ಇಂದಿನಿಂದ ಆರ್‌ಟಿಜಿಎಸ್‌, ಎನ್‌ಇಎಫ್‌ಟಿ ಅಗ್ಗ

ಮುಂಬಯಿ : ಬ್ಯಾಂಕ್‌ನಲ್ಲಿ ಆರ್‌ಟಿಜಿಎಸ್‌ ಮತ್ತು ಎನ್‌ಇಎಫ್‌ಟಿ ಮೂಲಕ ಹಣ ವರ್ಗಾವಣೆ ಮಾಡುವವರಿಗೆ ಇದು ಸಿಹಿಸುದ್ದಿ. ಸೋಮವಾರದಿಂದ(ಜು.1) ಈ ಸೇವೆಗಳು ಅಗ್ಗವಾಗಲಿವೆ.

ಆರ್‌ಟಿಜಿಎಸ್‌ ಮತ್ತು ಎನ್‌ಇಎಫಿಗಳ ಮೇಲೆ ಜು.1ರಿಂದ ಯಾವುದೇ ಶುಲ್ಕಗಳನ್ನು ವಿಧಿಸದಿರಲು ರಿಸರ್ವ್‌ ಬ್ಯಾಂಕ್‌ ನಿರ್ಧರಿಸಿದ್ದು, ಇದರ ಲಾಭವನ್ನು ಆ ದಿನದಿಂದಲೇ ಗ್ರಾಹಕರಿಗೆ ವರ್ಗಾಯಿಸುವಂತೆ ಎಲ್ಲ ಬ್ಯಾಂಕ್‌ಗಳಿಗೂ ಸೂಚಿಸಿತ್ತು. ಬ್ಯಾಂಕ್‌ ಖಾತೆಗಳ ಮೂಲಕ ಹಣ ವರ್ಗಾಯಿಸುವ ಜನಪ್ರಿಯ ವಿಧಾನಗಳಾದ ಆರ್‌ಟಿಜಿಎಸ್‌ ಮತ್ತು ಎನ್‌ಇಎಫ್‌ಟಿಗಳ ಶುಲ್ಕಗಳನ್ನು ವಜಾಗೊಳಿಸುವ ಮೂಲಕ ಡಿಜಿಟಲ್‌ ವಹಿವಾಟನ್ನು ಉತ್ತೇಜಿಸುವುದು ಆರ್‌ಬಿಐನ ಉದ್ದೇಶ.

''ಈ ಸೇವೆಗಳಿಗೆ ವಿಧಿಸುತ್ತಿದ್ದ ಶುಲ್ಕವನ್ನು ಆರ್‌ಬಿಐ ರದ್ದು ಮಾಡಿದ್ದು, ಬ್ಯಾಂಕ್‌ಗಳು ಗ್ರಾಹಕರಿಗೆ ವಿಧಿಸುತ್ತಿದ್ದ ಶುಲ್ಕಗಳನ್ನು ಇಳಿಸಲು ಸಹಾಯಕವಾಗುತ್ತದೆ'' ಎಂದು ಭಾರತೀಯ ಬ್ಯಾಂಕ್‌ಗಳ ಸಂಘಟನೆ ಅಧ್ಯಕ್ಷ ಸುನಿಲ್‌ ಮೆಹ್ತಾ ಹೇಳಿದ್ದಾರೆ.

ಬ್ಯಾಂಕ್‌ ಗ್ರಾಹಕರು 2 ಲಕ್ಷ ರೂ.ವರೆಗಿನ ಹಣ ವರ್ಗಾವಣೆಗೆ ಎನ್‌ಇಎಫ್ಟಿ ಮತ್ತು 2 ಲಕ್ಷ ಕ್ಕಿಂತ ಹೆಚ್ಚಿನ ಮೊತ್ತದ ವರ್ಗಾವಣೆಗೆ ಆರ್‌ಟಿಜಿಎಸ್‌ ಬಳಸುತ್ತಿದ್ದಾರೆ.