ಬೋಯಿಂಗ್‌ ವಿಮಾನಗಳ ರೆಕ್ಕೆಗಳಲ್ಲಿ ದೋಷ

ವಾಷಿಂಗ್ಟನ್‌: '737 ಮ್ಯಾಕ್ಸ್‌ 8' ಸೇರಿದಂತೆ ತನ್ನ ಮಧ್ಯಮ ಪ್ರಮಾಣದ 737 ವಿಮಾನಗಳ ರೆಕ್ಕೆಗಳ ಭಾಗದಲ್ಲಿ ದೋಷ ಇರುವುದನ್ನು ಬೋಯಿಂಗ್‌ ಸಂಸ್ಥೆಯು ಒಪ್ಪಿಕೊಂಡಿದೆ. ಆದರೆ, ವಿಮಾನ ಪತನಕ್ಕೆ ಈ ಅಂಶ ಕಾರಣ ಎಂಬುದಕ್ಕೆ ಯಾವ ವರದಿಗಳೂ ಇಲ್ಲ ಎಂದಿದೆ.

ಅಮೆರಿಕದ ವಿಮಾನಯಾನ ವಲಯದ ದಿಗ್ಗಜ ಕಂಪನಿಯಾದ ಬೋಯಿಂಗ್‌, ಮಾರ್ಚ್‌ ಮಧ್ಯದಿಂದ 737 ಮ್ಯಾಕ್ಸ್‌ 8 ವಿಮಾನಗಳಿಗೆ ಸಂಬಂಧಿಸಿದಂತೆ ಬಿಕ್ಕಟ್ಟನ್ನು ಎದುರಿಸುತ್ತಿದೆ.

ಇಥಿಯೋಪಿಯಾದಲ್ಲಿ ಬೋಯಿಂಗ್‌ 737 ಮ್ಯಾಕ್ಸ್‌ ವಿಮಾನ ದುರಂತಕ್ಕೀಡಾಗಿ 157 ಪ್ರಯಾಣಿಕರು ಮೃತಪಟ್ಟ ಬಳಿಕ ಜಗತ್ತಿನ ಹಲವು ದೇಶಗಳು ಈ ಬಗೆಯ ವಿಮಾನಗಳ ಹಾರಾಟ ಸ್ಥಗಿತಗೊಳಿಸಿವೆ. ಸಿಂಗಾಪುರ ಮತ್ತು ಆಸ್ಪ್ರೇಲಿಯಾಗಳು ತಮ್ಮ ವಾಯು ಪ್ರದೇಶದ ಮೇಲೆ ಬೋಯಿಂಗ್‌ 737 ಮ್ಯಾಕ್ಸ್‌ ವಿಮಾನಗಳು ಹಾದುಹೋಗುವುದನ್ನೂ ನಿಷೇಧಿಸಿವೆ. ಈ ವಿಮಾನಗಳ ಹಾರಾಟವನ್ನು ಮಾರ್ಚ್‌ನಿಂದಲೇ ಭಾರತವೂ ಸ್ಥಗಿತಗೊಳಿಸಿದೆ. ಸಂಪೂರ್ಣ ಸುರಕ್ಷ ತಾ ಪರೀಕ್ಷೆಗಳನ್ನು ನಡೆಸಿ ಅಗತ್ಯ ಮಾರ್ಪಾಡುಗಳನ್ನು ಮಾಡುವ ವರೆಗೂ ಈ ವಿಮಾನಗಳ ಹಾರಾಟಕ್ಕೆ ಅನುಮತಿಯಿಲ್ಲ. ಪ್ರಯಾಣಿಕರ ಸುರಕ್ಷ ತೆಯೇ ನಮ್ಮ ಗರಿಷ್ಠ ಆದ್ಯತೆ ಎಂದು ವಿಮಾನಯಾನ ಸಚಿವಾಲಯ ಹೇಳಿತ್ತು.