ET Money ಮೂಲಕ ಹೂಡಿಕೆ, 4.5 ವರ್ಷಗಳಲ್ಲಿ ₹183.1 ಕೋಟಿ ಹೆಚ್ಚುವರಿ ಸಂಪತ್ತು ಗಳಿಸಿದ ಹೂಡಿಕೆದಾರರು

ನವದೆಹಲಿ: ಜನವರಿ 1, 2023ಕ್ಕೆ ಭಾರತದಲ್ಲಿ ಡೈರೆಕ್ಟ್ ಮ್ಯೂಚುಯಲ್ ಫಂಡ್ ತನ್ನ ಅಸ್ತಿತ್ವದ ಒಂದು ದಶಕವನ್ನು ಅಧಿಕೃತವಾಗಿ ಪೂರೈಸಿದೆ. ಈ ಮೂಲಕ ಕಮಿಷನ್‌ಗಳ ಮೇಲೆ ಉಳಿತಾಯ ಮಾಡಿ ನಿಯತ ನಿಧಿಗಳಿಗಿಂತ ಶೇ. 1ರಷ್ಟು ಹೆಚ್ಚಿನ ಹಣ ಗಳಿಸಲು ಹೂಡಿಕೆದಾರರಿಗೆ ಅನುವು ಮಾಡಿಕೊಟ್ಟಿದೆ. ಈ ಸಂದರ್ಭವನ್ನು ಗುರುತಿಸಲು, ರೂ. 30,000 ಕೋಟಿಗೂ ಅಧಿಕ ಮ್ಯೂಚುಯಲ್ ಫಂಡ್ ಹೂಡಿಕೆಗಳನ್ನು ನಿರ್ವಹಿಸಲು ಭಾರತೀಯರಿಗೆ ಸಹಾಯ ಮಾಡುತ್ತಿರುವ, ದೇಶದಲ್ಲಿ ಅತ್ಯಂತ ವೇಗವಾಗಿ ಬೆಳೆಯುತ್ತಿರುವ ಸಂಪತ್ತಿನ ತಂತ್ರಜ್ಞಾನ ವೇದಿಕೆಯಾದ ET Money, ಹೂಡಿಕೆದಾರರ ಸಂಪತ್ತಿನ ಮೇಲೆ ಈ ಮಹತ್ವದ ಸುಧಾರಣೆಯ ಪ್ರಭಾವವನ್ನು ತೋರಿಸುವ ಅಧ್ಯಯನವನ್ನು ಬಿಡುಗಡೆ ಮಾಡಿದೆ.

ಕಳೆದ 10 ವರ್ಷಗಳಲ್ಲಿ ಡೈರೆಕ್ಟ್ ಮ್ಯೂಚುವಲ್ ಫಂಡ್ಗಳನ್ನು ಆಯ್ಕೆ ಮಾಡಿದ ಭಾರತೀಯ ಹೂಡಿಕೆದಾರರು ಒಟ್ಟಾರೆಯಾಗಿ ಸಾವಿರಾರು ಕೋಟಿ ರೂ.ಗಳಷ್ಟು ಹೆಚ್ಚುವರಿ ಆದಾಯವನ್ನು ಗಳಿಸಿದ್ದಾರೆ ಎಂದು ಅಧ್ಯಯನವು ಹೇಳುತ್ತಿದೆ. ಫಲಿತಾಂಶಗಳು ಪ್ರಮುಖ ಇಕ್ವಿಟಿ, ಸಾಲ ಮತ್ತು ಹೈಬ್ರಿಡ್ ವರ್ಗಗಳಿಗೆ SIP ಮತ್ತು ಒಟ್ಟು ಮೊತ್ತದ ಹೂಡಿಕೆಗಳಿಗೆ ಡೈರೆಕ್ಟ್ ಮತ್ತು ರೆಗ್ಯುಲರ್ ಪ್ಲಾನ್‍ಗಳ ನಡುವಿನ ಲಾಭದ ವ್ಯತ್ಯಾಸಗಳ ವಿಶ್ಲೇಷಣೆಯನ್ನು ಆಧರಿಸಿವೆ.

ಸರಾಸರಿಯಾಗಿ, ಒಂದು ದಶಕದ ಹಿಂದೆ ಪ್ರಾರಂಭಿಸಿದ ಡೈರೆಕ್ಟ್ ಇಕ್ವಿಟಿ ಫಂಡ್‌ಗಳಲ್ಲಿ ರೂ. 10,000 SIP ನಿಯಮಿತ ರೆಗ್ಯುಲರ್ ಪ್ಲಾನ್‍ಗಳಲ್ಲಿನ 26.6 ಲಕ್ಷ ರೂ.ಗಳಿಗೆ ಹೋಲಿಸಿದರೆ 28.1 ಲಕ್ಷ ರೂ.ಗಳ ಸಂಗ್ರಹಕ್ಕೆ ಕಾರಣವಾಗಿದೆ ಎಂದು ಅಧ್ಯಯನವು ಪತ್ತೆ ಹಚ್ಚಿದೆ. ಒಂದೇ ಸಮಯದಲ್ಲಿ ಮಾಡಿದ 1 ಲಕ್ಷ ರೂಪಾಯಿಗಳ ಒಟ್ಟು ಹೂಡಿಕೆಯು ರೆಗ್ಯುಲರ್ ಪ್ಲಾನ್‍ಗಳಲ್ಲಿ ಸರಾಸರಿ ರೂ. 21 ಲಕ್ಷಗಳನ್ನು ನೀಡಿದರೆ, ಡೈರೆಕ್ಟ್ ಪ್ಲಾನ್‍ಗಳಲ್ಲಿ 23.09 ಲಕ್ಷ ರೂ.ಗಳನ್ನುಅಥವಾ 10% ಹೆಚ್ಚುವರಿ ಗಳಿಕೆಯ ಪ್ರತಿಫಲ ನೀಡಿವೆ.

ಹೂಡಿಕೆ ಬ್ಯಾಲೆನ್ಸ್‌ಗೆ ಮ್ಯೂಚುವಲ್‌ ಫಂಡ್‌ ಬೆಸ್ಟ್‌ : ನಿಮ್ಮ ಹೂಡಿಕೆ ಹೇಗಿರಬೇಕು? ಇಲ್ಲಿದೆ ವಿವರ
ಹೈಬ್ರಿಡ್ ಮತ್ತು ಸಾಲದ ವರ್ಗಗಳಲ್ಲಿನ ನಿಧಿಗಳು ಸಹ SIPಗಳಿಗೆ ಶೇ. 6 ಮತ್ತು ಶೇ. 3 ಹಾಗೂ ಒಟ್ಟು ಮೊತ್ತದ ಹೂಡಿಕೆಗಳಿಗೆ ಶೇ. 11 ಮತ್ತು ಶೇ. 6ರಷ್ಟು ಹೆಚ್ಚುವರಿ ಸಂಪತ್ತನ್ನು ಸೃಷ್ಟಿಸಿವೆ.

ಈ ಹೆಚ್ಚುವರಿ ಆದಾಯಗಳ ಪರಿಣಾಮ, ತನ್ನ ಪ್ಲಾಟ್ಫಾರ್ಮ್ನಲ್ಲಿ ಡೈರೆಕ್ಟ್ ಮ್ಯೂಚುಯಲ್ ಫಂಡ್ಗಳನ್ನು ನೀಡಲು ಪ್ರಾರಂಭಿಸಿದ ಕೇವಲ 4.5 ವರ್ಷಗಳಲ್ಲಿಯೇ ET Money ಒಂದರಲ್ಲೇ ಹೂಡಿಕೆದಾರರಿಗೆ 183 ಕೋಟಿ ರೂ.ಗಳಷ್ಟು ಹೆಚ್ಚುವರಿ ಸಂಪತ್ತನ್ನು ನೀಡಿದೆ. ಮತ್ತು ಡೈರೆಕ್ಟ್ ಪ್ಲಾನ್‍ಗಳಲ್ಲಿ ಸುಮಾರು 18,16,920 ಕೋಟಿ ರೂ.ಗಳೊಂದಿಗೆ (ಭಾರತೀಯ ಮ್ಯೂಚುವಲ್ ಫಂಡ್ ಉದ್ಯಮದ AUMನ ಶೇ. 45) ಕಮಿಷನ್‌ಗಳಲ್ಲಿ ಉಳಿಸಿದ ಒಟ್ಟು ಹಣವನ್ನು ಈ ರೀತಿ ಭಾರತೀಯ ಹೂಡಿಕೆದಾರರ ಆದಾಯಕ್ಕೆ ಸೇರಿಸಿದಲ್ಲಿ ಹೂಡಿಕೆದಾರರ ಆದಾಯವು 1000 ಕೋಟಿ ರೂ. ಗಳಷ್ಟಿರುತ್ತಿತ್ತು.

ಗೋಲ್ಡ್‌ ಮೇಲೆ ಮ್ಯೂಚುವಲ್‌ ಫಂಡ್‌, ಇಟಿಎಫ್‌ಗಳಲ್ಲಿ ಹೂಡಿಕೆ ಮಾಡಲು ಇಚ್ಛಿಸುತ್ತೀರಾ?
ET Moneyಯ ಅನುಸಾರ ಅದರ ಪ್ಲಾಟ್ಫಾರ್ಮ್ನಲ್ಲಿ ರಚಿಸಲಾದ ಹೆಚ್ಚುವರಿ ಸಂಪತ್ತಿನ ವಿಷಯದಲ್ಲಿ ಅಗ್ರ 5 AMC ಗಳೆಂದರೆ - ಆಕ್ಸಿಸ್ ಮ್ಯೂಚುಯಲ್ ಫಂಡ್, ಮಿರೇ ಅಸೆಟ್ ಮ್ಯೂಚುಯಲ್ ಫಂಡ್, ಕ್ವಾಂಟ್ ಮ್ಯೂಚುಯಲ್ ಫಂಡ್, ಕೋಟಕ್ ಮ್ಯೂಚುಯಲ್ ಫಂಡ್ ಮತ್ತು ಐಸಿಐಸಿಐ ಪ್ರುಡೆನ್ಶಿಯಲ್ ಮ್ಯೂಚುಯಲ್ ಫಂಡ್.


ಉದ್ಯಮದ ಈ ಮೈಲಿಗಲ್ಲನ್ನು ಪೂರ್ಣಗೊಳಿಸಿದ ಸಂದರ್ಭದಲ್ಲಿ, ET Money ಸಂಸ್ಥಾಪಕ ಮತ್ತು CEO ಮುಖೇಶ್ ಕಲ್ರಾ ಪ್ರತಿಕ್ರಿಯೆ ನೀಡಿದ್ದು, "ಮ್ಯೂಚುವಲ್ ಫಂಡ್ ಉದ್ದಿಮೆಯಲ್ಲಿ ತಪ್ಪು ಮಾರಾಟ ಆಗುವುದನ್ನು ತಪ್ಪಿಸಲು ಕಮಿಷನ್ ಮೇಲಿನ ಪೂರ್ವಾಗ್ರಹ ಹೋಗಲಾಡಿಸಲು ನೇರ ಯೋಜನೆಗಳು ಮತ್ತು ಅದನ್ನು ಪರಿಚಯಿಸಿರುವುದು ಒಂದು ಪರಿಣಾಮಕಾರಿ ಕ್ರಮವಾಗಿದೆ. ನೇರ ಹೂಡಿಕೆ ಯೋಜನೆಗಳು ಭಾರತೀಯರಿಗೆ ಲಭ್ಯವಾಗುವಂತೆ ನೆರವಾಗುವಲ್ಲಿ ನಾವು ಮೊಟ್ಟ ಮೊದಲ ವೇದಿಕೆಯಾಗಿರುವುದು ನಮಗೆ ಗೌರವದ ಸಂಗತಿ. ಜೀನಿಯಸ್ ಮೂಲಕ ಶಕ್ತಿಯುತವಾದ ನಿರ್ಧಾರ ಕೈಗೊಳ್ಳುವ ಸಾಧನಗಳು ಮತ್ತು ವೈಯಕ್ತಿಕ ಹೂಡಿಕೆಗಳ ಬಳಕೆಯ ಮೂಲಕ ಮುಂದಿನ 5 ವರ್ಷಗಳಲ್ಲಿ 183 ಕೋಟಿ ರೂ.ನಿಂದ ಕನಿಷ್ಟ 1000 ಕೋಟಿ ರೂ.ಗೆ ಹೆಚ್ಚುವರಿ ಗಳಿಕೆಯನ್ನು ಹೆಚ್ಚಿಸಿ ಗಳಿಕೆಯನ್ನು ಕ್ರೋಢೀಕರಿಸುವ ಮೂಲಕ ಬಳಕೆದಾರರ ಸಂಪತ್ತು ಸೃಷ್ಟಿಸುವ ಪಯಣದಲ್ಲಿ ಗಮನಾರ್ಹ ಪಾತ್ರ ವಹಿಸುವುದು ನಮ್ಮ ಗುರಿಯಾಗಿದೆ," ಎಂದಿದ್ದಾರೆ.