ರಕ್ಷಣಾ ಬಜೆಟ್‌ ಶೇ.40 ಕಡಿತ ಸಾಧ್ಯತೆ: ಕೇಂದ್ರಕ್ಕೆ ಉಳಿಯಲಿದೆ ₹80 ಸಾವಿರ ಕೋಟಿ!

ಹೊಸದಿಲ್ಲಿ: ಕೋವಿಡ್‌-19 ಬಿಕ್ಕಟ್ಟಿನ ಹಿನ್ನೆಲೆಯಲ್ಲಿ ಕೇಂದ್ರ ಸರಕಾರ ತನ್ನ ರಕ್ಷಣಾ ಬಜೆಟ್‌ನಲ್ಲಿ ಶೇ.40ರಷ್ಟು ಕಡಿತ ಮಾಡುವ ಸಾಧ್ಯತೆ ಇದೆ.

ರಕ್ಷಣಾ ಬಜೆಟ್‌ನಲ್ಲಿ ಶೇ.40ರಷ್ಟು ಕಡಿತಗೊಳಿಸಿದರೆ ಸರಕಾರದ ಬೊಕ್ಕಸಕ್ಕೆ 80,000 ಕೋಟಿ ರೂ.ಗಳು ಉಳಿತಾಯವಾಗಲಿದ್ದು, ಅದೇ ಮೊತ್ತವನ್ನು ಕೋವಿಡ್‌-19 ಪರಿಹಾರ ಕಾರಾರ‍ಯಚರಣೆಗಳಿಗೆ ಬಳಸಬಹುದು. ಏಪ್ರಿಲ್‌-ಜೂನ್‌ ಅವಧಿಯ ಮಿಲಿಟರಿ ವೆಚ್ಚದಲ್ಲಿ ಶೇ,.15-20 ಕಡಿತ ಮಾಡಲು ರಕ್ಷಣಾ ಇಲಾಖೆಗೆ ಸೂಚಿಸಲಾಗಿದೆ ಎಂದು ವರದಿಯಾಗಿದೆ.

ಕೊರೊನಾ ಬಿಕ್ಕಟ್ಟಿನ ಪರಿಣಾಮ ಲಾಕ್‌ ಡೌನ್‌ ಘೋಷಿಸಿರುವುದರಿಂದ ಆರ್ಥಿಕ ಚಟುವಟಿಕೆಗಳು ಬಹುತೇಕ ಸ್ಥಗಿತವಾಗಿದೆ. ತೆರಿಗೆ ಸಂಗ್ರಹ ಗಣನೀಯ ಇಳಿಕೆಯಾಗಿದೆ. ಆದ್ದರಿಂದ ಬಜೆಟ್‌ ವೆಚ್ಚದ ಕಡಿತ ನಿರೀಕ್ಷಿತವಾಗಿದೆ.

ಭಾರತದ ಜಿಡಿಪಿ ಶೇ.0.2ಕ್ಕೆ ಇಳಿಕೆ: ಆತಂಕ ಹೆಚ್ಚಿಸಿದ ಮೂಡೀಸ್‌ ವರದಿ!

ರಕ್ಷಣಾ ವೆಚ್ಚದಲ್ಲಿ ಭಾರತಕ್ಕೆ ಮೂರನೇ ಸ್ಥಾನ
ಸ್ಟಾಕ್‌ಹೋಮ್ ಇಂಟರ್ನ್ಯಾಷನಲ್ ಪೀಸ್ ರಿಸರ್ಚ್ ಇನ್ಸ್ಟಿಟ್ಯೂಟ್ (ಎಸ್‌ಐಪಿಆರ್‌ಐ) ವರದಿ ಪ್ರಕಾರ, 2019 ರಲ್ಲಿ ಒಟ್ಟು ಜಾಗತಿಕ ಮಿಲಿಟರಿ ವೆಚ್ಚ 9 1,917 ಬಿಲಿಯನ್‌ ಡಾಲರ್‌ಗೆ ಏರಿದೆ. 2018 ಕ್ಕೆ ಹೋಲಿಸಿದರೆ ಜಾಗತಿಕ ರಕ್ಷಣಾ ವೆಚ್ಚ ಶೇ. 3.6 ರಷ್ಟು ಏರಿಕೆಯಾಗಿದೆ. ಇದು 2010ರ ನಂತರ ಅತಿ ಹೆಚ್ಚು ಏರಿಕೆಯಾಗಿದೆ.

ವಿಶ್ವದಲ್ಲೇ ಅತಿ ಹೆಚ್ಚು ರಕ್ಷಣಾ ವೆಚ್ಚ ಹೊಂದಿರುವ ದೇಶದಗಳ ಪೈಕಿ ಅಮೆರಿಕ ಮೊದಲ ಸ್ಥಾನದಲ್ಲಿದೆ. ಚೀನಾ ಮತ್ತು ಭಾರತ ಏಷ್ಯಾದಲ್ಲೇ ಅತಿ ಹೆಚ್ಚು ರಕ್ಷಣಾ ವೆಚ್ಚ ಹೊಂದಿರುವ ರಾಷ್ಟ್ರಗಳಾಗಿವೆ. ಕ್ರಮವಾಗಿ ವಿಶ್ವದ ಎರಡು ಮತ್ತು ಮೂರನೇ ಅತಿದೊಡ್ಡ ಮಿಲಿಟರಿ ವೆಚ್ಚ ಮಾಡುವ ರಾಷ್ಟ್ರಗಳಾಗಿವೆ.

ಮೇ 3ರ ಬಳಿಕ ಆರೆಂಜ್, ಗ್ರೀನ್ ವಲಯಗಳಿಗೆ ರಿಲೀಫ್: ಗೃಹ ಸಚಿವಾಲಯ

ಚೀನಾದ ಮಿಲಿಟರಿ ವೆಚ್ಚವು 2019 ರಲ್ಲಿ 1 261 ಬಿಲಿಯನ್ ಡಾಲರ್‌ ತಲುಪಿದೆ. ಭಾರತದ ವೆಚ್ಚವು 2019ರಲ್ಲಿ ಶೇ. 6.8 ರಷ್ಟು ಏರಿಕೆಯಾಗಿ 71.1 ಬಿಲಿಯನ್ ಡಾಲರ್‌ ತಲುಪಿದೆ ಎಂದು ವರದಿಯಲ್ಲಿ ತಿಳಿಸಿತ್ತು.

ಇದೀಗ ಕೊರೊನಾ ವೈರಸ್ ಸಂಕಷ್ಟದಿಂದಾಗಿ ರಕ್ಷಣಾ ಬಜೆಟ್‌ನಲ್ಲಿ ಶೇ.40ರಷ್ಟು ಕಡಿತಗೊಳಿಸುವ ಕುರಿತು ಕೇಂದ್ರ ಸರಕಾರ ಚಿಂತನೆ ನಡೆಸಿದೆ.