ಬ್ಯಾಂಕ್‌ ಎಫ್‌ಡಿ ದರ ಹೆಚ್ಚಳ ಸಂಭವ

ಮುಂಬಯಿ: ಬ್ಯಾಂಕಿಂಗ್‌ ವಲಯದಲ್ಲಿ ಸಾಲ ವಿತರಣೆಯ ಬೇಡಿಕೆ ಸರಾಸರಿ ಶೇ.13-14ರ ದರದಲ್ಲಿ ಏರಿಕೆಯಾಗಿದ್ದು, ಇದರ ಪರಿಣಾಮ ಬ್ಯಾಂಕ್‌ ಎಫ್‌ಡಿ ದರದಲ್ಲೂ ಹೆಚ್ಚಳ ಸಾಧ್ಯತೆ ಇದೆ. ಸಣ್ಣ ಉಳಿತಾಯಗಾರರಿಗೆ ಹಾಗೂ ಠೇವಣಿಗಳ ಬಡ್ಡಿ ದರವನ್ನು ಅವಲಂಬಿಸಿದವರಿಗೆ ಇದು ಅನುಕೂಲಕರ.

ಬ್ಯಾಂಕ್‌ಗಳಲ್ಲಿ ಸಾಲ ವಿತರಣೆಯ ಬೆಳವಣಿಗೆಯ ದರ 14.5 ಪರ್ಸೆಂಟ್‌ ವೃದ್ಧಿಸಿದೆ. ಬ್ಯಾಂಕ್‌ಗಳು ಮುಂದಿನ 2 ವರ್ಷಗಳಲ್ಲಿ ಸರಾಸರಿ 13-14ರ ಸಾಲ ವಿತರಣೆಯ ಬೆಳವಣಿಗೆಯನ್ನು ಉಳಿಸಿಕೊಳ್ಳಲು 20 ಲಕ್ಷ ಕೋಟಿ ರೂ. ಹೊಸ ಠೇವಣಿಗಳನ್ನು ಸಂಗ್ರಹಿಸಬೇಕಾದ ಅಗತ್ಯ ಇದೆ.

2019 ಮತ್ತು 2020ರಲ್ಲಿ ಬ್ಯಾಂಕ್‌ ಸಾಲ ವಿತರಣೆ ಶೇ.13-14ರ ದರದಲ್ಲಿ ವೃದ್ಧಿಸಲಿದೆ ಎಂದು ಕ್ರಿಸಿಲ್‌ ವರದಿ ತಿಳಿಸಿದೆ. 2018ರಲ್ಲಿ ಶೇ.8ರ ಪ್ರಗತಿ ದಾಖಲಿಸಿತ್ತು. ಹೀಗಾಗಿ ಠೇವಣಿಗಳ ಬಡ್ಡಿ ದರ ಏರಿಕೆಯ ಸಾಧ್ಯತೆ ಇದೆ ಎಂದಿದೆ.