ಬ್ಯಾಂಕ್ ಹಗರಣಗಳ ಸಿವಿಸಿ ವರದಿ ಸಿದ್ಧ

ಹೊಸದಿಲ್ಲಿ: ಕೇಂದ್ರ ವಿಚಕ್ಷಣ ಆಯೋಗವು (ಸಿವಿಸಿ) ಮೊದಲ ಬಾರಿಗೆ 100 ಬ್ಯಾಂಕಿಂಗ್‌ ಹಗರಣಗಳು ಹಾಗೂ ವಂಚನೆಗಳ ವಿಶ್ಲೇಷಣೆ ಒಳಗೊಂಡ ವರದಿ ಸಿದ್ಧಪಡಿಸಿದೆ.

ಜ್ಯುವೆಲ್ಲರಿ, ಉತ್ಪಾದನೆ, ಉದ್ಯಮ, ಕೃಷಿ, ವೈಮಾನಿಕ, ಸೇವೆ ಸೇರಿ 13 ವಲಯಗಳಲ್ಲಿ ಹೇಗೆ ಬ್ಯಾಂಕ್‌ ಸಾಲಗಳು ವಂಚನೆ ಅಥವಾ ಹಗರಣಗಳಾಗುತ್ತವೆ ಎಂಬುದನ್ನು ಸಿವಿಸಿ ವಿವರಿಸಿದೆ. ಒಟ್ಟು 100 ಸಾಲ ವಂಚನೆಯ ಪ್ರಕರಣಗಳನ್ನು ವಿಶ್ಲೇಷಿಸಲಾಗಿದ್ದು, ವ್ಯವಸ್ಥೆಯಲ್ಲಿನ ಲೋಪದೋಷಗಳನ್ನೂ ಉಲ್ಲೇಖಿಸಿ ಪರಿಹಾರ ಸೂಚಿಸಲಾಗಿದೆ ಎಂದು ಆಯೋಗದ ಆಯುಕ್ತ ಟಿ.ಎಂ ಭಾಸಿನ್‌ ತಿಳಿಸಿದ್ದಾರೆ.

ವಿಜಯ್‌ ಮಲ್ಯ, ನೀರವ್‌ ಮೋದಿ ಮುಂತಾದವರ ಭಾರಿ ಸುಸ್ತಿ ಸಾಲ ಹಗರಣಗಳ ತನಿಖೆ ನಡೆಯುತ್ತಿರುವ ಹಂತದಲ್ಲಿ ಸಿವಿಸಿ ವರದಿ ಮಹತ್ವ ಪಡೆದಿದೆ.