ಆ್ಯಪ್ನಗರ

ಇಪಿಎಫ್‌ಒ ಸ್ವಯಂ ಪ್ರೇರಿತ ಪಿಂಚಣಿ ಯೋಜನೆಗೆ ಜೀವ

ಉದ್ಯೋಗಿಗಳ ಭವಿಷ್ಯ ನಿಧಿ ಸಂಘಟನೆ(ಇಪಿಎಫ್‌ಒ) ಮುಂದಿಟ್ಟಿರುವ ಸ್ವಯಂ ಪ್ರೇರಿತ ಪಿಂಚಣಿ ಯೋಜನೆಯ ಪ್ರಸ್ತಾವನೆಯನ್ನು ಕಾರ್ಮಿಕ ಸಚಿವಾಲಯ ಪರಿಗಣಿಸಲು ಮುಂದಾಗಿದೆ ಎಂದು ಹಿರಿಯ ಸರಕಾರಿ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.

ಏಜೆನ್ಸೀಸ್ 3 Sep 2016, 4:09 am
ಕೋಲ್ಕೊತಾ : ಉದ್ಯೋಗಿಗಳ ಭವಿಷ್ಯ ನಿಧಿ ಸಂಘಟನೆ(ಇಪಿಎಫ್‌ಒ) ಮುಂದಿಟ್ಟಿರುವ ಸ್ವಯಂ ಪ್ರೇರಿತ ಪಿಂಚಣಿ ಯೋಜನೆಯ ಪ್ರಸ್ತಾವನೆಯನ್ನು ಕಾರ್ಮಿಕ ಸಚಿವಾಲಯ ಪರಿಗಣಿಸಲು ಮುಂದಾಗಿದೆ ಎಂದು ಹಿರಿಯ ಸರಕಾರಿ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.
Vijaya Karnataka Web epfo pension scheme
ಇಪಿಎಫ್‌ಒ ಸ್ವಯಂ ಪ್ರೇರಿತ ಪಿಂಚಣಿ ಯೋಜನೆಗೆ ಜೀವ


‘‘ಉದ್ಯೋಗಿಗಳಿಗೆ ಸ್ವಂತ ಇಚ್ಛೆಯ ಪಿಂಚಣಿ ಯೋಜನೆ ರೂಪಿಸಲು ಇಪಿಎಫ್‌ಒ ಮುಂದಾಗಿದೆ. ಪಿಎಫ್‌ ಸದಸ್ಯರಿಗೆ ಪಿಂಚಣಿ ಸೌಲಭ್ಯ ಇದೆಯಾದರೂ, ಹೆಚ್ಚಿನ ಪಿಂಚಣಿ ಬಯಸುವ ಸದಸ್ಯರು ಉದ್ದೇಶಿತ ಸ್ವಯಂ ಪ್ರೇರಣೆಯ ಯೋಜನೆಗೆ ತಮ್ಮ ಹೂಡಿಕೆಯ ಮೊತ್ತವನ್ನು ಹೆಚ್ಚಿಸಬಹುದಾಗಿದೆ,’’ ಎಂದು ಕೇಂದ್ರೀಯ ಭವಿಷ್ಯ ನಿಧಿ ಆಯುಕ್ತ(ಸಿಪಿಎಫ್‌ಸಿ) ವಿ.ಪಿ.ಜಾಯ್‌ ಹೇಳಿದ್ದಾರೆ.

ಹೊಸ ಯೋಜನೆಯ ಪ್ರಸ್ತಾವನೆಯನ್ನು ಕಾರ್ಮಿಕ ಸಚಿವಾಲಯಕ್ಕೆ ಈಗಾಗಲೇ ಇಪಿಎಫ್‌ಒ ರವಾನಿಸಿದೆ. ಇದನ್ನು ಜಾರಿಗೊಳಿಸುವ ಕುರಿತಾಗಿ ಕಾರ್ಮಿಕ ಸಚಿವಾಲಯವು ಒಲವು ಹೊಂದಿದೆ. ಯೋಜನೆಯನ್ನು ವ್ಯವಸ್ಥಿತವಾಗಿ ರೂಪುಗೊಳಿಸಲು ಸರಕಾರ ಆಸಕ್ತಿ ತೋರಿದೆ ಎಂದು ಜಾಯ್‌ ತಿಳಿಸಿದ್ದಾರೆ.

‘‘ಪ್ರಸ್ತಾವನೆಗೆ ಕಾರ್ಮಿಕ ಸಚಿವಾಲಯದ ಅನುಮೋದನೆ ಸಿಕ್ಕಿದ ನಂತರ, ತೆರಿಗೆ ವಿನಾಯಿತಿ ಸಲುವಾಗಿ ಪ್ರಸ್ತಾವನೆಯು ಹಣಕಾಸು ಸಚಿವಾಲಯಕ್ಕೆ ಬರಲಿದೆ,’’ ಎಂದು ಸುದ್ದಿಗಾರರಿಗೆ ತಿಳಿಸಿದ್ದಾರೆ.

ಎಲ್‌ಐಸಿ ಈಗಾಗಲೇ ಇಂಥದ್ದೇ ಯೋಜನೆಯನ್ನು ಹೊಂದಿದೆ. ಇಪಿಎಫ್‌ಒದಲ್ಲಿ ಈಗಾಗಲೇ ಇರುವ ಕಡ್ಡಾಯ ಪಿಂಚಣಿ ಯೋಜನೆಯ ಹೊರತಾಗಿ, ಸ್ವಯಂ ಪ್ರೇರಿತ ಪಿಂಚಣಿ ಯೋಜನೆಯನ್ನು ಆರಂಭಿಸುವ ಬಗ್ಗೆ ಇಪಿಎಫ್‌ಒ ಪ್ರಸ್ತಾಪಿಸಿದೆ. ಸದ್ಯಕ್ಕಿರುವ ಪಿಂಚಣಿ ಯೋಜನೆಯಲ್ಲಿ 15,000 ರೂ. ಮಾಸಿಕ ವೇತನದ ಮಿತಿಯಲ್ಲಿ ಪಿಂಚಣಿ ಯೋಜನೆಗೆ ಹಣ ಕೊಡಬೇಕಾಗುತ್ತದೆ. ಇದರಿಂದ ಮಾಸಿಕ ಗರಿಷ್ಠ 7,500 ರೂ. ಪಿಂಚಣಿ ಸಿಗಬಹುದು. ಆಧರೆ ಉದ್ದೇಶಿಯ ಪಿಂಚಣಿ ಯೋಜನೆಯಲ್ಲಿ ಉದ್ಯೋಗಿಗಳು ಕೂಡ ತಾವು ಬಯಸಿದರೆ ಸ್ವಯಂ ಪ್ರೇರಿತವಾಗಿ ಪಿಂಚಣಿ ಯೋಜನೆಯಲ್ಲಿ ಹೂಡಿಕೆಯನ್ನು ಹೆಚ್ಚಿಸಬಹುದು. ಇದರಿಂದ ಅವರಿಗೆ ಪಿಂಚಣಿಯೂ ಏರಿಕೆಯಾಗಲಿದೆ ಎಂದು ವಿವರಿಸಿದ್ದಾರೆ.

ಉದ್ದೇಶಿತ ಪಿಎಫ್‌ ಪಿಂಚಣಿ ಯೋಜನೆಯಲ್ಲಿ 60 ವರ್ಷದ ತನಕ ಹೂಡಿಕೆ ಮಾಡಲು ಅವಕಾಶ ಸಿಗಲಿದೆ. ಇಪಿಎಫ್‌ಒ 24 ಸಾರ್ವಜನಿಕ ಬ್ಯಾಂಕ್‌ಗಳ ಜತೆಗೆ ಪಿಂಚಣಿ ಹಣ ವಿತರಣೆ ಸಂಬಂಧ ಮಾತುಕತೆ ನಡೆಸುತ್ತಿದೆ ಎಂದರು.

ಮುಂದಿನ ಲೇಖನ

Vijay Karnataka News App: ನಿಮ್ಮ ಸುತ್ತಮುತ್ತಲು ನಡೆಯುವ ವಿದ್ಯಮಾನಗಳನ್ನುಹಂಚಿಕೊಳ್ಳಲು ಬಯಸುತ್ತೀರಾ? ಹಾಗಿದ್ದಲ್ಲಿ ವಿಜಯ ಕರ್ನಾಟಕ ಆ್ಯಪ್‌ಡೌನ್‌ಲೋಡ್‌ ಮಾಡಿಕೊಳ್ಳಿ ಹಾಗೂ ರಿಪೋರ್ಟ್‌ ಕಳಿಸಿ
ಲೇಟೆಸ್ಟ್‌ ನ್ಯೂಸ್‌ ಅಪ್‌ಡೇಟ್‌ಗಳನ್ನು ಪಡೆಯಿರಿ, Vijay Karnataka ಫೇಸ್‌ಬುಕ್‌ಪೇಜ್‌ ಲೈಕ್‌ ಮಾಡಿರಿ