ಎಸ್‌ಇಜೆಡ್‌ಗಳಿಂದ ರಫ್ತು ವಹಿವಾಟು 38% ಏರಿಕೆ

ಹೊಸದಿಲ್ಲಿ : ವಿಶೇಷ ಆರ್ಥಿಕ ವಲಯಗಳಿಂದ(ಎಸ್‌ಇಜೆಡ್ಸ್‌) ಆದ ರಪ್ತು ಪ್ರಮಾಣವು ಮೇ ತಿಂಗಳಲ್ಲಿ ಶೇ.38ರಷ್ಟು ಏರಿಕೆಯಾಗಿದ್ದು, 29,236 ಕೋಟಿ ರೂ. ಮುಟ್ಟಿದೆ.

ರಫ್ತು ಉತ್ತೇಜನ ಮಂಡಳಿ ಮತ್ತು ಇಪಿಸಿಇಎಸ್‌ನ ಮಾಹಿತಿ ಪ್ರಕಾರ, ಎಸ್‌ಇಜೆಡ್‌ಗಳಿಂದ ರಫ್ತು ಪ್ರಮಾಣ ಗಣನೀಯವಾಗಿ ವೃದ್ಧಿಯಾಗಿದೆ. ಈ ಬೆಳವಣಿಗೆಗೆ ಬಯೋಟೆಕ್‌, ಕೆಮಿಕಲ್ಸ್‌, ಔಷಧ, ಕಂಪ್ಯೂಟರ್‌, ಎಲೆಕ್ಟ್ರಾನಿಕ್ಸ್‌, ಪ್ಲಾಸ್ಟಿಕ್‌, ರಬ್ಬರ್‌ ಸೇರಿದಂತೆ ಪ್ರಮುಖ ವಲಯಗಳ ಕೊಡುಗೆ ಕಂಡು ಬಂದಿದೆ.

ಪ್ರಸಕ್ತ ಹಣಕಾಸು ವರ್ಷದ ಏಪ್ರಿಲ್‌-ಮೇನಲ್ಲಿ, ಈ ಎಸ್‌ಇಜೆಡ್‌ಗಳಿಂದ ರಫ್ತು ವಹಿವಾಟು ಶೇ.11ರಷ್ಟು ವೃದ್ಧಿಸಿದ್ದು, 1.01 ಲಕ್ಷ ಕೋಟಿ ರೂ. ತಲುಪಿದೆ. ದೇಶದ ರಫ್ತು ವಹಿವಾಟಿಗೆ ಎಸ್‌ಇಜೆಡ್‌ಗಳು ಉತ್ತಮ ಕೊಡುಗೆ ನೀಡುತ್ತಿವೆ ಎಂದು ಇಪಿಸಿಇಎಸ್‌ನ ಮುಖ್ಯಸ್ಥ ವಿನಯ್‌ ಶರ್ಮಾ ಹೇಳಿದ್ದಾರೆ.

ಯುಎಇ, ಅಮೆರಿಕ ಮತ್ತು ದಕ್ಷಿಣ ಅರೇಬಿಯಾಗೆ ಹೆಚ್ಚಿನ ರಫ್ತಾಗಿದ್ದು, ಹಾಂಕಾಂಗ್‌, ಆಫ್ರಿಕಾ, ಕೀನ್ಯಾ, ಓಮನ್‌ನಲ್ಲಿ ನಕಾರಾತ್ಮಕ ಟ್ರೆಂಡ್‌ ಕಂಡು ಬಂದಿದೆ.