ಹೊಸದಿಲ್ಲಿ: ಜಿಎಸ್‌ಟಿಯ ಪರಿಣಾಮ ದೇಶೀಯ ವಿಮಾನಯಾನ ಉದ್ದಿಮೆ ವಲಯದಲ್ಲಿ ನಿರ್ವಹಣೆಯ ವೆಚ್ಚಗಳು ಏರಿದ್ದು, ಏರ್‌ ಟೆಕೆಟ್‌ ದರಗಳನ್ನು ಏರಿಸುವ ಬಗ್ಗೆ ಏರ್‌ಲೈನ್‌ಗಳು ಒಲವು ವ್ಯಕ್ತಪಡಿಸಿವೆ.
ನೂತನ ಜಿಎಸ್‌ಟಿ ಪದ್ಧತಿಯ ಅಡಿಯಲ್ಲಿ ಹೊಸ ಲೆವಿಗಳ ಪರಿಣಾಮ (ಮೇಲ್ತೆರಿಗೆ) ಏರ್‌ಲೈನ್ಸ್‌ ವಲಯಕ್ಕೆ 4,750 ಕೋಟಿ ರೂ.ನಷ್ಟು ಹೊರೆಯಾಗಿದೆ. ಇದರಿಂದ ಉದ್ದಿಮೆಯ ಮೇಲೆ ವ್ಯತಿರಿಕ್ತ ಪ್ರಭಾವ ಬೀರಬಹುದು. ಹೊಸ ಲೆವಿಗಳಿಂದ ಏರ್‌ಲೈನ್ಸ್‌ಗಳ ಲಾಭಾಂಶ ಕರಗುವ ಸಾಧ್ಯತೆ ಇದೆ ಎನ್ನುತ್ತಾರೆ ಏರ್‌ಲೈನ್ಸ್‌ ಒಂದರ ಹಿರಿಯ ಉದ್ಯೋಗಿ.
ಇಂಡಿಗೊ, ಜೆಟ್‌ ಏರ್‌ವೇಸ್‌ ಮತ್ತು ಸ್ಪೈಸ್‌ಜೆಟ್‌ ಮಾರ್ಚ್‌ ತ್ರೈಮಾಸಿಕದಲ್ಲಿ ಒಟ್ಟಾಗಿ 2,479 ಕೋಟಿ ರೂ. ನಿವ್ವಳ ಲಾಭ ಗಳಿಸಿವೆ.