ಚಿನ್ನದ ದರ 600 ರೂ. ಕುಸಿತ
ಬಂಗಾರದ ದರ ಗುರುವಾರ 600 ರೂ. ಕುಸಿದಿದೆ. ಬುಧವಾರ 900 ರೂ. ಏರಿಕೆ ದಾಖಲಿಸಿದ್ದ ಸ್ವರ್ಣ ದರದಲ್ಲಿ ಮರುದಿನ 10 ಗ್ರಾಮ್ಗೆ 31,150 ರೂ.ಗೆ ತಗ್ಗಿದೆ. ಜ್ಯುವೆಲ್ಲರಿ ವಲಯದಿಂದ ಬಂಗಾರಕ್ಕೆ ಬೇಡಿಕೆ ಗಣನೀಯವಾಗಿ ಇಳಿಮುಖವಾಗಿತ್ತು.
Vijaya Karnataka Web 10 Nov 2016, 10:59 pm
ಹೊಸದಿಲ್ಲಿ: ಬಂಗಾರದ ದರ ಗುರುವಾರ 600 ರೂ. ಕುಸಿದಿದೆ. ಬುಧವಾರ 900 ರೂ. ಏರಿಕೆ ದಾಖಲಿಸಿದ್ದ ಸ್ವರ್ಣ ದರದಲ್ಲಿ ಮರುದಿನ 10 ಗ್ರಾಮ್ಗೆ 31,150 ರೂ.ಗೆ ತಗ್ಗಿದೆ. ಜ್ಯುವೆಲ್ಲರಿ ವಲಯದಿಂದ ಬಂಗಾರಕ್ಕೆ ಬೇಡಿಕೆ ಗಣನೀಯವಾಗಿ ಇಳಿಮುಖವಾಗಿತ್ತು. ಬೆಳ್ಳಿಯ ಬೆಲೆಯಲ್ಲೂ ಕೆ.ಜಿಗೆ 300 ರೂ. ಇಳಿಕೆ ಕಂಡುಬಂದಿತು. (44,700 ರೂ.) ಬಂಗಾರದ ದರ ಬುಧವಾರ ಕಳೆದ 3 ವರ್ಷಗಳಲ್ಲೇ ಗರಿಷ್ಠ ಮಟ್ಟಕ್ಕೆ ಏರಿತ್ತು. ಹೀಗಿದ್ದರೂ ಜಾಗತಿಕ ಮಾರುಕಟ್ಟೆಯಲ್ಲಿ ಸ್ವರ್ಣ ಬೆಲೆ ಏರುಗತಿಯಲ್ಲಿದೆ.