ಇಳಿಕೆಯ ಹಾದಿ ಮುಂದುವರಿಸಿದ ಚಿನ್ನ-ಬೆಳ್ಳಿ ದರ: ವರ್ಷದ ಗರಿಷ್ಠ ಬೆಲೆಗಿಂತ ₹7000 ಕುಸಿತ!

ಹೊಸದಿಲ್ಲಿ: ಕಳೆದ ವಾರ ಭಾರೀ ಕುಸಿತ ಕಂಡಿದ್ದ ಚಿನ್ನ ಮತ್ತು ಬೆಳ್ಳಿಯ ದರಗಳು ಈ ವಾರವೂ ಇಳಿಕೆಯ ಹಾದಿಯಲ್ಲೇ ಮುಂದುವರಿದಿವೆ. ಚಿನ್ನ ಮತ್ತು ಬೆಳ್ಳಿ ಬೆಲೆಯಲ್ಲಿ ಸತತವಾಗಿ ಇಳಿಕೆಯಾಗುತ್ತಿರುವುದು, ಚಿನಿವಾರಪೇಟಿಯಲ್ಲಿ ಒತ್ತಡಕ್ಕೆ ಕಾರಣವಾಗಿದೆ.

ಸೋಮವಾರ ಕೂಡ ಚಿನ್ನದ ಬೆಲೆಯಲ್ಲಿ ಶೇ.0.4ರಷ್ಟು ಇಳಿಕೆಯಾಗಿದ್ದು, ಪ್ರತಿ 10 ಗ್ರಾಂ ಅಪರಂಜಿ ಚಿನ್ನದ ಬೆಲೆ ₹49,460ಕ್ಕೆ ಇಳಿದಿದೆ. ಬೆಳ್ಳಿ ಬೆಲೆಯಲ್ಲಿ ಕೂಡ ಶೇ.1ರಷ್ಟು ಇಳಿಕೆಯಾಗಿದ್ದು, 1 ಕೆಜಿ ಬೆಳ್ಳಿಯ ಬೆಲೆ ₹58,473ಕ್ಕೆ ಇಳಿದಿದೆ. ಕಳೆದ ವಾರ ಪ್ರತಿ 10 ಗ್ರಾಂ ಚಿನ್ನದ ಬೆಲೆಯಲ್ಲಿ ₹2000 ಇಳಿಕೆಯಾಗಿತ್ತು. ಬೆಳ್ಳಿ ಬೆಲೆಯಲ್ಲಿ ಬರೋಬ್ಬರಿ ₹9000 ಇಳಿಕೆಯಾಗಿತ್ತು.

ಈ ವರ್ಷದಲ್ಲಿ ಆಗಸ್ಟ್‌ನಲ್ಲಿ ಚಿನ್ನದ ಬೆಲೆ ಗರಿಷ್ಠ ಏರಿಕೆಯಾಗಿತ್ತು. ಪ್ರತಿ 10 ಗ್ರಾಂ ಅಪರಂಜಿ ಚಿನ್ನದ ಬೆಲೆ ₹56,200 ತಲುಪಿತ್ತು. ಇದೀಗ ಬರೋಬ್ಬರಿ 7000 ರೂಪಾಯಿ ಇಳಿದಿರುವ ಚಿನ್ನದ ಬೆಲೆ ₹49,460ಕ್ಕೆ ಬಂದು ನಿಂತಿದೆ.

ಕಳೆದ ವಾರ ₹2000 ಕುಸಿತ ಕಂಡ ಚಿನ್ನದ ಬೆಲೆ! ಈ ವಾರವೂ ಇಳಿಕೆ ಹಾದಿ ಹಿಡಿಯಲಿದೆಯೇ?

ಇತ್ತೀಚಿನ ದಿನಗಳಲ್ಲಿ ಅಂತಾರಾಷ್ಟ್ರೀಯ ಮಾರುಕಟ್ಟೆಯಲ್ಲಿ ಚಿನ್ನದ ಮೌಲ್ಯ ಭಾರೀ ಏರಿಳಿತ ಕಾಣುತ್ತಿದೆ. ಕಾರಣ ಷೇರು ಮಾರುಕಟ್ಟೆ ಅಸ್ಥಿರತೆ ಜತೆಗೆ ಡಾಲರ್ ಮೌಲ್ಯದಲ್ಲಿ ಆಗುತ್ತಿರುವ ಏರಿಳಿತಗಳೂ ಇದಕ್ಕೆ ಕಾರಣವಾಗುತ್ತಿದೆ. ಅಂತಾರಾಷ್ಟ್ರೀಯ ಮಾರುಕಟ್ಟೆಯಲ್ಲಿ ಉಂಟಾಗುವ ಬೆಲೆ ಅಸ್ಥಿರತೆಗಳು ಭಾರತದ ಚಿನ್ನದ ಮಾರುಕಟ್ಟೆ ಮೇಲೂ ಪ್ರಭಾವ ಬೀರುತ್ತಿದೆ.

ಇಎಂಐ ಪಾವತಿಯನ್ನು 2 ವರ್ಷಗಳವರೆಗೆ ಮುಂದೂಡಲು ಸಾಧ್ಯ! ಈ ಸೌಲಭ್ಯ ಪಡೆಯುವುದು ಹೇಗೆ?

ಚಿನ್ನದ ಬೆಲೆ ಇಳಿಕೆಯು ಈ ವಾರವೂ ಮುಂದುವರಿಯಬಹುದು ಎನ್ನುತ್ತಾರೆ ಮಾರುಕಟ್ಟೆ ತಜ್ಞರು. ಆದರೆ ಈ ಬೆಲೆ ಇಳಿಕೆ ತಾತ್ಕಾಲಿಕವಾಗಿದ್ದು, ಅಮೆರಿಕ ಅಧ್ಯಕ್ಷೀಯ ಚುನಾವಣೆ ನಂತರ ಮತ್ತೆ ವಿಪರೀತ ಏರಬಹುದು ಎನ್ನಲಾಗಿದೆ.