ಪೋರ್ಬ್ಸ್ ಏಷ್ಯಾ ಪಟ್ಟಿ: ಸಾನಿಯಾ, ಕೊಹ್ಲಿ ಅಗ್ರ ಸ್ಥಾನ

ನ್ಯೂಯಾರ್ಕ್: ಟೆನಿಸ್ ತಾರೆ ಸಾನಿಯಾ ಮಿರ್ಜಾ, ಭಾರತ ಕ್ರಿಕೆಟ್ ತಂಡದ ಸ್ಟಾರ್ ಬ್ಯಾಟ್ಸ್‌ಮನ್ ವಿರಾಟ್ ಕೊಹ್ಲಿ ಮತ್ತು ಅಗ್ರ ಶ್ರೇಯಾಂಕಿತೆ ಬ್ಯಾಡ್ಮಿಂಟನ್ ಆಟಗಾರ್ತಿ ಸೈನಾ ನೆಹ್ವಾಲ್ 30 ವರ್ಷದೊಳಗಿನವರ ಭರವಸೆಯ ಯುವ ಮುಖಂಡ ಮತ್ತು ಪಂದ್ಯಕ್ಕೆ ತಿರುವು ನೀಡಬಲ್ಲ 50 ಅಗ್ರ ಮಂದಿಯ ಪೋರ್ಬ್ಸ್ ಉದ್ಘಾಟನಾ ಪಟ್ಟಿಯಲ್ಲಿ ಮುಂಚೂಣಿ ಸ್ಥಾನ ಗಳಿಸಿದ್ದಾರೆ.

30ರ ವಯೋಮಿತಿಯೊಳಗಿನ ಏಷ್ಯಾದ ಅಗ್ರ 30 ಮಂದಿ ಜತೆಗೆ 300 ಯುವ ಮತ್ತು ಚಾಲಿತ ಉದ್ಯಮಿಗಳು ಮತ್ತು ಪಂದ್ಯಕ್ಕೆ ತಿರುವು ನೀಡಬಲ್ಲ ಆಟಗಾರರನ್ನು ಪೋರ್ಬ್ಸ್ ಪಟ್ಟಿ ಸಿದ್ದಪಡಿಸಿದೆ. ಇದರಲ್ಲಿ ಭಾರತ, ಇಂಡೋನೇಷ್ಯಾ, ಚೀನಾ, ಹಾಂಕಾಂಗ್, ಸಿಂಗಾಪುರ, ಜಪಾನ್,ಪಾಕಿಸ್ತಾನ, ವಿಯಾಟ್ನಾಂ ಮತ್ತು ಆಸ್ಟ್ರೇಲಿಯಾದ ಪ್ರಮುಖರನ್ನು ಒಳಗೊಂಡಿದೆ. ಪಟ್ಟಿಯಲ್ಲಿರುವ 56 ಭಾರತೀಯರ ಪೈಕಿ 27 ವರ್ಷದ ವಿರಾಟ್ ಕೊಹ್ಲಿ, ಸಾನಿಯಾ ಮಿರ್ಜಾ ಮತ್ತು ನೆಹ್ವಾಲ್ ಮತ್ತು 26 ವರ್ಷದ ನಟಿ ಶ್ರದ್ಧಾ ಕೂಪ್ ಭಾರತೀಯರ ಪೈಕಿ ಮುಂಚೂಣಿ ಸ್ಥಾನ ಗಳಿಸಿದ್ದಾರೆ.

ಜನವರಿಯಲ್ಲಿ ಆಸೀಸ್ ವಿರುದ್ಧ ಟಿ20 ಸರಣಿ ಜಯಿಸಿದ ಭಾರತ ತಂಡವನ್ನು ಯಶಸ್ವಿಯಾಗಿ ಮುನ್ನಡೆಸಿದ ವಿರಾಟ್ ಕೊಹ್ಲಿ ಪಟ್ಟಿಯಲ್ಲಿ ಅಗ್ರಸ್ಥಾನಗಳಿಸಿದ್ದು, 2015ರಲ್ಲಿ ಸೆಲೆಬ್ರಿಟಿಗಳ ಪೈಕಿ ಅತ್ಯಧಿಕ ಆದಾಯ ಗಳಿಸಿದವರಲ್ಲಿ ಕೊಹ್ಲಿ (11.3ಮಿಲಿಯನ್ ಅಮೆರಿಕನ್ ಡಾಲರ್)ಅಗ್ರಸ್ಥಾನ ಪಡೆದಿದ್ದಾರೆ ಎಂದು ಫೋರ್ಬ್ಸ್ ಹೇಳಿದೆ.