ಆಭರಣ ಪ್ರಿಯರಿಗೆ ಸಿಹಿಸುದ್ದಿ: ಇಳಿಕೆಯ ಹಾದಿ ಹಿಡಿದ ಚಿನ್ನದ ದರ!

ಬೆಂಗಳೂರು: ಕೊರೊನಾ ಸಂಕಷ್ಟದ ನಡುವೆ ಸುರಕ್ಷಿತ ಹೂಡಿಕೆ ಎಂಬ ಕಾರಣಕ್ಕೆ ಗಣನೀಯ ಪ್ರಮಾಣದಲ್ಲಿಏರಿಕೆ ಕಂಡಿದ್ದ ಚಿನ್ನ ಮತ್ತು ಬೆಳ್ಳಿಯ ದರಗಳು ಕಳೆದೊಂದು ತಿಂಗಳಿನಿಂದ ಇಳಿಕೆಯ ಹಾದಿ ಹಿಡಿದಿದೆ. ಚಿನ್ನಾಭರಣ ಕೊಳ್ಳುವ ಗೃಹಿಣಿಯರ ಕನಸನ್ನು ಇದು ಮತ್ತಷ್ಟು ಹಿಗ್ಗಿಸಿದೆ.

ಬಂಗಾರದ ದರದಲ್ಲಿ ಸುಮಾರು 4,000 ರೂ. ಇಳಿಕೆಯಾಗಿದೆ. ಚಿನ್ನದ ವಾಯಿದಾ ವಹಿವಾಟಿನಲ್ಲೂ ದರ ಇಳಿಕೆಯಾಗಿದೆ. ಬೆಂಗಳೂರಿನಲ್ಲಿ ಆಗಸ್ಟ್‌ 11ಕ್ಕೆ 56,640 ರೂ.ಗಳ ಏರುಗತಿಯಲ್ಲಿದ್ದ ಬಂಗಾರದ ದರ ಸೆಪ್ಟೆಂಬರ್‌ 11ರ ವೇಳೆಗೆ 52,800 ರೂ.ಗೆ ತಗ್ಗಿದೆ. ಅಂದರೆ 3,840 ರೂ. ಅಗ್ಗವಾಗಿದೆ.

ಬೆಂಗಳೂರಿನಲ್ಲಿ 24 ಕ್ಯಾರಟ್‌ನ 10 ಗ್ರಾಮ್‌ ಬಂಗಾರದ ದರ ಶನಿವಾರ 52,800 ರೂ.ನಷ್ಟಿತ್ತು. 22 ಕ್ಯಾರಟ್‌ನ 10 ಗ್ರಾಮ್‌ ಬಂಗಾರದ ಬೆಲೆ 48,400 ರೂ.ಗೆ ಇಳಿದಿತ್ತು. ಬೆಳ್ಳಿಯ ದರ ಆಗಸ್ಟ್‌ 11ಕ್ಕೆ ಪ್ರತಿ ಕೆ.ಜಿಗೆ 72,500 ರೂ.ವರೆಗೂ ಏರಿದ್ದರೆ, ಸೆಪ್ಟೆಂಬರ್‌ 11ಕ್ಕೆ 67,980 ರೂ.ಗೆ ಇಳಿದಿತ್ತು.

ಗೃಹ ಸಾಲ ಪಡೆಯುವವರಿಗೆ ಎಸ್‌ಬಿಐನಿಂದ 3 ಕೊಡುಗೆ: ಪ್ರೊಸೆಸಿಂಗ್‌ ಫೀ ಮನ್ನಾ!

ಅಂದರೆ 4,520 ರೂ. ತಗ್ಗಿದೆ. ಅಂತಾರಾಷ್ಟ್ರೀಯ ಮಾರುಕಟ್ಟೆಯಲ್ಲಿಬಂಗಾರದ ದರ ಗಣನೀಯ ಪ್ರಮಾಣದಲ್ಲಿ ಇಳಿಕೆಯಾಗುತ್ತಿರುವುದು ಇದಕ್ಕೆ ಪ್ರಮುಖ ಕಾರಣವಾಗಿದೆ. ಕೊರೊನಾ ಸಾಂಕ್ರಾಮಿಕ ರೋಗಕ್ಕೆ ಲಸಿಕೆ ಅಭಿವೃದ್ಧಿ ಕೊನೆ ಹಂತದಲ್ಲಿರುವುದು, ಅಮೆರಿಕ-ಚೀನಾ ನಡುವಿನ ವಾಣಿಜ್ಯ ಬಿಕ್ಕಟ್ಟು ತಿಳಿಯಾಗುತ್ತಿರುವುದು ಚಿನ್ನದ ದರ ಇಳಿಕೆಯ ಮೇಲೆ ಪ್ರಭಾವ ಬೀರಿದೆ ಎನ್ನಲಾಗಿದೆ.

ತಿಂಗಳಲ್ಲಿ ಇಳಿಕೆಯಾದ ದರ

• 3,840 ರೂ.(ಚಿನ್ನ,10 ಗ್ರಾಮ್‌ಗೆ)
• 4520 ರೂ. (ಬೆಳ್ಳಿ, ಕೆ.ಜಿಗೆ)
• ಈ ವರ್ಷ ಬಂಗಾರದ ಬೆಲೆ ಕಂಡಿದ್ದ ಜಿಗಿತ ಪ್ರಮಾಣ:28%

ಅತಿ ಹೆಚ್ಚು ಡಾಲರ್‌ ಖರೀದಿದಾರನಾಗಿ ಮುಂದುವರಿದ 'ಭಾರತೀಯ ರಿಸರ್ವ್‌ ಬ್ಯಾಂಕ್‌'!

ಕಡಿಮೆಯಾಗಲು ಕಾರಣವೇನು?

• - ಅಂತಾರಾಷ್ಟ್ರೀಯ ಮಾರುಕಟ್ಟೆಯಲ್ಲಿದರ ಇಳಿಕೆ
• - ದರ ಏರಿಕೆ ಲಾಭ ಪಡೆಯಲು ಹೆಚ್ಚಿದ ಮಾರಾಟ
• - ಡಾಲರ್‌ ಪ್ರಾಬಲ್ಯ, ಕೋವಿಡ್‌ ಲಸಿಕೆ ಅಭಿವೃದ್ಧಿ