ಸಾಲಕ್ಕಿಂತ ಠೇವಣಿ ಸಂಗ್ರಹ ಹೆಚ್ಚಳ: ಆರ್‌ಬಿಐ

ಹೊಸದಿಲ್ಲಿ: ಕಳೆದ 2020-21ರ ಸಾಲಿನ ಏಪ್ರಿಲ್‌-ಡಿಸೆಂಬರ್‌ ಅವಧಿಯಲ್ಲಿ ಬ್ಯಾಂಕ್‌ ಸಾಲ ವಿತರಣೆ ಶೇಕಡ 4.3ರಷ್ಟು ಬೆಳವಣಿಗೆ ದಾಖಲಿಸಿದೆ ಎಂದು ಆರ್‌ಬಿಐ ತಿಳಿಸಿದೆ.

(103 ಲಕ್ಷ ಕೋಟಿ ರೂ.) ಬ್ಯಾಂಕ್‌ಗಳಲ್ಲಿ ಡೆಪಾಸಿಟ್‌ ಪ್ರಮಾಣ 8.5 ಪರ್ಸೆಂಟ್‌ ಹೆಚ್ಚಳವಾಗಿದ್ದು, 147 ಲಕ್ಷ ಕೋಟಿ ರೂ.ಗೆ ವೃದ್ಧಿಸಿದೆ ಎಂದಿದೆ. ಕೋವಿಡ್‌ ಬಿಕ್ಕಟ್ಟಿನ ಸಂದರ್ಭ ಜನತೆ ಬ್ಯಾಂಕ್‌ಗಳಲ್ಲಿ ಠೇವಣಿಗಳನ್ನು ಸುರಕ್ಷತೆಯ ದೃಷ್ಟಿಯಿಂದ ಹೆಚ್ಚಿನ ಪ್ರಮಾಣದಲ್ಲಿ ಇಟ್ಟಿದ್ದರು. ಆದರೆ ಸಾಲ ವಿತರಣೆ ಕಡಿಮೆಯಾಗಿತ್ತು ಎಂದು ಅಂಕಿ ಅಂಶಗಳು ತಿಳಿಸಿವೆ.

2021ರ ಜನವರಿ 1ಕ್ಕೆ ಅಂತ್ಯವಾದ ಪಾಕ್ಷಿಕ ಅವಧಿಯಲ್ಲಿ ಬ್ಯಾಂಕ್‌ ಸಾಲ ವಿತರಣೆಯ ಬೆಳವಣಿಗೆ ಶೇ.6.7 ರಷ್ಟಿದ್ದರೆ, ಠೇವಣಿ ಸಂಗ್ರಹ 11.5%ರಷ್ಟಿತ್ತು ಎಂದು ರಿಸವ್‌ರ್‍ ಬ್ಯಾಂಕ್‌ ವರದಿ ತಿಳಿಸಿದೆ.

ಹೀಗಿದ್ದರೂ ಜನವರಿ 1ಕ್ಕೆ ಅಂತ್ಯವಾದ ಪಾಕ್ಷಿಕದಲ್ಲಿಸಾಲ ವಿತರಣೆ ಚುರುಕಾಗಿದ್ದು, ರಿಟೇಲ್‌ ಸಾಲ ವಿತರಣೆಯ ಏರಿಕೆಯೇ ಇದಕ್ಕೆ ಪ್ರಮುಖ ಕಾರಣವಾಗಿದೆ. ವಸೂಲಾಗದ ಸಾಲದ ಪ್ರಮಾಣ 2021ರಲ್ಲಿ ಹೆಚ್ಚಳವಾಗುವ ಆತಂಕ ಇರುವುದರಿಂದ ಬ್ಯಾಂಕ್‌ಗಳು ಸಾಲ ವಿತರಿಸುವಾಗ ಸಾಕಷ್ಟು ಮುನ್ನೆಚ್ಚರ ವಹಿಸುತ್ತಿವೆ ಎಂದು ರೇಟಿಂಗ್‌ ಏಜೆನ್ಸಿಗಳು ತಿಳಿಸಿವೆ.

ರಿಸರ್ವ್‌ ಬ್ಯಾಂಕ್‌ ನ ಹಣಕಾಸು ಸ್ಥಿರತೆ ಕುರಿತ ಇತ್ತೀಚಿವ ವರದಿ ಪ್ರಕಾರ, 2021ರ ಸೆಪ್ಟೆಂಬರ್‌ ವೇಲೆಗೆ ಬ್ಯಾಂಕ್‌ ಗಳಲ್ಲಿ ಅನುತ್ಪಾದಕ ಆಸ್ತಿ (ಎನ್‌ಪಿಎ) ಶೇಕಡ 13.5ಕ್ಕೆ ಏರಿಕೆಯಾಗಲಿದೆ.