ಬೆಂಗಳೂರು: ದಸರಾ ಹಬ್ಬದ ಪ್ರಯುಕ್ತ ಸಾರ್ವಜನಿಕ ವಲಯದ ಬಿಎಸ್ಸೆನ್ನೆಲ್‌ ಶೇ.50ರಷ್ಟು ಕ್ಯಾಶ್‌ಬ್ಯಾಕ್‌ ಕೊಡುಗೆಗಳನ್ನು ಗ್ರಾಹಕರಿಗೆ ನೀಡಿದೆ.
ಎಸ್‌ಟಿವಿಎಸ್‌ ವಾಯ್ಸ್‌ ರಿಚಾರ್ಜ್‌ಗಳಲ್ಲಿ ಸೆಪ್ಟೆಂಬರ್‌ 25ರಿಂದ ಒಂದು ತಿಂಗಳಿನ ಕಾಲ ಗ್ರಾಹಕರು ಶೇ.50ರಷ್ಟು ಕ್ಯಾಶ್‌ ಬ್ಯಾಕ್‌ ಪಡೆಯಬಹುದು ಎಂದು ಪ್ರಕಟಣೆ ತಿಳಿಸಿದೆ. 'ಕ್ಯಾಶ್‌ ಬ್ಯಾಕ್‌ ಇನ್‌ ಮೇನ್‌ ಅಕೌಂಟ್‌' ವಿಭಾಗದಲ್ಲಿ ಟಾಕ್‌ ವಾಲ್ಯೂ ರೂಪದಲ್ಲಿ ಶೇ.50ರಷ್ಟು ಕ್ಯಾಶ್‌ ಬ್ಯಾಕ್‌ ಪಡೆಯಬಹುದು.
ಎಸ್‌ಟಿವಿ 44, 132, 65, 69ಕ್ಕೆ ಇದು ಅನ್ವಯ. 40 ರೂ, 60 ಮತ್ತು 80 ರೂ. ಟಾಪ್‌-ಅಪ್‌ನಲ್ಲಿ ಫುಲ್‌ ಟಾಕ್‌ ಟೈಮ್‌ ಸಿಗಲಿದೆ. 429 ರೂ.ಗಳ ವಾಯ್ಸ್‌ ಮತ್ತು ಡೇಟಾ ಸೆಂಟ್ರಿಕ್‌ ಪ್ಲಾನ್‌ನಲ್ಲಿ ಯಾವುದೇ ನೆಟ್‌ವರ್ಕ್‌ಗೆ ಅಮಿತ ಕರೆ ಮತ್ತು ದಿನಕ್ಕೆ 1 ಜಿಬಿ ಡೇಟಾವನ್ನು ಕೂಡ 90 ದಿನಗಳ ಅವಧಿಗೆ ಪಡೆಯಬಹುದು ಎಂದು ಬಿಎಸ್ಸೆನ್ನೆಲ್‌ ಪ್ರಕಟಣೆ ತಿಳಿಸಿದೆ.