ಇಪಿಎಫ್‌ v/s ಎನ್‌ಪಿಎಫ್‌: ಜನತೆ ಮೆಚ್ಚಿದ ಯೋಜನೆ ಯಾವುದು? ಏಕೆ?

ಹೊಸದಿಲ್ಲಿ: ರಾಷ್ಟ್ರೀಯ ಪಿಂಚಣಿ ಯೋಜನೆಗೆ ಹೋಲಿಸಿದರೆ, ನೌಕರರ ಭವಿಷ್ಯ ನಿಧಿ (ಇಪಿಎಫ್‌) ನಲ್ಲಿ ಹಲವಾರು ಕೊರತೆಗಳಿವೆ. ಆದರೂ ಕೂಡ ಹೆಚ್ಚಿನ ಸಂಖ್ಯೆಯ ಚಂದಾದಾರರು ನೌಕರರ ಭವಿಷ್ಯ ನಿಧಿ ಮೇಲೆಯೇ ವಿಶ್ವಾಸ ಹೊಂದಿದ್ದಾರೆ.

ಇತ್ತೀಚೆಗೆ ನಡೆಸಲಾದ ಸಮೀಕ್ಷೆಯಲ್ಲಿ ಈ ವಿಚಾರ ಕಂಡುಬಂದಿದೆ. ಈಗಾಗಲೇ ಇಪಿಎಫ್‌ ಖಾತೆ ಹೊಂದಿರುವವರು ತಮ್ಮ ಖಾತೆಯನ್ನು ರಾಷ್ಟ್ರೀಯ ಪಿಂಚಣಿ ಯೋಜನೆ (ಎನ್‌ಪಿಎಸ್‌) ಖಾತೆಗೆ ವರ್ಗಾಹಿಸಿಕೊಳ್ಳವಿರೇ ಎಂಬ ಪ್ರಶ್ನೆಗೆ ಬಹುತೇಕ ಮಂದಿ ಇಲ್ಲ ಎಂದು ಪ್ರತಿಕ್ರಿಯಿಸಿದ್ದಾರೆ.

ಎನ್‌ಪಿಎಸ್ ಹೆಚ್ಚು ಪಾರದರ್ಶಕವಾಗಿದ್ದು, ಇಪಿಎಫ್‌ಗೆ ಹೋಲಿಸಿದರೆ, ಹೆಚ್ಚು ನಮ್ಯತೆಯನ್ನು ಹೊಂದಿದೆ. ಆದರೂ ಸಹ ಶೇ. 14ರಷ್ಟು ಜನ ಮಾತ್ರವೇ ರಾಷ್ಟ್ರೀಯ ಪಿಂಚಣಿ ಯೋಜನೆ ಬದಲಾಗಲು ಒಪ್ಪಿದ್ದಾರೆ.

ಪಿಎಫ್‌ ಬಡ್ಡಿದರಕ್ಕೆ ಕತ್ತರಿ ಇಲ್ಲ! ಎರಡು ಕಂತಿನಲ್ಲಿ ಶೇ.8.5 ಬಡ್ಡಿ ಜಮೆ

ಇಪಿಎಫ್‌ನಲ್ಲಿ ಹೆಚ್ಚು ತೆರಿಗೆ ಪ್ರಯೋಜನಗಳು ಇರುವ ಕಾರಣದಿಂದ ಜನರು ಇಪಿಎಫ್‌ ಬಿಟ್ಟುಕೊಡಲು ಮನಸು ಮಾಡುತ್ತಿಲ್ಲ. ಇಪಿಎಫ್‌ನಲ್ಲಿ ಹೂಡಿಕೆ ಮಾಡಿದವರು, ಮುಕ್ತಾಯದ ನಂತರ ಶೇ.60ರಷ್ಟು ಕಾರ್ಪಸ್‌ ತೆರಿಗೆಯನ್ನು ಹಿಂಪಡೆಯುವ ಅವಕಾಶವಿದೆ. ಉಳಿದ ಶೇ.40ರಷ್ಟು ಹಣಕ್ಕೆ ಮಾತ್ರವೇ ತೆರಿಗೆ ಅನ್ವಯವಾಗುತ್ತದೆ. ಹೀಗಾಗಿ ಹೆಚ್ಚು ಮಂದಿ ಇಪಿಎಫ್‌ ಕಡೆಗೆ ಒಲವು ತೋರಿದ್ದಾರೆ.

ಇಪಿಎಫ್‌ನಿಂದ ಎನ್‌ಪಿಎಫ್‌ಗೆ ವರ್ಗಾವಣೆಯಾಗುತ್ತೀರೇ ಎಂಬ ಪ್ರಶ್ನೆಗೆ ಸಮೀಕ್ಷೆಯಲ್ಲಿ ಪಾಲ್ಗೊಂಡ ಶೇ.67.7ರಷ್ಟು ಮಂದಿ ಎಲ್ಲ ಎಂದೇ ಪ್ರತಿಕ್ರಿಯಿಸಿದ್ದಾರೆ. ಶೇ.13.5ರಷ್ಟು ಮಂದಿ ಧನಾತ್ಮಕ ಪ್ರತಿಕ್ರಿಯೆ ನೀಡಿದ್ದು, ಹೌದು ಎಂದಿದ್ದಾರೆ. ಉಳಿದ ಶೇ. 18.8 ಮಂದಿ ಅತ್ತಲೂ ಇಲ್ಲ, ಇತ್ತಲೂ ಎಂಬಂತೆ ಯೋಚಿಸಿ ನೋಡುತ್ತೇವೆ ಎಂಬ ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ.

ಲಾಕ್‌ಡೌನ್‌ ಆರ್ಥಿಕ ಸಂಕಷ್ಟಕ್ಕೆ ಪಿಎಫ್‌ ಆಸರೆ.. ಹಣ ಹಿಂಪಡೆಯಲು ಸಾಲುಗಟ್ಟಿ ನಿಂತ ನೌಕರರು..

ಇಪಿಎಫ್ ಮೇಲಿನ ಪ್ರೀತಿ ಸಾರ್ವತ್ರಿಕವಾಗಿದ್ದರೂ, ಎನ್‌ಪಿಎಸ್‌ನಲ್ಲಿ ಹೆಚ್ಚು ಪ್ರಯೋಜನಗಳಿವೆ. ಹೀಗಾಗಿ ನಿವೃತ್ತಿಗೆ ಹೊಂದಲು 20 ವರ್ಷಗಳಿಗಿಂತ ಹೆಚ್ಚಿನ ಸಮಯ ಇರುವವರು ಎನ್‌ಪಿಎಸ್‌ಗೆ ಸೇರಲು ಒಲವು ತೋರಿದ್ದಾರೆ.