ಧಾರವಾಡ ಪೇಡಾ, ಬೆಂಗಳೂರು ನೀಲಿ ದ್ರಾಕ್ಷಿಗೆ ಜಿಐ ನೋಂದಣಿ

ಹೊಸದಿಲ್ಲಿ: ಧಾರವಾಡ ಪೇಡಾ, ಬೆಂಗಳೂರಿನ ನೀಲಿ ದ್ರಾಕ್ಷಿ, ಕಾಂಚಿಪುರಂ ರೇಷ್ಮೆ ಸೀರೆ, ಅಲ್ಫಾನ್ಸೊ ಮಾವು, ನಾಗಪುರದ ಕಿತ್ತಳೆ ಮುಂತಾದ ಪ್ರಾದೇಶಿಕ ವೈಶಿಷ್ಟ್ಯತೆಗಳನ್ನು ಒಳಗೊಂಡಿರುವ 326 ಉತ್ಪನ್ನಗಳನ್ನು ಜಿಯೋಗ್ರಾಫಿಕಲ್‌ ಇಂಡಿಕೇಶನ್ಸ್‌ (ಜಿಐ) ಅಥವಾ ಭೌತಿಕ ಸೂಚ್ಯಂಕದ ಅಡಿಯಲ್ಲಿ ನೋಂದಣಿ ಮಾಡಲಾಗಿದೆ.


ಕೈಗಾರಿಕಾ ಅಬಿವೃದ್ಧಿ ಹಾಗೂ ಉತ್ತೇಜನ ಮಂಡಳಿ (ಡಿಐಪಿಪಿ) ಪ್ರಕಾರ ಇದೇ ಒಂದು ಮೈಲುಗಲ್ಲು. ಜಿಐ ಮಾನ್ಯತೆಯನ್ನು ಕೇಂದ್ರ ಸರಕಾರ, ಕೃಷಿ, ಉತ್ಪಾದಿತ ಉತ್ಪನ್ನ (ಕರಕುಶಲ ಮತ್ತು ಕೈಗಾರಿಕಾ ಉತ್ಪನ್ನ) ವಿಭಾಗಗಳಲ್ಲಿ ನೀಡಲಾಗುತ್ತದೆ.

ಗುಣಮಟ್ಟ ಹಾಗೂ ಪ್ರಾದೇಶಿಕ ವೈಶಿಷ್ಟ್ಯತೆಗೆ ಇಲ್ಲಿ ಮಹತ್ವ ಸ್ಥಾನ ಇದೆ. ಜಿಐ ಮಾನ್ಯತೆಯ ಅವಧಿ 10 ವರ್ಷಗಳಾಗಿದ್ದು, ಮತ್ತೆ ಪರಿಷ್ಕರಣೆಯಾಗುತ್ತದೆ.