ಹೊಸದಿಲ್ಲಿ: ಉದ್ಯೋಗಿಗಳ ನಿವೃತ್ತಿ ನಿಧಿ ಮಂಡಳಿ ಇಪಿಎಫ್‌ಒ ಉದ್ಯೋಗಿಗಳ ವೇತನಕ್ಕೆ ಸಂಬಂಧಿಸಿದ ಆಡಳಿತಾತ್ಮಕ ಶುಲ್ಕವನ್ನು ಏಪ್ರಿಲ್‌ 1ರಿಂದ ಶೇ.0.65ಕ್ಕೆ ಕಡಿತಗೊಳಿಸಲು ನಿರ್ಧರಿಸಿದೆ.
ಈ ನಡೆಯಿಂದ ಸುಮಾರು 6 ಲಕ್ಷ ಮಂದಿ ಉದ್ಯೋಗದಾತರಿಗೆ ಒಟ್ಟಾಗಿ ವಾರ್ಷಿಕ 1,000 ಕೋಟಿ ರೂ. ಉಳಿತಾಯವಾಗಲಿದೆ.
ಇಪಿಎಫ್‌ಒದ ಟ್ರಸ್ಟಿಗಳ ಮಂಡಳಿಯು ಆಡಳಿತಾತ್ಮಕ ಶುಲ್ಕವನ್ನು ಈಗಿನ ಶೇ.0.85ರಿಂದ ಶೇ.0.65ಕ್ಕೆ ತಗ್ಗಿಸಲು ನಿರ್ಧರಿಸಿದೆ. ಇಪಿಎಫ್‌ಒ ತೆಗೆದುಕೊಂಡಿದ್ದ ನಿರ್ಧಾರಕ್ಕೆ ಸಂಬಂಧಿಸಿದಂತೆ ಕಾರ್ಮಿಕ ಸಚಿವಾಲಯವು ಅಧಿಸೂಚನೆ ಹೊರಡಿಸಿತ್ತು. 2017ರ ಏಪ್ರಿಲ್‌ 1ರಿಂದ ಹೊಸ ಆಡಳಿತಾತ್ಮಕ ಶುಲ್ಕ ಅನ್ವಯವಾಗಲಿದೆ.