ಹೊಸದಿಲ್ಲಿ: ದೀಪಾವಳಿಯ ವಿಶೇಷ 'ಮುಹೂರ್ತ್‌' ವಹಿವಾಟಿನ ದಿನ ಚಿನ್ನದ ದರವು 250 ರೂ. ಇಳಿಕೆಯಾಗಿದೆ. 10 ಗ್ರಾಂ ಚಿನ್ನದ ದರವು 30,750 ರೂ. ಮುಟ್ಟಿದೆ. ಬುಧವಾರವಷ್ಟೇ ಚಿನ್ನದ ದರವು 290 ರೂ. ಏರಿಕೆಯಾಗಿ 31 ಸಾವಿರ ರೂ. ಗಡಿ ತಲುಪಿತ್ತು.
ಬೆಳ್ಳಿ ದರ ಸಹ 1 ಕೆ.ಜಿಗೆ 200 ರೂ. ಇಳಿಕೆಯಾಗಿದ್ದು, 41 ಸಾವಿರ ರೂ. ಗಡಿಯಿಂದ ಕೆಳಗಿಳಿದು 40,800 ರೂ. ತಲುಪಿದೆ. ಉದ್ಯಮ ಘಟಕಗಳು ಮತ್ತು ಚಿನ್ನದ ನಾಣ್ಯ ತಯಾರಕರಿಂದ ಬೇಡಿಕೆ ಕುಸಿದ ಪರಿಣಾಮ ಬೆಳ್ಳಿ ದರ ಇಳಿಕೆಯಾಯಿತು.
ರಾಜಧಾನಿ ದಿಲ್ಲಿಯಲ್ಲಿ ಶೇ.99.9 ಮತ್ತು ಶೇ.99.5 ಶುದ್ಧತೆಯ ಚಿನ್ನದ ದರವು 250 ರೂ. ಇಳಿಕೆಯಾಗಿದ್ದು, ಕ್ರಮವಾಗಿ 30,750 ರೂ., ಮತ್ತು 30,600 ರೂ. ಮುಟ್ಟಿದೆ.
Gold Rate Falls