್ಲಿ ಏರಿಕೆ, ಆಮದು ಸುಂಕ ಹೆಚ್ಚಳ ಹಾಗೂ ರೂಪಾಯಿ ಮೌಲ್ಯ ಇಳಿಕೆಯಾಗಿದ್ದರೂ, ಹೆಚ್ಚಿನ ಎಣ್ಣೆಕಾಳುಗಳ ಬೆಲೆಯಲ್ಲಿ ಯಾವುದೇ ಬದಲಾವಣೆ ಇಲ್ಲ ಎಂದು ವ್ಯಾಪಾರಿಗಳು ತಿಳಿಸಿದ್ದಾರೆ. ಇಂಡೋನೇಷ್ಯಾ ರಫ್ತು ನಿಷೇಧಿಸಿದ ನಂತರ ದೇಶದ ಬಂದರುಗಳಿಗೆ ಸಿಪಿಒ ಮತ್ತು ಪಾಮೋಲಿನ್ ತೈಲದ ಆಗಮನ ಕಡಿಮೆಯಾಗಿದೆ. ಈ ಆಮದು ತೈಲಗಳ ಬೇಡಿಕೆಯೂ ಕಡಿಮೆಯಾಗಿದೆ. ಇದರಿಂದಾಗಿ ಕಳೆದ ವರ್ಷಕ್ಕೆ ಹೋಲಿಸಿದರೆ ಈ ಬಾರಿ ಏಪ್ರಿಲ್‌ನಲ್ಲಿ ಆಮದು ಶೇಕಡಾ 13 ರಷ್ಟು ಕಡಿಮೆಯಾಗಿದೆ.

ಸಂಸ್ಕರಿಸಿದ ಸಾಸಿವೆ ಸಿಪಿಒ ಎಣ್ಣೆಯು ತಾಳೆ ಎಣ್ಣೆಗಿಂತಲೂ ಅಗ್ಗವಾಗಿದೆ. ವಿಶೇಷವಾಗಿ ಉತ್ತರ ಭಾರತದಲ್ಲಿ, ಸಿಪಿಒ ಮತ್ತು ಪಾಮೊಲಿನ್ ತೈಲಗಳಿಗೆ ಬೇಡಿಕೆ ಇಳಿಕೆಯಾಗಿದೆ. ಸ್ಥಳೀಯ ಗ್ರಾಹಕರು ಸಾಸಿವೆ, ಕಡಲೆಕಾಯಿ, ಸೋಯಾಬೀನ್ ಮತ್ತು ಹತ್ತಿಬೀಜ ಮುಂತಾದ ಎಣ್ಣೆಗಳ ಬಳಕೆ ಹೆಚ್ಚಿಸಿಕೊಂಡಿದ್ದಾರೆ. ಹೀಗಾಗಿ ಆಮದು ಮಾಡಿಕೊಳ್ಳುವ ತೈಲಗಳ ಕೊರತೆಯನ್ನು ಸರಿದೂಗಿಸಲಾಗಿದೆ.

ಗಗನಕ್ಕೇರಿದ ಅಡುಗೆ ಎಣ್ಣೆ ದರ, ಆಮದು ಸುಂಕದ ಜತೆ ಸೆಸ್‌ ಕಡಿತಕ್ಕೆ ಸರಕಾರ ಚಿಂತನೆ

ನಕಲಿ ಹತ್ತಿಬೀಜದ ಇಂಡಿ ಅಪಾಯಕಾರಿ
ಆಮದು ಮಾಡಿಕೊಂಡ ಸೋಯಾಬೀನ್ ಎಣ್ಣೆಯ ಬೆಲೆ ಕೆಜಿಗೆ 158 ರೂ.ಗಳಾಗಿದೆ. ಆದರೆ, ದೇಸಿ ಮಾರುಕಟ್ಟೆಯಲ್ಲಿ ಈ ಎಣ್ಣೆಯ ಬೆಲೆ ಕೆಜಿಗೆ 155 ರೂ.50 ಪೈಸೆ ಇದೆ ಎಂದು ವರದಿಗಳು ತಿಳಿಸಿವೆ. ಹೀಗಾಗಿ ಸೋಯಾಬೀನ್ ಎಣ್ಣೆಯ ಆಮದು ಲಾಭದಾಯಕವಲ್ಲ. ಏತನ್ಮಧ್ಯೆ, ಹರಿಯಾಣದ ಕೈತಾಲ್ ಆಯಿಲ್ ಮಿಲ್ಸ್ ಅಸೋಸಿಯೇಷನ್ ತನ್ನ ವ್ಯಾಪ್ತಿಯಲ್ಲಿ ನಕಲಿ ಹತ್ತಿಬೀಜದ ಕೇಕ್ ತಯಾರಕರಿಗೆ ಈ ಚಟುವಟಿಕೆಯನ್ನು ನಿಲ್ಲಿಸುವಂತೆ ಎಚ್ಚರಿಕೆ ನೀಡಿದೆ. ಈ ಹಿನ್ನೆಲೆಯಲ್ಲಿ ರಾಜ್ಯ ಸರ್ಕಾರದ ಗಮನ ಸೆಳೆಯಲು ಪ್ರಯತ್ನಿಸುತ್ತಿರುವುದಾಗಿ ಕೈತಾಲ್ ಆಯಿಲ್ ಮಿಲ್ಸ್ ಅಸೋಸಿಯೇಷನ್ ಅಧ್ಯಕ್ಷ ಶಿವನಾರಾಯಣ ಗೋಯೆಲ್ ಪಿಟಿಐಗೆ ತಿಳಿಸಿದ್ದಾರೆ. ಈ ನಕಲಿ ಹತ್ತಿಬೀಜದ ಪಶು ಆಹಾರವು ಜಾನುವಾರುಗಳ ಆರೋಗ್ಯಕ್ಕೆ ಹಾನಿಕರವಾಗಿದ್ದು, ತಪ್ಪಿತಸ್ಥರ ವಿರುದ್ಧ ಸೂಕ್ತ ಕ್ರಮ ಕೈಗೊಳ್ಳಬೇಕಿದೆ.

ಸೋಯಾಬೀನ್ ಎಣ್ಣೆಬೀಜಕ್ಕೆ ಬೇಡಿಕೆ ಕುಸಿತ
ಸೋಯಾಬೀನ್‌ನ ಡಿ-ಆಯಿಲ್ಡ್ ಕೇಕ್ (ಡಿಒಸಿ) ಗೆ ಬೇಡಿಕೆ ಕಡಿಮೆಯಾದ ಕಾರಣ ಕಳೆದ ವಾರಾಂತ್ಯದಲ್ಲಿ ಸೋಯಾಬೀನ್ ಎಣ್ಣೆಕಾಳುಗಳ ಬೆಲೆಯಲ್ಲಿ ಇಳಿಕೆ ಕಂಡುಬಂದಿದೆ ಎಂದು ಮೂಲಗಳು ತಿಳಿಸಿವೆ. ಇದರಿಂದ ಸೋಯಾಬೀನ್ ಎಣ್ಣೆಯ ಬೆಲೆ ಇಳಿಕೆಯಾಗುವ ಸಾಧ್ಯತೆ ಇದೆ.

ತಾಳೆ ಎಣ್ಣೆ ರಫ್ತು ನಿಷೇಧಿಸಿದ ಇಂಡೊನೇಷ್ಯಾ! ಅಡುಗೆ ಎಣ್ಣೆ ದರ ಮತ್ತಷ್ಟು ಹೆಚ್ಚಳ ಸಾಧ್ಯತೆ!

ಏಜೆನ್ಸಿಗಳು ದಾಸ್ತಾನು ಸಿದ್ಧಪಡಿಸಬೇಕು
ಖರೀದಿ ಏಜೆನ್ಸಿಗಳು ಅಗ್ಗವಾಗಿ ದೊರೆಯುವ ಸಾಸಿವೆ ದಾಸ್ತಾನು ಸಿದ್ಧಪಡಿಸಿ, ಅಗತ್ಯ ಸಮಯದಲ್ಲಿ ನಮಗೆ ಉಪಯುಕ್ತವಾಗುವಂತೆ ರಾಜ್ಯ ಸರಕಾರಗಳಿಗೆ ಕೇಂದ್ರವು ಮನವಿ ಮಾಡಬೇಕು ಎಂದು ಮೂಲಗಳು ತಿಳಿಸಿವೆ. ಆಮದು ತೈಲಗಳ ಕೊರತೆಯನ್ನು ನೀಗಿಸಲು, ದೊಡ್ಡ ಪ್ರಮಾಣದಲ್ಲಿ ಸಂಸ್ಕರಿಸಿದ ಸಾಸಿವೆ ತಯಾರಾಗುತ್ತಿದೆ. ಹೆಚ್ಚಿನ ಸಾಸಿವೆ ಉತ್ಪಾದನೆಯ ಹೊರತಾಗಿಯೂ, ಮುಂದೆ ಕೊರತೆ ಉಂಟಾಗಬಹುದು. ಹೀಗಾಗಿ ಎಣ್ಣೆ ಕಾಳುಗಳ ಉತ್ಪಾದನೆಯನ್ನು ಹೆಚ್ಚಿಸಲು ಗಮನ ಹರಿಸಬೇಕು, ಆಗ ಮಾತ್ರ ನಾವು ಈ ವಿಷಯದಲ್ಲಿ ಸ್ವಾವಲಂಬಿಗಳಾಗುತ್ತೇವೆ.