ಮ್ಯೂಚುವಲ್ ಫಂಡ್ ಹೂಡಿಕೆಯಲ್ಲಿ ETMONEY 2000 ಕೋಟಿ ರೂ. ವಹಿವಾಟು

ಹೊಸದಿಲ್ಲಿ: ದೇಶದ ಅತಿ ದೊಡ್ಡ ಹಣಕಾಸು ಸೇವೆ ಆ್ಯಪ್ ಆಗಿರುವ ಇಟಿಮನಿ (ETMONEY), ಮ್ಯೂಚುವಲ್ ಫಂಡ್ ಹೂಡಿಕೆಯಲ್ಲಿ ದಾಖಲೆಯ 2000 ಕೋಟಿ ರೂ.ಗಳ ಹೂಡಿಕೆ ವಹಿವಾಟು ಮೈಲುಗಲ್ಲನ್ನು ದಾಟಿದೆ. ದೇಶದ 1200ಕ್ಕಿಂತಲೂ ಹೆಚ್ಚು ನಗರಗಳಿಂದ ಹೂಡಿಕೆದಾರರಿಂದ ಪ್ರತಿ ತಿಂಗಳು 150 ಕೋಟಿ ರೂ.ಗಳ ಹೊಸ ಹೂಡಿಕೆಯ ವಹಿವಾಟು ಮೌಲ್ಯವನ್ನು ಇದು ಒಳಗೊಂಡಿರುತ್ತದೆ ಎಂಬುದು ಅಷ್ಟೇ ಗಮನಾರ್ಹವೆನಿಸುತ್ತದೆ.

ಇಟಿಮನಿ ವೇದಿಕೆಯ ಮೂಲಕ ಯಾವುದೇ ಕಮಿಷನ್ ಪಡೆಯದೆ, ಡೈರಕ್ಟ್ ಮ್ಯೂಚುವಲ್ ಫಂಡ್ಸ್ ಪ್ರಾರಂಭವಾದ ಐದು ತಿಂಗಳ ಅವಧಿಯಲ್ಲಿ ಒಟ್ಟಾರೆ ವಹಿವಾಟಿನಲ್ಲಿ ಭಾರಿ ಪ್ರಗತಿ ಉಂಟಾಗಿದೆ. ಒಂದೇ ವೇದಿಕೆಯಿಂದ ಕಡಿಮೆ ವೆಚ್ಚದ ಹಾಗೂ ಪಾರದರ್ಶಕ ಹೂಡಿಕೆ ಆಯ್ಕೆಗಳ ಪ್ರಯೋಜನಗಳನ್ನು ಗ್ರಾಹಕರಿಗೆ ಒದಗಿಸುತ್ತಿದೆ.

ಮುಂದಿನ 12ರಿಂದ 18 ತಿಂಗಳುಗಳ ಅವಧಿಯಲ್ಲಿ ಮ್ಯೂಚುವಲ್ ಫಂಡ್ ಹೂಡಿಕೆಯಲ್ಲಿ 5000 ಕೋಟಿ ರೂ.ಗಳ ವಹಿವಾಟು ನಿರೀಕ್ಷಿಸಲಾಗುತ್ತಿದೆ ಎಂದು ಇಟಿಮನಿ ಸ್ಥಾಪಕ ಹಾಗೂ ಸಿಇಒ ಆಗಿರುವ ಮುಖೇಶ್ ಪಿ ಕಾಲ್ರಾ ತಿಳಿಸಿದ್ದಾರೆ.

ಕಳೆದ 18 ತಿಂಗಳುಗಳಲ್ಲಿ ಸ್ಮಾರ್ಟ್ ಡಿಪೊಸಿಟ್ ಜತೆ ಇನ್‌ಸ್ಟಂಟ್ ವಿತ್‌ಡ್ರಾವಲ್, ಪೇಪರ್‌ಲೆಸ್ ಕೆವೈಸಿ, ಒನ್-ಟ್ಯಾಪ್ ಪೋರ್ಟ್‌ಫೋಲಿಯೊ ಬಯ್ಸ್, ಎಸ್‌ಐಪಿ ರೆಜಿಸ್ಟ್ರೇಶನ್ ಇತ್ಯಾದಿ ಸೌಲಭ್ಯಗಳನ್ನು ಒದಗಿಸಿದೆ. ಇವೆಲ್ಲವೂ ಆನ್ಲೈನ್ ಮ್ಯೂಚುವಲ್ ಫಂಡ್ ವೇದಿಕೆಯಲ್ಲಿ ಗರಿಷ್ಠ ಶೇರು ಪಡೆಯಲು ನೆರವಾಗಿದೆ.