ಪೇಟಿಎಂ ಚಿಲ್ಲರೆ ಮಾರಾಟಗಾರರಿಗೆ ಕಮಿಷನ್ ವಿನಾಯಿತಿ

ಬೆಂಗಳೂರು: ಚಿಲ್ಲರೆ ಮಾರಾಟಗಾರರೊಂದಿಗೆ ಬಾಂಧವ್ಯವನ್ನು ಮತ್ತಷ್ಟು ಬಲಪಡಿಸಿಕೊಳ್ಳಲು ಉದ್ದೇಶಿಸಿರುವ ಪೇಟಿಎಂ ಮಾಲ್, ಹಬ್ಬದ ಋತುವಿಗೆ ಅನ್ವಯವಾಗುವಂತೆ ಮೊಬೈಲ್, ಬೃಹತ್ ಗೃಹೋಪಯೋಗಿ ವಸ್ತುಗಳು ಮತ್ತು ಲ್ಯಾಪ್ ಟಾಪ್‌ಗಳನ್ನು ಸಾಂಪ್ರದಾಯಿಕ ಕ್ರಮದಲ್ಲಿ ಮಾರಾಟ ಮಾಡುವ ವ್ಯಾಪಾರಿಗಳಿಗೆ ಕಮಿಷನ್ ಪಾವತಿಯಿಂದ ವಿನಾಯಿತಿ ನೀಡಿದೆ.

ತನ್ನೊಂದಿಗೆ ಸಹಭಾಗಿತ್ವ ಹೊಂದಿರುವ ಚಿಲ್ಲರೆ ಮಾರಾಟ ಮಳಿಗೆಗಳಿಗೆ ವ್ಯಾಪಾರದ ಹೆಚ್ಚಿನಂಶ ಲಾಭ ಸಿಗುವಂತೆ ಮಾಡುವುದು ಇದರ ಉದ್ದೇಶವಾಗಿದೆ. ಓ2ಓ ಮಾದರಿಯ ಈ ವ್ಯಾಪಾರ ಮಾದರಿಯಿಂದಾಗಿ ಆನ್-ಲೈನ್ ಮತ್ತು ಆಫ್-ಲೈನ್ ಎರಡು ಮಾದರಿಯಲ್ಲೂ ಗ್ರಾಹಕರಿಗೆ ಆಕರ್ಷಕ ರಿಯಾಯಿತಿ/ಸೌಲಭ್ಯಗಳು ಸಿಗಲಿದೆ ಎಂದು ಪೇಟಿಎಂ ಮಾಲ್ ಹೇಳಿದೆ.

ಭಾರತದಾದ್ಯಂತ ಯಾವುದೇ ವಸ್ತುವನ್ನು ಖರೀದಿ ಮಾಡುವ ಮುನ್ನ ಗ್ರಾಹಕರು ಆ ವಸ್ತು/ಉತ್ಪನ್ನವನ್ನು ಕೈಯಾರೆ ಸ್ಪರ್ಶಿಸಿ, ಅನುಭವ ಪಡೆದುಕೊಳ್ಳಲು ಬಯಸುವ ಪ್ರವೃತ್ತಿಯುನ್ನು ಕಂಡು, ಚಿಲ್ಲರೆ ಮಾರಾಟಗಾರರಿಗೆ ಕಮಿಷನ್‌ನಿಂದ ವಿನಾಯಿತಿ ನೀಡಲು ತೀರ್ಮಾನಿಸಲಾಗಿದೆ ಎಂದು ಪೇಟಿಎಂ ಮಾಲ್‌ನ ಮಾಲೀಕತ್ವವನ್ನು ಹೊಂದಿರುವ ಪೇಟಿಎಂ ಇ-ಕಾಮರ್ಸ್ ಪ್ರೈವೇಟ್ ಲಿಮಿಟೆಡ್ ಹೇಳಿದೆ.

ಈ ರೀತಿಯ ಸಾಂಪ್ರದಾಯಿಕ ಚಿಲ್ಲರೆ ವಹಿವಾಟು ಕೂಡ ಸುಗಮವಾಗಿ ನಡೆಯಬೇಕೆಂಬ ಗುರಿಯೊಂದಿಗೆ ಕ್ರೋಮಾ, ರಿಲಯನ್ಸ್ ಡಿಜಿಟಲ್, ಬಿಗ್ ಬಜಾರ್, ಬಜಾಜ್ ಎಲೆಕ್ಟ್ರಾನಿಕ್ಸ್ ಮತ್ತು ಬ್ರ್ಯಾಂಡ್ ಮಳಿಗೆಗಳಾದ ಸ್ಯಾಮ್ಸಂಗ್, ಆ್ಯಸಸ್, ಡೆಲ್, ಲೆನೋವೋ, ಒಪೋ, ವಿವೋ, ಎಲ್‌ಜಿಯಂತಹ ಮಲ್ಟಿಬ್ರ್ಯಾಂಡ್ ಮಳಿಗೆಗಳಿಗೂ ಲಾಭವಾಗಲಿದೆ.