ಇಂದಿನಿಂದ ಫಾಸ್ಟ್‌ ಟ್ಯಾಗ್‌ ಜಾರಿ: 1 ತಿಂಗಳು ಕಾಲ ಶೇ. 25 ರಷ್ಟು ಲೇನ್‌ಗಳಲ್ಲಿ ನಗದು ಪಾವತಿಗೆ ಅವಕಾಶ!

ಹೊಸದಿಲ್ಲಿ: ರಾಷ್ಟ್ರೀಯ ಹೆದ್ದಾರಿಗಳಲ್ಲಿ ಡಿಸೆಂಬರ್‌ 15ರಿಂದ ಸಂಚರಿಸುವ ವಾಹನಗಳಿಗೆ ಫಾಸ್ಟ್‌ ಟ್ಯಾಗ್‌ ಕಡ್ಡಾಯ ಎಂದು ಘೋಷಿಸಲಾಗಿದ್ದರೂ, ಇನ್ನೂ 1 ತಿಂಗಳ ಕಾಲ ನಿಯಮಾವಳಿಗಳನ್ನು ಸಡಿಲಗೊಳಿಸಲಾಗಿದೆ.

ನೂರಕ್ಕೆ ನೂರರಷ್ಟು ಕಡ್ಡಾಯ ಎಂದಿದ್ದನ್ನು ಶೇ.75ಕ್ಕೆ ಇಳಿಸಲಾಗಿದೆ. ಅಂದರೆ ಟೋಲ್‌ ಪ್ಲಾಜಾಗಳ ಶೇ.75 ಲೇನ್‌ಗಳಲ್ಲಿ ಫಾಸ್ಟ್‌ ಟ್ಯಾಗ್‌ ಕಡ್ಡಾಯವಾಗಿದೆ. ಉಳಿದ ಶೇ.25ರಷ್ಟು ಲೇನ್‌ಗಳನ್ನು ಹೈಬ್ರಿಡ್‌ ಲೇನ್‌ಗಳೆಂದು ಪರಿಗಣಿಸಬಹುದು. ಹಾಗೂ ಈ ಲೇನ್‌ಗಳಲ್ಲಿ ಫಾಸ್ಟ್‌ ಟ್ಯಾಗ್‌ ಇಲ್ಲದೆಯೂ, ಇತರ ನಗದು ಸೇರಿದಂತೆ ಇತರ ಸಾಮಾನ್ಯ ಪದ್ಧತಿಯಲ್ಲೂ ಶುಲ್ಕ ಪಾವತಿಸಬಹುದು. ಆದರೆ ಈ ತಾತ್ಕಾಲಿಕ ವ್ಯವಸ್ಥೆ 1 ತಿಂಗಳು ಲಭ್ಯ ಎಂದು ಸಾರಿಗೆ ಇಲಾಖೆ ತಿಳಿಸಿದೆ.

ಹೊಸ ವ್ಯವಸ್ಥೆಯ ಆರಂಭಿಕ ಅಡಚಣೆಗಳನ್ನು ಬಗೆಹರಿಸುವ ಸಲುವಾಗಿ ಈ ಕ್ರಮ ಕೈಗೊಳ್ಳಲಾಗುತ್ತಿದೆ ಎಂದು ತಿಳಿಸಿದೆ.

ಈ ಸುದ್ದಿ ಓದಿ: ಫಾಸ್ಟ್‌ ಅಲ್ಲ, ಸ್ಲೋ ಟ್ಯಾಗ್‌

ಫಾಸ್ಟ್‌ ಟ್ಯಾಗ್‌ ಉಚಿತ ಡೆಲಿವರಿ
ಫಾಸ್ಟ್‌ ಟ್ಯಾಗ್‌ ಅನ್ನು ಗ್ರಾಹಕರ ಮನೆ ಬಾಗಿಲಿಗೆ ಉಚಿತವಾಗಿ ತಲುಪಿಸುವ ಸೌಕರ್ಯ ಕಲ್ಪಿಸಿರುವುದಾಗಿ ಪೇಟಿಎಂ ಪೇಮೆಂಟ್ಸ್‌ ಬ್ಯಾಂಕ್‌ ತಿಳಿಸಿದೆ. ಗ್ರಾಹಕರು ನೋಂದಣಿ ಮಾಡಿರುವ ವಿಳಾಸಕ್ಕೆ ಫಾಸ್ಟ್‌ ಟ್ಯಾಗ್‌ ಅನ್ನು ತಲುಪಿಸುವ ವ್ಯವಸ್ಥೆ ಮಾಡಿರುವುದಾಗಿ ತಿಳಿಸಿದೆ.

ಇದನ್ನೂ ಓದಿ: ಫಾಸ್ಟ್‌ ಟ್ಯಾಗ್‌ ಪಿರಿಪಿರಿ, ಜೇಬಿಗೆ ಕತ್ತರಿ

ಪೇಟಿಎಂ ಫಾಸ್ಟ್‌ ಟ್ಯಾಗ್‌ ಅನ್ನು ರಿಚಾರ್ಜ್‌ ಮಾಡಲು ಪ್ರತ್ಯೆಕ ಅಕೌಂಟ್‌ ತೆರೆಯುವ ಅಗತ್ಯವಿಲ್ಲ. ಬದಲಿಗೆ ಗ್ರಾಹಕರ ಪೇಟಿಎಂ ವ್ಯಾಲೆಟ್‌ನಿಂದ ಹಣ ನೇರವಾಗಿ ಡಿಡಕ್ಟ್ ಆಗುವುದು. ಟೋಲ್‌ ಪ್ಲಾಜಾಗಳಲ್ಲಿ ಹಣ ಡಿಡಕ್ಟ್ ಅದ ರಶೀದಿಗಳನ್ನು ಗ್ರಾಹಕರು ತಮ್ಮ ಬೆರಳ ತುದಿಯಲ್ಲಿ ಪೇಟಿಎಂ ವ್ಯಾಲೆಟ್‌ನಲ್ಲಿರುವ ಪಾಸ್‌ ಬುಕ್‌ನಿಂದ ಪಡೆಯಬಹುದು. ಪೇಟಿಎಂ ಫಾಸ್ಟ್‌ ಟ್ಯಾಗ್‌ ಬಳಸಿದರೆ 2019-20 ರ ಅವಧಿಯಲ್ಲಿ ಎಲ್ಲಾ ಟೋಲ್‌ ಗೇಟ್‌ಗಳಲ್ಲಿ ಶೇಕಡ 2.5 ರಷ್ಟು ಕ್ಯಾಶ್‌ಬ್ಯಾಕ್‌ ಕೂಡ ಲಭ್ಯ ಎಂದು ತಿಳಿಸಿದೆ.

Paytm: ಅತಿದೊಡ್ಡ ಫಾಸ್ಟ್ ಟ್ಯಾಗ್ ವಿತರಕ ಹೆಗ್ಗಳಿಕೆ