ನರೇಶ್‌ ಗೋಯಲ್‌ಗೆ ಇ.ಡಿ ಸಮನ್ಸ್‌ ಸಂಭವ

ಮುಂಬಯಿ: ಜೆಟ್‌ ಏರ್‌ವೇಸ್‌ ಸಂಸ್ಥಾಪಕ ನರೇಶ್‌ ಗೋಯಲ್‌ ಅವರಿಗೆ ಜಾರಿ ನಿರ್ದೇಶನಾಲಯ(ಇ.ಡಿ) ಸಮನ್ಸ್‌ ನೀಡುವ ಸಾಧ್ಯತೆ ಇದೆ.

ಜೆಟ್‌ ಏರ್‌ವೇಸ್‌ ಮತ್ತು ಅದರ ಘಟಕಗಳಿಗೆ ಸಂಬಂಧಿಸಿದಂತೆ ವಿದೇಶಿ ವಿನಿಮಯದ ನಿಯಮಗಳನ್ನು ಉಲ್ಲಂಘಿಸಿರುವ ಆರೋಪಗಳಿವೆ. ಜೆಪಿಪಿಎಲ್‌ ಒಪ್ಪಂದ, ಎದಿಹಾದ್‌ ಜೊತೆಗಿನ ವ್ಯವಹಾರಗಳ ಬಗ್ಗೆ ಆರೋಪಗಳು ಕೇಳಿ ಬಂದಿವೆ. ಜೆಟ್‌ ಏರ್‌ವೇಸ್‌ ವಿರುದ್ಧ ಸುಮಾರು 650 ಕೋಟಿ ರೂ. ತೆರಿಗೆ ವಂಚನೆಯ ಆರೋಪಗಳನ್ನು ಆದಾಯ ತೆರಿಗೆ ಇಲಾಖೆ ಮಾಡಿದ್ದು, ಈ ಬಗ್ಗೆ ಜಾರಿ ನಿರ್ದೇಶನಾಲಯ ಪರಾಮರ್ಶೆ ನಡೆಸುತ್ತಿದೆ. ಗೋಯಲ್‌ ಅವರನ್ನು ವಿಚಾರಣೆಗೆ ಒಳಪಡಿಸುವ ಸಾಧ್ಯತೆಯೂ ಇದೆ ಎಂದು ಮೂಲಗಳು ತಿಳಿಸಿವೆ.