Fastlane Technology For Petrol Pumps Here Is All About Fastlane
ಫಾಸ್ಟ್‌ಟ್ಯಾಗ್‌ನಂತೆ ಪೆಟ್ರೋಲ್‌ಗೂ ಫಾಸ್ಟ್‌ಲೇನ್‌: ಆಟೋಮ್ಯಾಟಿಕ್‌ ಇಂಧನ ಭರ್ತಿ, ಕ್ಯೂಗೆ ಗುಡ್‌ ಬೈ!
ನೊಜೆಲ್‌ ಸ್ವಿಚ್‌ ಒತ್ತಿದ ಕೂಡಲೇ ಇಂಧನ ಭರ್ತಿಯಾಗುತ್ತದೆ. ನಂತರ ಕಾರ್ಡ್‌ ಸ್ವೈಪ್‌ ಮಾಡುವುದು, ಕ್ಯಾಶ್‌ ಕೊಟ್ಟು ಚಿಲ್ಲರೆಗಾಗಿ ಕಾಯುವುದು ಇದ್ಯಾವ ತಲೆ ಬಿಸಿಯೂ ಇರುವುದಿಲ್ಲ.
Vijaya Karnataka Web27 Jan 2020, 4:19 pm
ಟೋಲ್‌ ಗೇಟ್‌ನಲ್ಲಿ ವಾಹನಗಳ ಉದ್ದುದ್ದ ಸಾಲು, ಚಿಲ್ಲರೆ ರಗಳೆಗೆ ‘ಫಾಸ್ಟ್‌ಟ್ಯಾಗ್‌’ ಪರಿಹಾರ ದೊರೆತಂತೆಯೇ, ಇನ್ನು ಮುಂದೆ ಪೆಟ್ರೋಲ್‌ ಬಂಕ್‌ ಗಳಲ್ಲೂ ಇಂಧನ ತುಂಬಿಸಲು ಕ್ಯೂ ತಪ್ಪಿಸುವುದಕ್ಕಾಗಿ ‘ಫಾಸ್ಟ್‌ಲೇನ್‌’ ಬರಲಿದೆ. ನೀವು ಪೆಟ್ರೋಲ್‌ ಬಂಕ್‌ಗೆ ಹೋದರೆ, ರೇಡಿಯೊ-ಫ್ರೀಕ್ವೆನ್ಸಿ ಐಡೆಂಟಿಫಿಕೇಷನ್‌ (ಆರ್‌ಎಫ್‌ಐಡಿ) ರೀಡರ್‌ ನಿಮ್ಮ ಗಾಡಿಗೆ ಎಷ್ಟು ಪೆಟ್ರೋಲ್‌ ಅಥವಾ ಡೀಸೆಲ್‌ ಬೇಕು ಎಂದು ತಾನಾಗಿಯೇ ನಿರ್ಧರಿಸುತ್ತದೆ. ಅಲ್ಲಿರುವ ವ್ಯಕ್ತಿ ನೊಜೆಲ್‌ ಸ್ವಿಚ್‌ ಒತ್ತಿದ ಕೂಡಲೇ ಇಂಧನ ಭರ್ತಿಯಾಗುತ್ತದೆ. ನಂತರ ಕಾರ್ಡ್‌ ಸ್ವೈಪ್‌ ಮಾಡುವುದು, ಕ್ಯಾಶ್‌ ಕೊಟ್ಟು ಚಿಲ್ಲರೆಗಾಗಿ ಕಾಯುವುದು ಇದ್ಯಾವ ತಲೆ ಬಿಸಿಯೂ ಇರುವುದಿಲ್ಲ. ನೀವು ಗಾಡಿ ಸ್ಟಾರ್ಟ್‌ ಮಾಡಿ ಸೀದಾ ಅಲ್ಲಿಂದ ಹೊರಟು ಹೋಗಬಹುದು. ಇಂಧನದ ಬಿಲ್‌ ಹಣ ತಾನಾಗಿಯೇ ನಿಮ್ಮ ಅಕೌಂಟ್‌ನಿಂದ ಕಡಿತವಾಗುತ್ತದೆ!.
‘ಎಜಿಎಸ್‌ ಟ್ರಾನ್‌ಸ್ಯಾಕ್ಟ್ ಟೆಕ್ನಾಲಜೀಸ್‌’ ಎಂಬ ಸ್ಟಾರ್ಟ್‌ಅಪ್‌ ಕಂಪನಿ ಆವಿಷ್ಕರಿಸಿರುವ ‘ಫಾಸ್ಟ್‌ಲೇನ್‌’ ಎಂಬ ತಂತ್ರಜ್ಞಾನದಿಂದ ಇದು ಸಾಧ್ಯವಾಗಲಿದೆ. ಮುಂಬಯಿ, ಪುಣೆಯ ಎಚ್‌ಪಿಸಿಎಲ್‌ ಪೆಟ್ರೋಲ್‌ ಬಂಕ್‌ಗಳಲ್ಲಿಇಂತಹ ವಿನೂತನ ವ್ಯವಸ್ಥೆಯನ್ನು ಈಗಾಗಲೇ ಜಾರಿ ಮಾಡಲಾಗಿದೆ. ಇದು ಸದ್ಯದಲ್ಲೇ ದೇಶದ ಇತರೆಡೆಗೂ ವಿಸ್ತರಣೆಯಾಗುವ ಸಾಧ್ಯತೆಯಿದೆ.
ಶೀಘ್ರದಲ್ಲೇ ಬೆಂಗಳೂರಿಗೆ?
ಪ್ರಸ್ತುತ ಮುಂಬಯಿ, ಪುಣೆಯ ಎಚ್‌ಪಿಸಿಎಲ್‌ 120ಕ್ಕೂ ಹೆಚ್ಚು ಪೆಟ್ರೋಲ್‌ ಬಂಕ್‌ಗಳಲ್ಲಿ ಶೇ.20ರಷ್ಟು ಇಂಧನವು ‘ಫಾಸ್ಟ್‌ಲೇನ್‌’ ಆ್ಯಪ್‌ ಮಾರಾಟವಾಗುತ್ತಿದೆ. 2020ರ ಮಾರ್ಚ್‌ ವೇಳೆಗೆ ದೇಶದ ಪ್ರಮುಖ 10 ನಗರಗಳಲ್ಲಿಇದನ್ನು ಜಾರಿಗೊಳಿಸುವುದಾಗಿ ಎಜಿಎಸ್‌ ಟ್ರಾನ್‌ಸ್ಯಾಕ್ಟ್ ಟೆಕ್ನಾಲಜೀಸ್‌ ಲಿಮಿಟೆಡ್‌ ಹೇಳಿದೆ.
ಈಗಿರುವ ಫಾಸ್ಟ್‌ಟ್ಯಾಗ್‌ಗಳನ್ನೇ ಇಂಧನ ಭರ್ತಿ, ಪಾರ್ಕಿಂಗ್‌ ಚಾರ್ಜ್‌ ಪಾವತಿಗೆ ಬಳಸಲು ಕೇಂದ್ರ ಸಾರಿಗೆ ಸಚಿವಾಲಯ ಮತ್ತೊಂದು ಯೋಜನೆ ರೂಪಿಸುತ್ತಿದೆ. ಇದು ಸಾಕಾರಗೊಂಡರೆ, ಒಂದೇ ಟ್ಯಾಗ್‌ನೊಂದಿಗೆ ಹಲವು ಸೌಲಭ್ಯಗಳು ದೊರೆಯಲಿವೆ. ಬೇರೆ ಬೇರೆ ಆ್ಯಪ್‌ಗಳನ್ನು ಬಳಸಬೇಕಾದ ತಾಪತ್ರಯವೂ ತಪ್ಪಲಿದೆ.
ಅನುಕೂಲವೇನು?
ತುಂಬಿದ ಇಂಧನದ ಪ್ರಮಾಣ, ದರದ ಬಗ್ಗೆ ಗೊಂದಲಕ್ಕೆ ತೆರೆ
ಹಣ ಪಾವತಿಸಲು ಸ್ವೈಪಿಂಗ್‌, ಕ್ಯಾಶ್‌ ಕೊಟ್ಟರೆ ಚಿಲ್ಲರೆ ತಲೆನೋವಿಲ್ಲ
ಯಾವ ಇಂಧನ, ಎಷ್ಟು ಎಂದು ವಿಚಾರಿಸುವ ಸಮಯ ಉಳಿತಾಯ
ಇಂಧನ ತ್ವರಿತವಾಗಿ ಭರ್ತಿಯಾಗುವುದರಿಂದ ಕ್ಯೂ ತಪ್ಪಿಸಬಹುದು.
ಹೇಗೆ ಕೆಲಸ ಮಾಡುತ್ತೆ?
ಫಾಸ್ಟ್‌ಟ್ಯಾಗ್‌ ಮಾದರಿಯ ‘ಆರ್‌ಎಫ್‌ಐಡಿ ಸ್ಟಿಕ್ಕರ್‌’ ಕಾರ್‌ಗೆ ಅಳವಡಿಸಬೇಕು
ಫಾಸ್ಟ್‌ಲೇನ್‌ ಆ್ಯಪ್‌ ಜತೆ ಸ್ಟಿಕ್ಕರ್‌ ಲಿಂಕ್‌ ಮಾಡಬೇಕು
ಆರ್‌ಎಫ್‌ಐಡಿ ಸ್ಟಿಕ್ಕರ್‌ ಸ್ಕ್ಯಾ‌ನ್‌ ಮೂಲಕ ಬಂಕ್‌ಗೆಮಾಹಿತಿ ರವಾನೆ
ಸ್ಟಿಕ್ಕರ್‌ ಜೊತೆ ಲಿಂಕ್‌ ಮಾಡಲಾದ ಬ್ಯಾಂಕ್‌ ಖಾತೆಯಿಂದ ಹಣ ಕಡಿತ
ಇಂಧನದ ಪ್ರಮಾಣ, ಬಿಲ್‌ ಬಗ್ಗೆ ಮೊಬೈಲ್‌ ಸಂಖ್ಯೆಗೆ ತಕ್ಷಣ ಮೆಸೇಜ್‌.
Vijay Karnataka News App: ನಿಮ್ಮ ಸುತ್ತಮುತ್ತಲು ನಡೆಯುವ ವಿದ್ಯಮಾನಗಳನ್ನುಹಂಚಿಕೊಳ್ಳಲು ಬಯಸುತ್ತೀರಾ? ಹಾಗಿದ್ದಲ್ಲಿ ವಿಜಯ ಕರ್ನಾಟಕ ಆ್ಯಪ್‌ಡೌನ್‌ಲೋಡ್‌ ಮಾಡಿಕೊಳ್ಳಿ ಹಾಗೂ ರಿಪೋರ್ಟ್‌ ಕಳಿಸಿ
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
