ಹೊಸದಿಲ್ಲಿ: ಭಾರತದ ನೇರ ತೆರಿಗೆ ಸಂಗ್ರಹವು ಕಳೆದ ವರ್ಷಕ್ಕೆ ಹೋಲಿಸಿದರೆ ಈ ವರ್ಷದ ಏಪ್ರಿಲ್‌-ಸೆಪ್ಟೆಂಬರ್‌ ಅವಧಿಯಲ್ಲಿ ಶೇ.15.8ರಷ್ಟು ಏರಿಕೆಯಾಗಿದ್ದು, 3.86 ಲಕ್ಷ ಕೋಟಿ ರೂ. ತಲುಪಿದೆ. ತೆರಿಗೆ ಸಂಗ್ರಹದ ಪ್ರಗತಿ ಉತ್ತಮವಾಗಿದೆ ಎಂದು ಹಣಕಾಸು ಸಚಿವಾಲಯ ಹೇಳಿದೆ.
ಪ್ರಸಕ್ತ ಹಣಕಾಸು ವರ್ಷದಲ್ಲಿ 9.8 ಲಕ್ಷ ಕೋಟಿ ರೂ. ನೇರ ತೆರಿಗೆ ಸಂಗ್ರಹಿಸುವ ಅಂದಾಜನ್ನು ಬಜೆಟ್‌ನಲ್ಲಿ ತೋರಿಸಲಾಗಿದೆ. ತೆರಿಗೆ ಸಂಗ್ರಹವು ಸೆಪ್ಟೆಂಬರ್‌ನಲ್ಲಿ ಉತ್ತಮವಾಗಿದೆ. ಮುಂಗಡ ತೆರಿಗೆ ಸಂಗ್ರಹವು ಸೆಪ್ಟೆಂಬರ್‌ ತನಕ 1.77 ಲಕ್ಷ ಕೋಟಿ ರೂ. ಇದ್ದು, ಕಳೆದ ವರ್ಷದ ಇದೇ ಅವಧಿಗೆ ಹೋಲಿಸಿದರೆ ಶೇ.11.5 ಹೆಚ್ಚಳವಿದೆ.
ಕಾರ್ಪೊರೇಟ್‌ ಆದಾಯ ತೆರಿಗೆ(ಸಿಐಟಿ), ಪರ್ಸನಲ್‌ ಟ್ಯಾಕ್ಸ್‌ ಅಡ್ವಾನ್ಸ್‌ ತೆರಿಗೆ ಸಂಗ್ರಹದ ಬೆಳವಣಿಗೆ ಕ್ರಮವಾಗಿ ಶೇ.8.1 ಮತ್ತು 30.1ರಷ್ಟಿದೆ. ಏಪ್ರಿಲ್‌-ಸೆಪ್ಟೆಂಬರ್‌ ಅವಧಿಯಲ್ಲಿ 79,660 ಕೋಟಿ ರೂ. ಹಣವನ್ನು ರೀಫಂಡ್‌ ಮಾಡಲಾಗಿದೆ.